Elder Aaron T. Hall

Elder Aaron T. Hall ej keememej ke e im lio pāleen, Kimberly, raar kapiti er āinwōt ritōl ro an Texas Houston South Mijen. Raar ba n̄an Elder David A. Bednar jān Doulul eo an Jon̄oulruo Rijilōk ro bwe en̄jake ko aer raar jān tōrjān jon̄an n̄an lo̧udin̄din̄. Elder Bednar ekar kwaļo̧k aikuj eo n̄an kam̧m̧oolol.

“Ta eo ekar katakin kōm raan jab eo ekar jab etal jān ļōmņak ko aō reiookļo̧k jabdewōt kūr kōmij bōke, eo ej, ‘Kōmij kam̧m̧oolol,’” e ekar ba. “Kwoj ke ļōmņak ekōjkan an Irooj kar kāālet eok, bōtaab kōmij rikam̧ool bwe E ej. Im kōnke jej m̧ōņōņō im pojak, E enaaj kōmaron̄ kōj.”

Aaron Tracy Hall ekar ļotak ilo M̧aaj 4, 1971, ilo Provo, Utah, m̧aan eo nejin Alan Eugene Hall im Paula Jeanne Nowak Hall. E ekar jerbale juon mijen edipio ilo Chile Osorno Mijen im ālkin kar m̧areik Kimberly Wade Hall ilo Tijem̧ba 28, 1993, ilo Logan Utah Tampeļ. Er rej jinen im jemān emān ajri ro.

Ilo iien eo ej bōk kūr eo an, Elder Hall ekar jerbal āinwōt juon Eria Jiljilimjuonn̄oul ilo Utah Eria eo. E ekar barāinwōt jerbal āinwōt juon rikakpilōklōk ilo stake būreejtōnji, ko̧o̧njeļ eutiej, rūjeje eo eutiej an stake, bisop, būreejtōn an doulul eo an elder ro, im būreejtōn an Doulul eo an Likao ro ilo ward.

Elder Hall ekar bōk juon bachelor degree kōn professional sales jān Weber State University im juon master degree in business administration jān Univesity of Utah. Im̧aanļo̧k ekar juon executive n̄an technology im private equity firms, eo kiiō ejaak tata kar jerbal āinwōt juon tōrāāktōr ilo Ra eo an Mijenede an Kabun̄ in.