“Jerbal ko Jab Loi: Ukook im Jerbal in Jipan̄ Rilotok,” Liaona, Māe 2025.
Jerbal ko Jab Loi: Ukook im Jerbal in Jipan̄ Rilotok
Juon wiikān aolep jiljino allōn̄ ko jej lem̧ōņōņō kōn kweilo̧k eo eļap. Bōtaab jerbal ko jab loi, taujin baļintier ro im rijerbal ro an Kabun̄ in rej jerbal ium̧win allōn̄ ko n̄an kōm̧m̧an bwe en bōk jikin.
Er rej kōm̧m̧ani aolep men rej menin aikuj n̄an kadiwōjļo̧k imejatoto ennaan ko an rikanaan ro n̄an milien aolepān laļ in. En̄in ej jidik in ta eo ej waļo̧k an jerbal ļapļap in.
Jerbal in Jipan̄ ko an Ukook ilo Kōnono
Jibūki im en̄oul-jilu tiim in kajin ko aolepān laļ in rej ukōt ekōnono ko an kweilo̧k eo eļap bwe membōr ro ren maron̄ ron̄jake ilo ejjeļo̧k karum̧wijļo̧k ilo kajin ko aer make. 57 wōt iaan tiim kein rej ukook jān opiij eo eļap an Kabun̄ in ilo Salt Lake City.
Ukook ilo kōnono eoktak jān ukook ilo jeje, eo ej kitbuuj ukōt naan ko kar je n̄an bar juon kajin. Kōn ukook ilo kōnono, tiim in kajin ko rej aikuj pojak n̄an ukōt oktak ko ilo minit eo āliktata im ennaan ko kar kōm̧m̧ani ilo jikin kōnono eo. Rukook ro rej jipan̄ membōr ro aolepān laļ in ron̄ gospel eo ilo kajin eo aer make (lale Katak im Bujen Ko 90:11).
Jerbal in Jipan̄ Rilotok
Eļan̄n̄e kwar pād ilo kweilo̧k eo eļap ilo Salt Lake City, USA, kwar lo rijerbal (usher) ro rej ba kajjien jea eo am̧. Enan̄in 400 mijenede ro ilo Temple Square rej baļintier enan̄in 9,000 awa ko ilo tōre in iien kweilo̧k eo eļap n̄an jipan̄ rilotok ro deļo̧n̄ļo̧k im diwōjtok jān Im̧ōn Kweilo̧k (conference center) eo ilo an meļak.
Er rej jeneete 20,000 rilotok ro n̄an kajjojo m̧wen̄an an kweilo̧k eo eļap. Ilo an juon m̧wen̄an jem̧ļo̧k, er rej jerbal n̄an m̧ōkaj kadiwōjļo̧k rilotok ro ilo iien eo em̧ōkaj bwe ren maron̄ karreoik jikin itok itak ko n̄an ro jet n̄an pād ilo m̧wen̄an eo tok juon.