Elder Ronald M. Barcellos

Ke ekar 12 iiō dettan, Elder Ronald M. Barcellos ekar riiti Bok in Mormon ej kab kein kajuon. Ke e ekar kadedeļo̧k an riit, e ekar jibadōkļo̧k rūkaki in jemenere eo ilo ward eo an im kajjitōk eļan̄n̄e e emaron̄ jino etal n̄an kūlaaj ko an jemenere.

“Ikar etal n̄an jemenere jān ke ekar 12 n̄an 18 aō iiō kōnke ekar em̧m̧an ippa pād ijo n̄an ron̄jake bwebwenato in Baibōļ eo im Bok in Mormon,” e ekar ba. “Ikar aolep iien en̄jake em̧m̧an eo an gospel in, im ikōn aolep iien en̄jake ke em̧ool.”

Jerbale juon mijen tok ālik ekar kapenļo̧k tōmak eo an, im e ekar kallim̧ur n̄an aolep iien kaorōk m̧oktata gospel eo ilo mour eo an.

“Pād epaake [Jemād Ilan̄], kautiej bujen ko am̧, im karōk ko An n̄an kwe naaj kūrm̧ool,” e ekar ba.

Ronald Maldonado Barcellos kar ļotak ilo São Paulo, Brazil, ilo Nobōm̧ba 4, 1975, n̄an Sérgio Barcellos Silveira im Marcia Maldonado Barcellos Silveira. E ekar m̧areik Karin Spat Albino Barcellos Silveira ilo São Paulo Brazil Tampeļ ilo Tijem̧ba 4, 1999 eo. Rej jinen im jemān jilu ajri ro.

Elder Barcellos kar ekkatak business administration ilo São Marcos University ilo São Paulo. Jerbal eo an ekar kitbuuj jerbal n̄an jejjo kom̧bani ko ilo eddo ko an sales im marketing im āinwōt juon entrepreneure. E ekar kōpeļaak jejjo pejnej ko, ekokba GreenMile, LLC, ijo e ekar chief executive opija ium̧win jejjo iiō ko.

Elder Barcellos ejjab to ekar kadedeļo̧k jerbal eo an āinwōt juon mijen būreejtōn ilo Portugal Lisbon Mijen. E ekar barāinwōt jerbal āinwōt juon rikakpilōklōk ilo stake būreejtōnji, ko̧o̧njeļ eutiej, būreejtōn an Doulul eo an Likao ro ilo stake, bisop, rikakpilōklōk ilo bisoprik, ritōl an doulul eo an pris ro routiej, būreejtōn an doulul eo an elder ro, im rūkaki in jemenere.