Նավուի կառուցումը

Տերը պատվիրում է Սրբերին հավաքվել նոր վայրում: Այն գտնվում էր Միսիսիպի կոչվող մեծ գետի մոտ։ Հողը թաց էր, ամենուր ցեխափոսեր էին։ Ոմանք կարծում էին, որ քաղաք կառուցելու համար այն լավ վայր չէր։ Բայց Մարգարե Ջոզեֆ Սմիթը գիտեր, որ Տիրոջ օգնությամբ նրանք կարող էին այն գեղեցիկ դարձնել:

Վարդապետություն և Ուխտեր 124․25, Սրբեր, 1․417

Սրբերը սկսեցին քրտնաջան աշխատել՝ այն ապրելու լավ վայր դարձնելու համար: Մարգարե Ջոզեֆն անվանել է քաղաքը Նավու, որը նշանակում է «գեղեցիկ վայր»:

Սրբեր, 1․417

Տերն ասաց Սրբերին տուն կառուցել Նավուում, որտեղ ճանապարհորդները կարող էին գալ և հանգստանալ: Նա ցանկանում էր, որ Նավուն լինի մի վայր, որտեղ բոլորն իրենց ընդունված կզգան:

Վարդապետություն և Ուխտեր 124․22-24, 60, Սրբեր, 1․426

Տերն ասաց Մարգարե Ջոզեֆին, որ Ինքը մեծ ծրագրեր ուներ Նավուի համար: Նա ցանկանում էր, որ Իր Սրբերը հավաքվեն այստեղ, որպեսզի կարողանան տաճար կառուցել: Տերը հորդորեց նրանց ջանասիրաբար աշխատել՝ Իր տունը կառուցելու համար: Սրբերն արագ սկսեցին աշխատել:

Վարդապետություն և Ուխտեր 124․25–28, 44, 55, Սրբեր, 1․420–21, 425–27

Տերը ցանկանում էր, որ Սրբերը տաճար կառուցեն, քանի որ Նա մեծ օրհնություններ ուներ նրանց տալու: Տաճարում նրանք ուխտեր կամ հատուկ խոստումներ էին կապելու Տիրոջ հետ: Նրանց նաև գիտելիք կտրվեր Երկնային Հոր բոլոր զավակների համար նախատեսված երջանկության ծրագրի մասին:

Վարդապետություն և Ուխտեր 124․29-41, Սրբեր, 1․453-55

Սրբերը ջանասիրաբար աշխատեցին տաճարը կառուցելու համար, ինչպես որ Տերն էր պատվիրել: Երկար ժամանակ պահանջվեց, բայց նրանք ոգևորված էին այն օրվա տեսլականով, երբ յուրաքանչյուրը կարող էր իմանալ այն հատուկ խոստումների մասին, որոնք Տերն ուներ իրենց համար Իր տաճարում:

Սրբեր, 1․453-55