Elder B. Corey Cuvelier

Ke Elder B. Corey Cuvelier ekar kōjjeļā ke enaaj kar em̧m̧akūt jān jerbal eo an n̄an erom juon mijen būreejtōn n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata, rijerbal ro m̧ōttan raar kajjitōk “Kwoj kōm̧m̧an kōjak ke?”

Elder Cuvelier ekar ba rijerbal ro m̧ōttan raar tarpok n̄an meļeļe etke ejaam joļo̧k jerbal eo an ejeraam̧m̧an kake um̧win jilu iiō ko. Bōtaab kajjitōk ko aer raar iien ko rem̧m̧an, e ekar ba, “n̄an kwaļo̧k etke jej kōm̧m̧ane ta eo jej kōm̧m̧ane im etke jej tōmak ta eo jej tōmak im ilo wōn eo jej tōmake. Ej Jisōs Kraist.”

Brian Corey Cuvelier ekar ļotak ilo Jānwōde 12, 1969, ilo Los Angeles, California, ijo kar kōkkajiririk im rūttoļo̧k ie. Jemān, Heinz Joachim Cuvelier, ekar juon police opija. Jinen, JoAnn Leslie Jarnecke Cuvelier, ekar pād wōt im lale m̧weo. E ej rūtto tata iaan emen ajri ro.

Āinwōt juon mijenede edik, Elder Cuvelier ekar jerbal ilo Brazil São Paulo South Mijen eo. E ekar kadiwōjļo̧k jān Brigham Young University ilo 1994 eo kōn juon degree ilo public relations. E ekar kobaļo̧k ilo Shell Oil Company eo ilo 1996 eo, ijo ekar jerbal ilo elōn̄ business unit ko ilo aolepān North America.

Elder Cuvelier ekar m̧areik Wendi Sue Manwaring ilo Juļae 18, 1992, ilo Los Angeles California Tampeļ. Rej jinen im jemān emen ļaddik ro. Cuvelier ro raar jerbal āinwōt ritōl ro an mijen ilo Brazil Curitiba South Mijen eo jān 2016 n̄an 2019 im raar jokwe ilo Katy, Texas, ilo iien eo kar kūr e.

Im̧aanļo̧k, Elder Cuvelier ekar jerbal āinwōt Eria Jiljilimjuonn̄oul ilo North America Southeast Eria, stake būreejtōn, rikakpilōklōk ilo stake būreejtōnji, ko̧o̧njeļ eo eutiej, bisop, rikakpilōklōk ilo bisoprik, im būreejtōn an Doulul eo an Likao ro ilo ward.