“Ilo Men In Armej Otemjej Renaaj Jeḷā Bwe Koṃij Aō Rikaļoor”
Ad iakwe n̄an Anij im ro Nejin ej juon naan in kam̧ool n̄an laļin bwe Kabun̄ in ej an Rilo̧mo̧o̧r.
Elōn̄ iiō remootļok Sister Uchtdorf im n̄a kar etal rōk in Germany ļok. Ekar m̧okta jen kar Ijtō, im kom̧ro kar kūr tok juon m̧ōttam, eo ejjōb membōr in kabun̄ in, n̄an kabun̄ jar ippem lo raan in Jabōt. Kōm ej iakwe in m̧ōttam jitōnbōro, im ekar pidodo im em̧m̧an n̄an am kwaļok am en̄jake kōn Rilo̧m̧o̧o̧r im Kabun̄ in An im kūr tok bwe en loe! Ekar eoron̄ kūr eo am im kobatok ippam lo branch eo epaake kōm.
N̄e em̧ōj am boktok m̧ōttam̧ n̄an jar juon alen, innem komaron̄ meļeļe kōn aō kar en̄jake ilo jibon̄nin Jabōt eo. Ikar kōņan bwe aolep men ren lukkun em̧m̧an. In m̧ōttam ekar juon eo eļap an māletlet, juon rijar. Ikar kōņaan bwe iien kweilo̧k ko lo branch eo ren pojak n̄an e im em̧m̧an aer kwaļo̧k kōn kabun̄ in.
Branch eo ekar ippān doon lo jet ruum̧ ilo floor ruo in lōn̄in juon m̧ōn wia. N̄an tōpar ijo, kōm ej aikuj etal ilo jikin uwe ļok ilikin m̧weo, kijoone bwiin enno in kobban men ko iloan m̧ōn wia eo.
Ke ekar jino kweilo̧k in kwōjkwōj eo, ikar ļōmņak ļok an eo m̧ōtta en̄jake iien eo juon kōttan, im elukkuun kar pen n̄an n̄a bwe ikar loe jet men im abņōņō kaki. Al eo, n̄an waanjon̄ak, ekar jab āinwōt Tabernacle kuwaer eo. Ajri ro rejjōb tōt im jemaron̄ ron̄ ainikier lo iien kwōjkwōj eo. Rikenono ro rekar kōm̧m̧ane ijo remaron̄e, ako rekar jab jet ro im retijemļok lo kilen kenono loblej. Ikar jijōt im abņōņō ilo iien kweilo̧k eo, kōjatdikdik bwe Jabōt jikuul enej em̧m̧anļok.
Ekar jab.
Aolepen jibbon̄ōn eo in ao inepata kōn ta eo eo m̧ōttam ej ļōmņake kōn kabun̄ in jekar boktok n̄an e.
Tok ālik, ke kōm ej rool, ikar jaļļok im kōnaan n̄an eo m̧ōttam̧. Ikar tin kōmeļeļeiki ke ekar juon branch jidikdik im ejjōb lukkun kwaļok eļap kōn Kabun̄ in. Ako m̧okta jen aō kenono ekar kōnaan.
“Elukkun kar aiboojoj,” ekar ba.
Ikar jaje in ba ta.
Ako ebar ba, “Na illukkuun nebar e wāween an armej kōm̧m̧an n̄an doon lo m̧ōn jar en. Ealikkar ke rej itok jān elōn̄ wāween mour, ijoke elukkuun alikkar aer iakwe doon. Āindein aō pijaikļok ta eo Kraist ekōņaan n̄an Kabun̄ eo An.”
Eokwe, ikaju ukweļo̧k kōn aō kar ekajet. Kōn aō kar kōņaan bwe en jejjōt aolep men n̄an kabun̄ būruōn eo m̧ōtta. Ako ta eo ekar ļap ippān membōr in branch in ke jitōbōn iakwe, meanwōd, kijenmej, im tūriam̧o̧.
