“Perel we I Gat Bigfala Praes,” Doktrin mo Ol Kavenan Stori (2024)
“Perel we I Gat Bigfala Praes,” Doktrin mo Ol Kavenan Stori
Julae 1835–Maj 1842
Perel we I Gat Bigfala Praes
Moa long ol skripja we i kam long Lod
Wan dei, wan man i kam long Ketlan wetem ol mami we i kam long Ijip. Wetem ol mami ia i gat sam pepa rol, o sam olfala pepa rol. Ol pepa rol ia i gat ol raeting blong ol man Ijip long olgeta. Man ia i soem olgeta long Profet Josef Smit. Josef i intres tumas long raeting ia.
Saints, 1:219–20
Sam long ol fren i helpem Josef blong pem ol mami ia wetem ol pepa rol ia. Taem Josef i stap stadi ol raeting ia, Lod i soemaot long hem ol raeting blong bifo long taem blong Ebraham, wan profet long Baebol. Wetem help blong ol fren olsem Oliva Kaodri, Josef i raetem wanem Lod i tijim abaot ol tijing blong Ebraham.
Saints, 1:220
Ebraham i bin luk wan visen blong laef blong yumi wetem Papa blong yumi long Heven bifo we yumi bon. Hem i luk se Jisas nao oli jusum Hem blong i kam Sevya blong yumi. Ebraham i bin lanem tu abaot kriesen blong wol ia. Ol Sent oli glad blong gat ol tijing ia we i kam long Ebraham. Oli hapi se Lod i wantem blong tijim olgeta plante samting moa.
Ebraham 2:6–11; 3–5; Saints, 1:220
Ol raeting blong Ebraham i kam wan pat blong ol skripja we oli singaotem Perel we I Gat Bigfala Praes. Buk ia i gat raeting blong Moses, wan nara profet insaed long Baebol. Hem i tijim ol trutok we i lus insaed long Baebol. Lod i wantem ol pipol blong hem blong save ol trutok ia, mekem se Hem i serem olgeta wetem Josef Smit.
Perel we I Gat Bigfala Praes i gat, testemoni blong Josef Smit, mo Ol Toktok blong Bilif blong Jos. Josef Smit i raetem ol samting ia blong talemaot long wol wanem nao Ol Lata dei Sent oli bilif long hem. Perel we I Gat Bigfala Praes i wan smol buk, olsem wan perel, be hem i gat wan bigfala valiu.