Նայթերը և ուրիշներ հավաքվում են Սիոնում

Փոլի և Ջոզեֆ Նայթերը ապրում էին Նյու Յորքում, իրենց ընտանիքի հետ։ Նրանք մարգարե Ջոզեֆին լավ ճանաչում էին։ Ավետարանը սովորելուց հետո նրանք ընտրեցին միանալ եկեղեցուն: Երբ Տերը խնդրեց Սրբերին տեղափոխվել Օհայո, Նայթերը հնազանդվեցին։

Վարդապետություն և Ուխտեր 37, Սրբեր, 1․33, 94, 109-110,

Նայթերն ուրախ էին, երբ ժամանեցին Օհայո։ Լեման Քոփլին՝ Եկեղեցու մի անդամ, ասաց, որ Սրբերից մի քանիսը կարող են իր հողամասում ապրել։ Այնտեղ բավականաչափ տեղ կար հատիկ աճեցնելու և տներ կառուցելու համար։ Ջոզեֆ Նայթն ու իր որդիները ջանասիրաբար աշխատեցին, որպեսզի հողը պատրաստեին ցանքի համար։

Սրբեր, 1․126-27

Բայց մի օր Լեման Քոփլին միտքը փոխեց իր հողամասի վերաբերյալ։ Նա չէր ուզում, որ Սրբերն այլևս այնտեղ ապրեին։ Նա Նայթերին և մյուսներին ասաց, որ հեռանան։

Սրբեր, 1․127

Սրբերն անհանգստացած էին։ Այժմ նրանք ապրելու տեղ չունեին։ Նրանք Մարգարե Ջոզեֆին հարցրեցին, թե ինչ պետք է անեն։

Վարդապետություն և Ուխտեր 54, Սրբեր, 1․127

Տերն ասաց, որ այս Սրբերը պետք է գնան Միսսուրի և Սիոնը կառուցեն։ Սիոնը կլինի մի քաղաք, որտեղ Տիրոջ ժողովուրդը կարող է հավաքվել։ Սիոնում նրանք տաճար կկառուցեին, որտեղ Աստծո հետ ուխտեր կամ խոստումներ կկապեին։ Նա կօրհներ նրանց, եթե նրանք պահեին այս ուխտերը։ Նայթերը ոգևորված էին գնալու համար։

Վարդապետություն և Ուխտեր 29․1–8, 42․30-36, 45․59-66, 54․6-9, 57․1-2, Սրբեր, 1․128

Մինչ Նայթերը Միսսուրի էին ճամփորդում, Փոլին շատ հիվանդացավ։ Նրա ամուսինը՝ Ջոզեֆը, և որդիները անհանգստացած էին, որ նա շատ երկար չէր ապրի։ Բայց Փոլին իր ընտանիքին ասաց, որ ուզում է Սիոնում լինել մինչև մահանալը։ Ամեն ինչից շատ նա դա էր ցանկանում։

Սրբեր, 1․128

Երկար ճամփորդությունից հետո Նայթերը ժամանեցին Միսսուրի։ Փոլին շատ երախտապարտ էր Տիրոջը, որ ապրեց տեսնելու այն։ Նայթերի կարծիքով այդ երկիրը գեղեցիկ էր։ Նրանք հավատք ունեին, որ կարող էին պահել Տիրոջ պատվիրանները, որպեսզի այդտեղ Սիոն կառուցեն։

Սրբեր, 1․132

Սրբերը հատուկ աղոթք են ասում և երկիրն անվանում Սիոն, որտեղ Տիրոջ ժողովուրդը կգա։ Մարգարե Ջոզեֆը մի քար է տեղադրում՝ նշելու, թե որտեղ կլինի տաճարի անկյունը։ Մի քանի օր անց Փոլին մահացավ։ Տերը խոստացավ, որ այն Սրբերը, ովքեր եկան Սիոն և մահացան, կհանգստանան երկնքում։

Վարդապետություն և Ուխտեր 59․1-2, Սրբեր, 1․132-33