Kaorōk Mour

Ekar wōnmaanlok wōt im ba: “ikar bōk elap iakwe im jipan̄ jān ward eo aō. Elukkuun lap en̄jake in kam̧oolol. [Aō] bisop im būreejtōn eo an jiron̄ ro elukkuun lap im mo̧o̧tlok jān jon̄an aer kwalok iakwe im jipan̄. … Emōj aō lo pāin Irooj … ilo an tōl n̄a im baamle eo aō. … Juon ward āinwōt ward in aō ej baamle eo aolep rej aikuji, elaptata juon jiron̄ me jōkjōk in ij pād ie kiiō.”

Jiron̄ in im baamle eo an im ward eo an raar karwaeneneiki tok juon laddik ke eaar lotak ilo allōn in Pāpōde eo.

Būreejtōn Russell M. Nelson eaar ba, “Juon kōkalle an Kabun̄ eo em̧ool an Irooj im Kabun̄ eo emour enaaj ejaak … kate n̄an jerbal in karejar n̄an kajjojo ajri ro nejin Anij … [jerbal in karejar kōn iakwe-jouj] n̄an juon eo, āinwōt An kar kōm̧m̧ane.”

N̄e juon kōrā emake iaan ej jelā ke ej bojen lōn̄ nejin ajri im me eaar jab kōtmene, inepata kōn ajmour, po̧ktok in jetōb, jo̧o̧k, inepata kōn jāān, kajitōkōn jelālokjen eo an, ejaje n̄e enaaj m̧are, im būromōj kōn an naaj jorren etōnak ko an, ilo iien in metak im po̧k lōmnak, enaaj tōl juon kōrā eo ejela lōmnak n̄an bōk bun̄tōn ko renaaj boktok elap metak im ajlok.

N̄an ro rej ron̄jake me emōj aer ioone metak in emwiļal im ajlo̧k jān an kar pād ilo ak joļo̧k ajri jān ļo̧jeen, jouj im kememej: Men̄e jejjab maron̄ ukōt men ko jemaan, Anij emaron̄ jolok mennin etto ko. Jolok bwōd emaron̄ itok kōn An kar kwalo̧k kabwilōn̄lōn̄ ilo An kar tūriamo ilo am erlok n̄an E ilo juon bōro in kōttāiki im ukwelo̧k.

Ruo naan rekijon̄ ippān doon n̄an kokwojarjar lotak eo an ilal: mour im kālet. Mour in ej juon iaan mōttan ko raorōk ilo karōk eo eweppān an Jemed, im kōn kōjelā in kakien eo An jej kaorōk im kōjparok mour; im jej kāālet an wōnmaanlok mour in jekkar ejaake. Jej barāinwōt kaorōk menin letok an kāālet, anemkwoj in mour—jipan̄ n̄an kōkajoor kāālet ko rekwojarjar kōmālim jān Irooj eo ej boktok mour in indeeo.

N̄e juon kōrā im emmaan rej ioon juon kāālet ebwe an kauwatata, jelmae juon kāālet ekametak, naan ko ad, pā ko peier, bōro ko ad—ilo jetōb, en̄jake, im jāān ko—maron̄ kōjeram̧m̧an er bwe ren en̄jake iakwe eo an Rilo̧mo̧o̧r im āinwōt an Būreejtōn Henry B. Eyring kar ba, boktok juon alikkar eo oktak n̄an jetō ko an mejeer jān “ta eo rej lōmnak rej loe” n̄an “ta eo rejjab maron̄ loe kiiō.”

Būreejtōn Dallin H. Oaks ekar ba: “Lōmnak in ad n̄an man lojed ejjab pedped ioon kwalok jelā ko ad kōn n̄aat mour in enaaj jinoe. … Ej kajimwe kōn jelā ko ad ke … aolep ajri in jetōb ro nejin Anij rej aikuj itok n̄an lale in kōn juon wōn eo aebojooj, im bwe kajjojo jekjekid ar baj pād wōt jān jinoin mokta jān ar pād ļo̧jjeen jined im enaaj wōnmaanlok wōt n̄an indeeo im indeeo.”

Naan ko an Irooj kōn ajri ro rejan̄n̄in lotak, lelok aenikien n̄an Būreejtōn eo Kein Kajuon im Doulul eo an Jonoul Ruo Rijilōk ro, ejan̄n̄in oktak im rej elji naan ko an rikanaan ro ekkar n̄an jon̄an rettaer, leļo̧k meļeļe ko rekwojarjar n̄an ta eo Irooj ekar kajjitōk ipped.

“Kabun̄ eo an Jisōs Kraist im Armej ro Rekwojarjar ilo Raan-ko Āliktata rej tōmak ilo kwojarjar eo an aolep armej. Kōn menin, Kabun̄ in ej jum̧ae m̧an ļoje an juon make ak jukjukin pād, im kapilōk membōr ro an n̄an jab kōtļo̧k, kōm̧m̧ane, kipel, kōļļā, ak pepe n̄an m̧an ļoje.

