Ջեյն Մանինգն ուղևորվում է Նավու

Ջեյն Մանինգն ու իր ընտանիքն ապրում էին մի վայրում, որտեղ ոմանք չէին սիրում նրանց ու վատ էին վերաբերվում՝ նրանց մաշկի գույնի պատճառով։ Մի օր Ջեյնը լսեց ուսուցանող միսիոների։ Նա իմացավ, որ նրա ուղերձը ճշմարիտ է։ Նա մկրտվեց հենց հաջորդ կիրակի օրը։

Սրբեր, 1․500-501

Ջեյնի ընտանիքը նույնպես միացավ Եկեղեցուն։ Տերը ցանկանում էր, որ Սրբերը միասին հավաքվեին Նավուում։ Ջեյնը սիրում էր Տիրոջը։ Նա և իր ընտանիքը ցանկանում էին, որ լինեին մյուս Սրբերի հետ։ Հետևաբար նրանք սկսեցին դեպի Նավու իրենց ճամփորդությունը։

Վարդապետություն և Ուխտեր 124․25, Սրբեր, 1․501

Իրենց ճամփորդության մի մասը նրանք նավակով ճամփորդեցին։ Նավակում գտնվող շատերը կարող էին ճամփորդության համար վերջում վճարել։ Բայց որոշ մարդիկ Ջեյնի ընտանիքին ասացին, որ նրանք պետք է սկզբում վճարեն։ Նրանք բավական գումար չունեին։ Այդ մարդիկ ստիպեցին նրանց դուրս գալ նավակից և առանց նրանց հեռացան։

Սրբեր, 1․501

Ջեյնի ընտանիքը դեռ պետք է քայլեր 800 մղոն կամ 1300 կիլոմետր։ Նրանք առանց կամուրջի պետք է հատեին խորը առու։ Նրանք պետք է դրսում քնեին։ Հաճախ եղանակը շատ ցուրտ էր։ Բայց Ջեյնի ընտանիքը որոշել էր հասնել Նավու։ Քայլելիս նրանք իրենց ուրախացնում էին երգելով:

Սրբեր, 1․501, 505-6

Ջեյնն ու իր ընտանիքը քայլեցին և քայլեցին, մինչև կոշիկները մաշվեցին և ոտքերը վնասվեցին։ Բայց, երբ նրանք աղոթեցին Աստծուն օգնության համար, Նա նրանց ոտքերը բժշկեց։

Սրբեր, 1․505

Նրանք օգնում էին իրենց ճանապարհին հանդիպած մարդկանց։ Իրենց հավատքի շնորհիվ նրանք նույնիսկ օգնեցին բժշկել հիվանդ երեխայի։

Սրբեր, 1․505-6

Վերջապես Ջեյնն ու իր ընտանիքը հասան Նավու։ Նրանք հոգնած էին և մնալու տեղի կարիք ունեին։ Եվ նրանք գնացին Էմմայի և Ջոզեֆի տուն։ Երբ Ջոզեֆը լսեց, թե ինչերի միջով են անցել, նա նրանց ասաց․ «Աստված օրհի ձեզ։ Այժմ դուք ընկերների հետ եք»: Ջոզեֆն ու Էմման հրավիրեցին Ջեյնին, որ իրենց հետ ապրի։

Սրբեր, 1․506