Bwe Tōmak Barāinwōt en Maron̄ Ļapļo̧k ilo Laļ
Ro jeiū im jatū, ro m̧ōtta rejitōn bōro, ilukkun iakwe Kabun̄ in an Jisōs Kraist im̧ Armej ro Rekwojarjar ilo Raan Ko Āliktata. Ej Kabun̄ eo em̧ool im an Rilo̧mo̧o̧r, ej katakin kōn tarlep in gospel eo an Jisōs Kraist. An mālim im kajoor rej pād ijin. Jisōs Kraist ej make tōl Kabun̄ in, jen ro rikarejaran E ekar kūr im kōmālim er, im jān juon rikanaan emour, aaet Būreejtōn Russell M. Nelson. Rilo̧mo̧o̧r ekar leļok n̄an Armej ro Rekwojarjar ilo Raan Ko Āliktata juon mijen ejenoļo̧k n̄an ain ro nejin Anij im kōpooj laļin n̄an Itok eo an Rilo̧mo̧o̧r Kein Karuo. Ij kwaļo̧k aō kam̧ool ke ijeļā em̧ool men in.
Ak eļap an aorōk bwe n̄e armej rej itok n̄an kabun̄ in an Jisōs Kraist juon kōttan, rejjab ļōm̧nak kōn mālim eo an Priesthood eo ako kain̄i ko, ako kūktok eo an Israel. Men eo rekōn kile, ilōn̄in men otemjej, ej wāween aer en̄jake n̄e rej pād ippād im wāween ad kōm̧m̧an n̄an ro jet.
“Koṃwin yokwe doon,” Jisōs ekar ba. “Ilo men in armej otemjej renaaj jeḷā bwe koṃij Aō rikaļoor.” Elōn̄ alen, jinoin an armej kwaļok aer naan in kam̧ool kōn Jisōs Kraist ej itok jān aer en̄jake iakwe ilubwiljin rikaļo̧o̧r ro an Jisōs Kraist.
Rilo̧mo̧o̧r ekar kwaļok bwe E ekar kōjepļaaktok Kabun̄ in An “bwe tōmak en maron̄ ļapļo̧k ilo laļ.” Ijoke, n̄e armej rej lo tok iien kweilo̧k kein an Kabun̄ in ad, Rilo̧mo̧o̧r ekōņan bwe ren rool kōn eļap aer tōmak lo E! Iakwe in ro m̧ōttad rej en̄jake ilubwiljid enej kepaake ļok er n̄an Jisōs Kraist! En̄in ej kōtōpar eo ad aolep iien jej ippān doon.
Jabdewōt eo ej pukōt eļapļok tōmak ilo Kraist im juon jemjera eo epaakeļo̧k Jemedwōj Ilan̄ ej aikuj en̄jake an pād kapijuknen ilo Kabun̄ in An Jisōs Kraist im Armej ro Rekwojarjar ilo Raan Ko Āliktata. Karuwaineneik er n̄an kweilok ko ad ilo wāween eo em̧m̧an im pidodo ejjeļok oktak ad karuwainene er n̄an m̧weo imōd.
An Po ļōmān im Lukkuun
Kiiō, ij kab jeļā ke n̄aij kōmeļeļeik an po ļōmān. Im ilo mour in, ejeja ad ioone an po ļōmān. Im “M̧ae raan eo eweeppān,” enej wōr wōt ikōtaan an po ļōmān im lukkun. Innām, ta eo jej aikuj kōm̧m̧m̧ane n̄e Kabun̄ in ejjōb lukkun jejjōt ilo juon raan? N̄e, kōn elōn̄ wūn ko, ward eo ad ejjōb kōkajiririik tōmak ak iakwe eweeppān? Ako jejjōb en̄jaake ad uwaan?
Juon men jejjōb aikuj pōjrak jen an nej po ļōmān!
Ilo taitōl peij eo an Bok in Mormon epād ie kakkōl in aorōk: “eļan̄n̄e ewōr ņotaan rej bōd,” ej ba, “rej bōd ko an armej; kōn menin, jab liaakeļo̧k men ko an Anij.”
Juon bok—ako kabun̄ ako armej—ewōr “ruwōn” im an “bōd ” im erōm̧ wōt jerbal an Anij?
