Būratōr David J. Wunderli

Būratōr David J. Wunderli ekar aolep iien jeļā bwe Jisōs Kraist emour.

“Ikar jeraam̧m̧an n̄an en̄jake an to An pād ituru jon̄an wōt aō maron̄ keememej,” ekar ba. “Ekar baj lap wōt tōmak ilo būruō.”

Ejjab n̄an ba bwe ekar jab wōr an apan̄ ko, “bōtaab kejekļo̧jeņ ko aō rekar aolep iien m̧anļo̧k n̄an jeļā ewōr uwaak ko jān E.”

Būratōr Wunderli ej kōņaan bwe jodikdik ro an Kabun̄ in ren en̄jake juon en̄jake in juon wōt im n̄an jeļā ewōr ro m̧ōttaer ilo aolep laļ im bwe Jisōs Kraist ejeļā kajjier kōn etaer.

David John Wunderli ekar ļotak ilo Salt Lake City ilo Juun 22, 1961, n̄an Fredric Theodore Wunderli im Bernardine Lyman Wunderli. E ekar ioon Diane Robins ke liin ekar em̧m̧akūt jān Canada n̄an ward eo an. Raar liāp ilo Salt Lake Tampeļ ilo 1984 eo im karūttoļo̧k ajri ro emān nejier ilo Califorina innām Alpine, Utah.

Būratōr Wunderli ekar jerbal ilo Brazil Rio de Janeiro Mijen im kar bōk juon bachelor degree jān Univeristy eo an Utah kōn accounting kōn minor ilo Portuguese. E ekar jerbal āinwōt juon executive ilo Easton Sports im āinwōt būreejtōn eo an OGIO International. E ekar barāinwōt jerbal ilo jejjo boot ko an corporate im phlianthropic.

Ilo iien eo ekar bōk kūr eo an, e ekar jerbal ilo general advisory council eo an Doulul eo an Likaro ro. Sister Wunderli ej jerbal ilo general advisory council eo an Būraimere. Jān 2020 n̄an 2023 eo, raar jerbal āinwōt ritōl ro an Cape Verde Praia Mijen eo. Būratōr Wunderli ekar barāinwōt jerbal āinwōt juon stake būreejtōn an rūm̧m̧an ded ro im bisop, rikakpilōklōk ilo branch būreejtōnji ilo jikin keminene eo an mijenede, im būreejtōn an Doulul eo an Likao ro ilo ward.