Elder Clement M. Matswagothata

Ke Elder Clement M. Matswagothata ekar juon ajri ilo Botswana, e ekōn kōļap an riiti Baibōļ eo n̄an lelļap eo jibūn. E ekar lo 1 Samuel 3, me Anij ej kōnono n̄an Samuel, eo tokālik kar kūr āinwōt juon rikanaan.

“Kajjtōk eo aō ekar, ‘Anij ej ke kōm̧m̧ane ejja men in wōt?’”

Kajjitōk jab in ekar jino em̧m̧akūt eo an kōn kajjieon̄ ilo pukot juon Anij eo me ej ekōnono wōt. E ekar iioon mijenede ro an Armej ro Rekwojarjar ilo Raan Ko Āliktata ke e ekar 16 iiō dettan, riiti Bok in Mormon ilo jejjo raan, im kar kūrļo̧k er ilo 3:00 a.m. n̄an jiron̄ er e ekar kōņaan peptaij.

Tokālik e ekar erom stake būreejtōn eo m̧oktata kar kūr ilo Botswana, innām Eria Jiljilimjuonn̄oul eo jinoin, im kiiō Ritōl Eutiej Jiljilimjuonn̄oul eo jinointata.

“Ewōr juon aō naan in kam̧ool elukkuun dim bwe Anij emour im ej kōnono n̄an kōj ilo raan kein āliktata im bwe jej mour ilo juon tōre im iien me rikanaan ro etetal ioon laļ in,” e ekar ba.

Clement Mosiame Matswagothata ekar ļotak ilo Middlepits, Botswana, ilo Jānwōde 8, 1980, n̄an Bojotlhe J. im Rachel M. Matswagothata. Ālkin jerbal ilo South Africa Cape Town Mijen, e ekar iioon lio pāleen, Novelty Busisiwe Buthelezi, ilo juon iien kweilo̧k an rūm̧m̧an ded ro ejjeļo̧k rejtaer an eria. Erro kar m̧are ilo Johannesburg South Africa Tampeļ ilo Pāpode 28, 2004. Ewōr jilu nejier ajri ro.

E ekar bōk juon bachelor degree ilo philosophy. E ekar jerbal ilo jikin kōm̧m̧an waan ettōr (automative industry) kōn elōn̄ kain band in waan ettōr ko, jerbal ilo jejjo jerbal in tōl ko, ekoba sales menija, general menija, im country menija n̄an Barloworld Motor eo.

Ilo iien eo ekar bōk kūr eo an, Elder Matswagothata ekar jerbal āinwōt juon rijerbal in kain̄i ilo tampeļ ilo Johannesburg South Africa Tampeļ im āinwōt juon eria self-reliance specialist.