Lucy Morley mo Famli blong Hem

Wan dei, Lucy Morely we i gat 15 yia i stap helpem neba blong hem, Abigail Daniels blong somap kaliko. Taem tufala i stap wok, tufala i harem wan i noknok long doa. Hem i trifala misinari. Abigail i invaetem olgeta blong kam insaed. Oli talem se Jisas Kraes i sendem olgeta blong serem wan mesej wetem tufala.

Saints, 1:102–3

Ol man ia oli talem long Abigail mo Lucy se Jisas i singaotem Josef Smit blong kam wan profet. Oli talem long olgeta abaot Buk blong Momon.

Saints, 1:103

Lucy i sek, Abigail i kros. Hem i mekem ol misinari i aot long haos blong hem.

Saints, 1:103

Lucy i save se ol misinari ia oli ol wokman blong God. Hem i talem long olgeta blong visitim ol famli blong hem long rod ia godaon. “Papa blong mi i stap wan mael stat long ples ia i go,” hem i talem. “Go long ples ia mo bae oli vistim yu mo lukaotem gud yu.”

Saints, 1:103–4

Lucy i talem tru. Ol misinari oli kakae wan gudfala kakae long fam blong Morel famli. Papa mo mama blong Lucy oli ol fren blong Sidni Rigdon. Oli biliv se Jisas i wantem blong serem evri samting we oli gat wetem ol narafala man. Oli invaetem ol misinari blong tijim olgeta wetem ol fren blong olgeta.

Saints, 1:104

Long naet ia, kolosap long medel naet, 17 pipol oli kasem baptaes. Sam dei afta, 50 moa pipol oli kam long fam blong Morely blong lisin long ol misinari mo oli askem blong oli kasem baptaes. Iven fren blong Lucy, Abigail Daniels i jenisim tingting blong hem abaot ol misinari. Hem mo man blong hem i disaed blong joenem Jos.

Saints, 1:105; Doktrin mo Ol Kavenan 20:25, 37