“E [Irooj] ej kōtlok wōt n̄e walok … jān:

• Iien bōro̧ro eo ekar itok wōt jen rāāp ak kōmetak, ak

• Juōn taktō eo im emālim an kōmeļeļeik bwe mour ak ājmour eo an mama eo ej pād ilo kauwōtata, ak

• Juon taktō eo ej lo bwe ewōr an ajriieo me ejjan̄in ļotak jipikpik ilo ānbwin ak wōtam̧we im eban mour ajri eo ālkin an nej ļotak tok.”

Būreejtōn eo Kein Kajuon ar ba: “Man lo̧jen ej juon men elap. [Aaet ilo iien rōt kein rejeja] ej aikuj watōke ālkin wōt an armej eo ej bōk eddo in kar bōk kape kōn jar.” im ko̧o̧njel ippān ro jet.

Jiln̄ūūl iiō emootlok, rikanaan ro an Irooj raar kōrōlok juon kōjelā n̄an lal in. Ekoba naan kein:

“Kōmij … bar kwaļo̧k bwe Anij eaar kakien bwe kajoor ko rekwojarjar n̄an ejaak mour rej aikuj kar jerbal ikōtaan wōt ļeo ak lio, emōj kōmālimi āinwōt ļeo ak lio pālele.

Kōmij kwalok bwe jekjek ko me mour in ej ejaak jāni rej ijjitōn̄ jān lan̄. Kōmij kapenļok bwe ekwojarjar eo an mour im aorōk in karōk eo an Anij indeeo.”

Kajiriri im kōjpārok mour eo me ejan̄in lotak ejjōb an politic. Ej juon kien ilo mour in emōj kappen e jān Irooj n̄an rikanaan ro An.

Juon kōmeļeļe jān Būreejtōn J. Reuben Clark Jr., eo ej jerpal ippān Būreejtōn eo Kein Kajuon, eo elukkuun aebojooj an kōm̧eļeļe kōn jodikdik ro ad rainin.“Jodikdik ro ilo Kabun̄ in rej kwole kōn men ko an Jetōb; relukkuun kōnaan katak kōn gospel in, im rekōnaan bwe en jimwe, jab mōjno. Rekōnaan jelā kōn … tōmak ko ad; rekōnaan bōk naan in kam̧ool ko [kōn] aer m̧ool. Rej … rikajitōk, rikapukōt m̧ool eo.” Jen kōkm̧anm̧anlok ar kōnono im meļeļe ilo baamle ko ad, ilo mōko mwōd, ippān jodikdik ro, im ippān Doulul eo an Kōrā im kweilok ko an doulul eo an emmaan kōn kien eo an Irooj kien erreo, kwojarjar in mour, im kea eo kōn ajri eo ejjan̄n̄in lotak im jineir.

Juon sister ekar juon sistōr ar jeje tok n̄an n̄an n̄a kōn kar juon men ekar ioone jemaanlo̧k: “Āinwōt juon 17 iiō … , ikar loe bwe ikar bōroro̧ kōn jidik n̄an ejjeļo̧k jipan̄ jān laddik eo jera. Ikkar lukkun jook im make iaaō [ak n̄a] ikkar jab ļōmnak in [m̧an lojjeeō]. … E [kar] pād baamle eo aō im bisop eo aō, ro im ekkutkut aō ioone er n̄an bōk kōkabilōklōk. … Iaar reilok n̄an Anij. Iaar katak kōn jeje ko rekwojarjar … im kar jar [im] lo kajoor jān āo Rilo̧mo̧o̧r e im ilo aō bar ukwelok. … Iaar bōk juon uwaak [n̄an jar ko aō] me ijjab maron̄ in kōjōkdoon e. … Elukkun kar kabūromōjmōj, bōtaab ijelā inaaj kar lelok leddik eo neju n̄an kajiriri. … Ij jar kōn peran [im] en̄jake iakwe eo an Rilo̧mo̧o̧r jān wōt aō ukwelo̧k, ijelā ke Anij … ej uwaak jar ko im kōkajoor kōj.”

Juon ripelele eļap iakwe ipper rekar kajiriri ki leddik nin̄n̄in eo im katakin gospel in. Emōj an mare rainin im wōr juon an make baamle.

Jet iien, elukkuun pen im bok kōn jab jelā ta emaron̄ itok im kōjparok mour.

Jidik iien emootļo̧k juon ripelele rūm̧m̧an ded eo Kathy im n̄a lukkun iakwe er rekar jeje tok n̄an n̄a kōn juon ajri aorōk.