Uwaak eo aō ej juon aaet!
Innem, ilo ad dapij bōklōkōt ko reļļap an Irooj, jen barāinwōt kijenmej ippān doon. Kōj kajjojo jej eddōkļok, im jej reilok wōt n̄an ad Rilo̧mo̧o̧r kōn eddōkļok ko jej kōm̧m̧ani. Men in em̧ool n̄an kōj wōj kajjojo, im em̧ool n̄an aelōn̄ in kiin̄ an Anij ioon laļin.
Irooj ejjōb kūr wōt kōj n̄an kobatok n̄an An aelōn̄ in kiin̄ ako n̄an barāinwōt jipan̄ kalōke e. Anij ej pijaik armej ro rej “juon wōt ilo bōro im juon wōt ilo ļōmņak.” Im n̄an juon wōt bōro, jej aikuj pukōt erreo bōro, im menin ebōk oktak in kajoor ilo bōro.
Ako ejjōb meļeļein bwe n̄ain ukōt būruō bwe en āinwōt kwe. Im ejjōb bar meļeļein bwe kwōn ukōt buruōm āinwōt n̄a. M̧eļeļein bwe jej aikuj ukōt būruōd bwe en juon wot ippān ad Rilo̧mo̧o̧r.
N̄e jejjan̄in tōpar ijin, keememej: bwe kōn jipan̄ eo an Irooj, ejjeļok men en epen.
Ekkar im Uwaan
Im n̄e kwōj en̄jaake ke kwojjab ekkar n̄an er, jouj im jeļā bwe kwojjab make ļok. Jejjan̄in ke kar ioon jōkjōk ko em jej en̄jake ad ruwamāejet iloan juon ruum̧? Em̧ōj aō en̄jake menin juon kōttan. Ke ekar 11 iiō detta, kar kipel baam̧le eo aō n̄an em̧m̧akūt n̄an bar juon jikin jenak kake. Aolep men rekar oktak jān ijo ikar iminene ie. Im wāween aō kenono ekar alikkar n̄an ajri ro jet ke ikar oktak jān ta eo rekar iminene kake. Lo juon tōre ikar lukkuun aikuj jemjerā im m̧ōtta, ikar ijimakeke im jab ekkar n̄an ijo.
Ilo laļin, oktak ko jej kile—oktak ko jet iaad ej kōjerbale n̄an kōlaajraki n̄an doon—ekkā aer itok jen men ko an laļin: jōkjōk in juon lo ānbwin, ijo rej itok jān e, kajin, aer nuknuk, manit, im ebar lon̄. Ako “Jeova e jab lo āinwōt armej ej lo. bwe armej ej lale ālikin armej, a Jeova ej lale būruon.”
Jān An kalimjōke, ewōr wōt juon laajrak ej itok im̧aan men otemjej: nejin Anij. Im aolpedean̄ eļap ad ekkar n̄an men in.
Epidodo ad kōņaan pād itūrin ro rej āinwōt kōj lo reitokier, aer kenono, makūtkūt, im ļōm̧nak āinwōt kōj. Ewōr juon jikin n̄an men in.
Ako ilo kabun̄ in an Rilo̧mo̧o̧r, jej kakobaik aolep ro nejin Anij ro rem̧ōņōņō in kobatok im rej pukōt m̧ool eo. Ejjōb jōkjōkid lo ānbwin, ad ļōm̧nak ko ad kōn kien, ad manit, ak armej ro ad rej kakobaik kōj. Ad itok jān juon wōt wāween mour ejjōb kakobaik kōj. Ej an juon wōt ad kōtōpar, ad iakwe n̄an Anij im iakwe n̄an ro ritūrid, ad m̧ool n̄an Jisōs Kraist im jepļaatok in gospel in An. Jej “juon ilo Kraist.”
Bōro-kuk in jej pukote ejjōb bwe aolep ren jutak wōt ilo juon wōt jikin; ej n̄an aolep bwe ren reilok n̄an juon jikin—n̄an Jisōs Kraist. Jej juon wōt ejjōb kōn ia eo jekar pād ie ako ej ia eo jej etal n̄an e, ejjōb kōn wōn kōj ako ej kōn wōn jej kajjion̄ erōm̧.
