Էլայջա Էյբլ

Տերը Էլայջա Էյբլ անունով մի մարդու կանչում է՝ լինելու միսիոներ։ Էլայջան Յունիս և Չառլզ Ֆրանկլիններին ուսուցանեց Հիսուս Քրիստոսի ավետարանի մասին։ Նա պատմեց նրանց Մորմոնի Գրքի և Մարգարե Ջոզեֆ Սմիթի մասին։ Յունիսը և Չառլզը հավատացին նրա ուսուցմանը և ցանկացան միանալ Եկեղեցուն։ Էլայջան մկրտեց նրանց։

Սրբեր, 1․316

Էլայջան գնաց մեկ այլ քաղաք, որպեսզի ավետարանով կիսվի։ Ամիսներ անց մի գիշեր, իր ընկեր Յունիսի մասին նա երազ է տեսնում։ Երազում Յունիսն այլևս վստահ չէր, որ Մորմոնի Գիրքը ճշմարիտ է կամ Ջոզեֆ Սմիթը մարգարե է։ Երբ Էլայջան արթնացավ, միանգամից գնաց Յունիսին տեսակցության։

Վարդապետություն և Ուխտեր 75․27, Սրբեր, 1․315-16

Նա զարմացավ, երբ Էլայջային իր դռան մոտ տեսավ։ Էլայջայի երազը ճիշտ էր․ Յունիսն այլևս չէր հավատում Մորմոնի Գրքին կամ Ջոզեֆ Սմիթին։

Սրբեր, 1․317

Էլայջան խնդրեց Յունիսին գալ դպրոց ու լսել իր քարոզը։ Էլայջայի խոսքերը լսելով՝ Յունիսը կրկին զգաց Սուրբ Հոգին։ Նա իմացավ, որ ավետարանը ճշմարիտ է։

Սրբեր, 1․317

Էլայջան Յունիսին խոստացավ, որ երկու շաբաթից կվերադառնա, որպեսզի նորից քարոզի։ Բայց քաղաքում ոմանք չէին ցանկանում, որ նա վերադառնար։ Էլայջայի հեռանալուց հետո նրանք սկսեցին բոլորին պատմել, իբրև Էլայջան մարդկանց է սպանել։ Նրանք պարգևատրում խոստացան բոլոր նրանց, ովքեր կգտնեին նրան։

Սրբեր, 1․318

Յունիսը գիտեր, որ մարդիկ ստում էին Էլայջայի վերաբերյալ։ Նա ոչ ոքի չէր սպանել։ Նա լավ մարդ ու Աստծո ծառա էր։ Յունիսը գիտեր, որ նրանց ստերը Էլայջային չէին կանգնեցի, որ գար իրենց քաղաք ու քարոզեր։ Յունիսը մարդկանց ասաց, որ Էլայջան կվերադառնա։ «Աստված նրան կպաշտպանի»,- ասաց նա։

Սրբեր, 1․318

Էլայջան վերադարձավ։ Նա եկավ այն նույն դպրոցը, որտեղ նախկինում քարոզել էր։ Դպրոցը լիքն էր մարդկանցով, ովքեր ցանկանում էին, որ նա ձերբակալվի։ Էլայջան կանգնեց ամբոխի առջև։ Նա ասաց, որ եթե նրանք ցանկանում են ձերբակալել նրան, ապա պետք է այդ անեն այժմ, քանի դեռ ինքը չի սկսել ուսուցանել։ Եթե ոչ, ապա նրանք պետք է թույլ տան, որ նա ուսուցանի։

Սրբեր, 1․318

Ոչ ոք չշարժվեց։ Էլայջան սպասեց, բայց ամբոխը լուռ նստած էր։ Էլայջան մի օրհներգ երգեց, աղոթեց, և ուսուցանեց Հիսուս Քրիստոսի ավետարանը։ Աստծո զորությունն իր հետ էր։ Ուսուցումն ավարտելուց հետո Էլայջան զրուցեց իր ընկերներ Յունիսի և Չառլզի հետ և խաղաղությամբ շարունակեց իր միսիան։

Սրբեր, 1․319