Telii i Givim Seves long Lod

Bilding blong Jos long Tubuai

Telii mo ol narawan oli stap lukluk ol Lata-dei Sent misinari oli stap kam.

Wan woman, nem blong hem Telii, i stap laef long wan smol aelan long Tubuai. Ol misinari blong defren jos oli kam stap visitim Tubuai samtaem, be oli no stap blong wan longfala taem. Wan dei long 1844, Telii i glad tumas blong harem se ol misinari blong Jos Ia blong Jisas Kraes blong Ol Lata-dei Sent oli kam long Tubuai.

Doktrin mo Ol Kavenan 1:1; 133:8

Telii mo Nabota i invaetem ol misinari blong stap wetem olgeta.

Ol misinari oli stap wantem go long sam bigfala aelan. Be ol pipol long Tubuai oli wantem olgeta blong stap mo tijim gospel. Telii mo hasban blong hem, Nabota, i talem se ol misinari oli save stap long haos blong tufala. Wan long ol misinari ia, Addison Pratt, i akseptem.

Saints, 1:573–74

Telii mo Nabota i stap serem kaekae wetem wan long ol misinari ia.

Telii mo Nabota i serem evri samting we tufala i gat wetem Addison. Tufala i tijim hem blong toktok lanwis blong tufala. Addison i tijim tufala abaot Jisas Kraes.

Telii i stap kasem baptaes, mo Nabota i stap lukluk.

Tabu Spirit i talem long Telii mo Nabota se gospel blong Sevya i tru. Tufala i ol fas pipol long Tubuai blong kasem baptaes.

Saints, 1:573–74

Telii mo ol narawan oli stap serem gospel wetem ol pipol long Tubuai.

Telii, Nabota, mo Addison oli kam ol gudfala fren. Olgeta oli travel tugeta mo tijim gospel long Tubuai mo ol narafala aelan. Taem ol pipol oli traem blong talem long ol Sent long Tubuai se oli no save joenem Jos, Telii i tijim olgeta tru long ol skripja se Jos i tru.

Saints, 2:27, 45

Telii, Nabota, mo ol narafala Sent oli stap singsing tugeta.

Telii i wantem helpem moa pipol blong lanem gospel blong Jisas Kraes long Tubuai. Hem i setemap ol skripja i go long miusik mo invaetem wan bigfala grup blong singsing wetem hem long ol naet. Singsing blong Telii i bin helpem plante pipol blong lanem ol skripja mo tingbaot wanem oli lanem.

Doktrin mo Ol Kavenan 25:12

Telii mo famli blong hem oli stap welkamem famli blong Addison.

Ol yia afta, moa misinari oli kam long Tubuai, we i tekem tu famli blong Addison. Telii i welkamem olgeta long haos blong hem. Hem i wok wetem waef blong Addison, Louisa, blong givim seves long ol woman blong Tubuai.

Saints, 2:133–34

Telii mo famli blong hem oli gohed blong serem gospel wetem ol narawan.

Be afta samtaem, oli fosem ol misinari blong lego Tubuai mo ol narafala aelan. Be Telii i stap gohed blong lidim mo tijim ol Sent. From eksampol blong seves blong Telii, naoia Jos i kam strong long Tubuai.

Saints, 2:150–51