Elder Eduardo F. Ortega

Ilo iiō ko in jerbal ilo Kabun̄ in, Elder Eduardo F. Ortega ekar katak juon katak aorōk. Ilo jabdewōt kūr, men̄e āinwōt juon bisop ak āinwōt juon būratōr in jerbal in karejar, jeļā bwe jej jutak ilo etan Irooj ej kōm̧m̧an bwe kūr eo en pidodoļo̧k

“Eļan̄n̄e jej ļōmņak ekōjkan An kōm̧m̧ane, ej pidodoļo̧k,” e ekar ba, kōnono jān Jekab 5:71–72 ilo Bok in Mormon. “Ikar en̄jake an Irooj jerbal tūru elōn̄ alen ko ilo elōn̄ kūr ko kōnke ej jikin kallib eo An in, ejjab ad.”

Eduardo Franciso Ortega ekar ļotak ilo Godoy Cruz, Mendoza, Argentina, ilo Juļae 10, 1977, n̄an Fernando Daniel Ortega im Irma Elvira Endstorfer. E ekar m̧areik Gabriela Alejandra Cappi Franzia ilo Montevideo Uruguay Tampeļ ilo Jeptōm̧ba 13, 2002 eo. Er rej jinen im jemān ļalem ajri ro im kar jokwe ilo Mexico City, Mexico, ilo iien eo ekar bōk kūr eo an.

Elder Ortega kar bōk juon bachelor degree ilo architecture jān John F. Kennedy University, Argentina, ilo 2008 im juon master degree jān University of Belgrano ilo 2016 eo. Ilo 2017, e ekar bōk juon diploma ilo leadership jān Harvard Business School eo. E ekar jerbal āinwōt juon construction project menija, m̧oktata n̄an SBA Company eo innām n̄an Argentina branch of Village Roadshow Entertainment Group eo. E ekar erom juon real estate tōrāāktōr n̄an American Express Company eo ilo 2014 eo, boot membōr in Arch Royale Projects Ltd. ilo 2023 im boot membōr in CorNet Global ilo 2024 eo.

Ilo iien kūr eo an, Elder Ortega ekar jerbal āinwōt juon Eria Jiljilimjuonn̄oul. E ekar barāinwōt jerbal āinwōt juon rikakpilōklōk ilo stake būreejtōnji, bisop, rikakpilōklōk ilo bisoprik, būreejtōn an doulul eo an elder ro, ritōl an pris ro routiej, im mijenede ej jerbal aolep raan ilo Colombia Cali Mijen.