Jemen eaar je: “[Ke kōrā eo ippa ar] 10 wiik bōroro̧ kōm ej kab jelā ke nin̄nin̄ eo ewōr juon an nan̄n̄inmej, nan̄n̄inmej in Down syndrome. Kōm ar jino inepata … jān jikin taktō eo n̄an lōmnak in jolok e. Jet wiik jān iien eo kōm eaar jelā ke … ajri in nejūm ejan̄n̄in lotak … enaaj aikuj mwijmwij ilo menono ilo iiō en jinoin an mour. Ilo aolepen iien in ilo am jar aolep iien im kajjitōk jipan̄, … kōm ar en̄jake an Jetōb kaenōm̧m̧an kōm. Kōmro ear bōk revelesōn im meļeļe ke leddik in nejūm ej juon ajri eo ejenolok nejin Jemedwōj Ilan̄ im ewōr an ikdeelel n̄an pād ilo baamle in am im n̄an itok n̄an lal in .”

Jinen nin̄nin̄ in ar je: “[Kōm] ar lukkuun ilpōk, jab meļeļe, im ilo m̧ool inepata kōn ennaan in. … Ke iaar 14 wiik bōroro̧ kōm ej kab jelā ke nin̄nin̄ eo ewōr an bar nan̄n̄inmej in menono, juon eo me enaaj bwe an kauwatata. Ebool takto kōmro kar etal ippaer im ro retijemļo̧k jen ke eaar 10–18 wiik. … Ilo kajojo iien lolo̧k takto kein, rej pāddo kajjitōk elan̄n̄e kōmro kōnaan wōnmaanlok ke jolok e. … Rilo̧mo̧o̧r eaar kemour būruō im letok n̄an eō aenōm̧m̧an im m̧ōņōņō kōn leddik in nejūmro. … [Jemedwōj Ilan̄] eaar kwalok n̄an n̄a jān iien n̄an iien ke ewōr an karōk elukkun jejjet n̄an n̄a [im] ij lōke E.”

Rekar m̧ōņōņō ilo aer karuwainene leddik nin̄n̄in in ejejjot juon wiik emootļo̧k rainin. Leddik in ej aer im rej an leddik eo n̄an indeeo.

Tōmak eo dim im peran eo ekabūlōņlōn̄ rej kōkkallāin rijilōk ro an Jisōs Kraist.

Ilo kar aolep iiō ko maantak, ekar wōr juon iien me iaar maron̄ ioone emmaan im kōrā in me ilo ettā rar bar pukōt bwe ren rooltok n̄an ialin bujen eo im n̄an priesthood eo aer im kōjeram̧m̧an ko an tampel ālkin elōn̄ iiō in aer kar jako aer membōr.

Kar juon iien, in kar kenono ippān juon emmaan ilo etan Būreejtōn eo Kein Kajjuon n̄an jeblaaktok eo an priesthood im kōjeram̧m̧an ko an tampel.

Ālkin an kar mare ilo tampel eo ekwojarjar, im ālkin an lōn̄ jilu nejin ajri, lein ar jab m̧ool n̄an kōrā eo ippān im bujen ko an rekwojarjar. Juon kōrā eo eaar ejelok pāleen eaar bōroro̧ im eaar kōnaan jolok lojeen.

Kōrā kwojarjar in ippān lein ear akwelap ippān jiron̄ in bwe en debiji wōt ajri in im eaar kallimuri ke enaaj karūttoļo̧k ajri in, iien eo enaaj lotak, ippān ajri ro nejin make.

Innem jiron̄ in ejjelok pāleen eaar erra ke eban jolok lojeen.

Emootlok kiiō jon̄oul iiō. Kōrā in ettā būruōn ej jijjet imaan meja ekar iakwe laddik in āinwōt kobban lojeen im ej ba kōn an leo pāleen kajimwe aolep men n̄an iakwe im lale e im baamle eo. Leo ippān ej jan̄ ke kōrā eo ej bwebwenato.

Ewi wāween an kōrā in Anij in bōk juon ajri bwe en nejin me emaron̄ kar juon e me enkar kakeememej e kōn an kar leo ippān jab m̧ool n̄an E? Ewi wāween? Kōnke eaar lo kajoor jān lo Jisōs Kraist im eaar tōmak ilo aorōk in mour, kwojarjar in mour. Ejelā ke ajri in ej nejin Anij, im ejjeļo̧k an bwōd im erreo.

Ro jeiū im jatū rejitōn bōro, jolok iakwe n̄an ajri ro rejan̄in lotak ilo laļin ej juon inepata eo eļap. Anij ej Kaorōk Mour. En̄in ej jerbal eo An im aiboojoj eo An kakūrm̧ool jab wabanban im mour indeeo an armej. Āinwōt rijilōk ro an Jisōs Kraist, jej kaorōk mour. “Ilo men in armej otemjej renaaj jeḷā bwe koṃij rū kaḷora, eḷan̄n̄e koṃij yokwe doon.” En ejjelok jemlokin iakwe kein jej lelok n̄an ro rej lukkuun aikuji. Ij kwalok aō iakwe kom im iakwe eo an Jemedwōj Ilan̄ n̄an ajri ro Nejin me rej itok n̄an laļin Ilo etan Jisōs Kraist, amen.