Im en̄iin ej ta eo Kabun̄ eo an Kraist ej jutak kake.
Juon Ānbwin
N̄e kwoj iakwe Anij, n̄e kwoj kōņaan jeļā eļapļok kōn E jān am̧ ļoore Nejin, innem kwoj uwaam̧. N̄e kwoj kōņaan pukot jipan̄ n̄an kōjparok kien ko an Rilo̧mo̧o̧r—men̄e kwojjab wanōk—innem kwokar n̄an Kabun̄ in An Jisōs Kraist im Armej ro Rekwojarjar ilo Raan Ko Āliktata.
Im n̄e kwolukkun oktak jān ro ipeļaakim̧? Ejjōb meļeļein kwoj oktak—emenin aikuj bwe kwōn erōm̧ ānbwinnin Kraist. Jaikuji aolep ilo ānbwinnin Kraist. Lo̧jiln̄i ejeļā men ko men ko mej ejjōb maron̄i Ne ej kōm̧m̧ani men ko pa rejjōb maron̄i.
Ejjōb meļeļein jerbal eo am̧ ej n̄an ukote aolep bwe ren āinwōt kwe. Ak ej meļeļein ke ewōr men en komaron̄ leļok—im bwe ewōr men en aorōk n̄an am̧ ekkatak.
Juon wōt Ainikien
Aolep kweilo̧k lo Kweilo̧k eo Eļap, jejeraam̧m̧an kōn al kein rej im̧we kōj jān kuwaer eo retijemļok. Ilo am̧ ron̄jake, kwoj kile ke aolep ri al rejjōb al juon wōt no̧o̧t. Jet iien jet iaer rej ibōr al en, im jet iien ro jet. Ako aolep rej kōm̧m̧ane ijo koņaer n̄an ainikien in aiboojoj, im aolep erom juon wōt. Kajjojo iaan kuwaer eo ewōr aer kōttōpar: n̄an nebar Anij im kotak būruōd n̄an E. Kajjojo iaer būrueer im aer ļōm̧nak rej kalimjōkļok mejānkajjik eo. Im n̄e men in ej waļok, rej lukkun juon wōt lo ainikien.
N̄e kwojjab membōr in Kabun̄ in An Jisōs Kraist im Armej ro Rekwojarjar ilo Raan Ko Āliktata, jej karuwaineneik eok n̄an kuk tok ippām lo am̧ lan̄lōn̄ ilo Rilo̧mo̧o̧r kōn “al in iakwe em̧ool.” Kōmij aikuji kom̧. Kōmij iakwe kom̧. Kabun̄ in enej em̧m̧anļok kōn jipan̄ ko ami n̄an jerbal n̄an Irooj im ro Nejin.
Eļan̄e em̧ōj am̧ jino kōm̧m̧ane, jen am̧ peptaij, jen kōm̧m̧an bujen ko ippān Anij, am̧ ikdeleel n̄an “āinwōt kom̧ij kōņaan itok ilo wōrwōr an Anij, im n̄an kūr kom̧ armej ro An,” kom̧mol kōn am̧ uwaan jerbal in aorōk im kōn am̧ jipan̄ kōm̧m̧an bwe Kabun̄ in An Jisōs Kraist en erōm̧ ta Rilo̧mo̧o̧r ekoņaan bwe en āinwōt.
Ilo aō ekkatak jān eo m̧ōtta lo Germany, iakwe eo ad n̄an Anij im ro Nejin ej juon naan in kam̧ool n̄an laļin bwe Kabun̄ in ej an Rilo̧mo̧o̧r.
Kajjitōk bwe Anij en kōjeraam̧m̧an bwe jen kijenmej barāinwōt tiljek ilo ad mour ekkar n̄an kōttōpar ko an ad Rilo̧mo̧o̧r, Ripinmuur, im M̧asta ekar kwaļok n̄an kōj—bwe aolep ren jeļā jej An Rikaļoor. Ilo et eo ekwojarjar etan Jisōs Kraist, amen.