Elder James E. Evanson

Elder James E. Evanson ekar rūttoļo̧k ilo juon farm in sugar beet ilo bukwōn eo edik ilo Barnwell, iturear in Lethbridge, Alberta, Canada.

Juon bwijjin baininer ro rūtto retiljek, Elder Evanson ekar rūttoļo̧k ilo juon kapijuknen ijo “gospel eo ekar katakin im mour kake.”

Ke ekar 10 iiō dettan, e ekar riiti aolepān bok ko (volume) 16 an baam̧le eo an Bok in Mormon ewōr pija ie im bwebwenato ko an bwebwenato in Kabun̄ in im kar jokāālet n̄an ļoor waanjon̄ak eo an Josep Smith. Ajidikdikļo̧k n̄an juon bukun wōjke ko iturejet in iaļ eo jān m̧weo im̧ōņ, ekar bukwelōlō, jar, im bōk juon kapen jān Jetōb Kwojarjar eo bwe Jisōs Kraist ej an Rilo̧mo̧o̧r, Josep Smith ekar juon rikanaan em̧ool, im Bok in Mormon ej m̧ool.

Kareel jab in ekar kōketak juon jerbal in jipan̄ ewujlepļo̧k to̧o̧n wōt mour ilo Kabun̄ in, ekoba āinwōt juon Eria Jiljilimjuonn̄oul, stake būreejtōn, im būreejtōn an Utah Orem Mijen. Ilo iien eo ekar bōk kūr eo an, Elder Evanson ekar jerbal āinwōt juon ritōl m̧akūtkūt an Valiant eo ilo ward eo an ilo Lethbridge.

James Eugene Evanson ekar ļotak ilo Taber, Alberta, ilo Ọkwōj 16, 1968, juon iaan ajri ro ruwalitōk ļotak n̄an Dale Eugene im Phyllis Tanner Evanson.

Ālkin jerbale juon mijen ilo Tempe, Arizona, Elder Evanson ekar m̧areik Jody Karil Zobell ilo Tijem̧ba 20, 1989 eo, ilo Salt Lake Tampeļ Er rej jinen im jemān ļalem ajri ro im ewōr 11 jibwier.

Elder Evans ekar bōk juon bachelor degree im juon degree in doctor in dental surgery jān University eo an Alberta im kar jerbal āinwōt juon taktō in n̄i ilo juon private practice ium̧win 26 iiō ko.