Tōmak: Juon Korak in Lōke im Mool
Tōmak ej juļ ilo ad lōke ilo Jisōs Kraist im ebbōļ ilo ad tiljek im m̧ool n̄an E.
Ke ekar 17 aō iiō, ikar kōm̧m̧ane juon koņ ippān eo m̧ōtta José Luis n̄an katakin e kilen aōō. Innām juon jibbon̄ kōm ar wūjlepļo̧k iien eo n̄an kamminene. Ke katak eo am ekar jem̧ļo̧k im ikar etal n̄an pool eo, ikar ron̄ an eo m̧ōtta lamōj kōn jipan̄. Ekar maļon̄ ilo ijo em̧wilaļ ilo pool eo.
Ikar kelo̧k n̄an dān eo im aōō ļo̧k n̄an e ke ej jar kōn jipan̄. Ke ikar jibwe pein im kanōktok n̄an ioon aejet, eo jera ekar aikuj jipan̄ ekar kukutok ioon likū im keen būruwō. Kiiō kōm̧ro jim̧or kar tūm̧laļļok. Ikar kajjieon̄ jon̄an wōt aō maron̄ n̄an kōttōbar ioon aejet, ikar jar kōn aolepān aō kōn juon kabwilōn̄lōn̄ jān Anij. Innām, jidik jidik im dāpdep wōt, kajoor eo an Anij ekar waļo̧k ke ikar en̄jake juon pā ej iuun lōn̄ļo̧k n̄a n̄an ijo epijpij ilo pool eo, bōkļok kōm̧ n̄an kōjparok.
En̄jake in ekar kam̧oole juon katak eaorōk Būreejtōn Russell M. Nelson juon iien kar katakin: “N̄e kwōj kotak lōn̄ļo̧k eok n̄an kajoor eo an Irooj ilo mour eo am̧ kōn ejja kain maron̄ in me juon armej emaļon̄ ej kappok kōto n̄an bōk kitwōn, kajoor jān Jisōs Kraist enaaj am̧.”
Ajri ro rejitōn bōro im armej ro rem̧m̧an ded, rainin, ikōņaan kōnono n̄an kom̧ kōn pedped eo eaorōk an tōmak ilo Jisōs Kraist.
Tōmak ilo Kraist ej Meļeļein Lōke E
Ta meļeļe in n̄an tōmak ilo Kraist? Ej ke meļeļein jej tōmak ilo E ak wōr juon ad naan in kam̧ool bwe E ej mour? Menin emaron̄ bōlen juon ijjino, ak eļapļo̧k meļeļein. Kwonan̄in ke kar ļōmņak kōn tōmak āinwōt lōke? Ļōmņak kōn armej eo eļap am lōke—bōlen juon uwaan baam̧le eo ak juon m̧ōttam̧. Etke kwoj lōke er? Ej bōlen kōnke em̧ōj am̧ loe emakijkij in aer iakwe im jipan̄.
N̄e ewōr ad lōke ilo Kraist, jej kile kōjeraam̧m̧an ko An im ejaake juon jem̧jerā in lōke Ippān.
Ewi Wāween Am Maron̄ Kōļapļo̧k Lōke ilo Kraist?
Ilo juon nokon an jodikdik ro ej kab jem̧ļo̧kļo̧k, kwaar karuwainene n̄an kejōkļo̧kjeņ kōn juon iien ilo mour eo am̧ ke kwaar bōk juon juran meram jān lan̄. Kajjieon̄e waanjon̄ak in!
Jino ilo kejōkļo̧kjeņ kōn Kraist im m̧ōņōņō eo Pinmuur eo An im gospel eo rej bōkwaj n̄an mour eo am̧. Barāinwōt, kōm̧m̧ane juon ļo̧o̧k in “ememļo̧kjeņ ko ralikkar ilo jetōb” ijo me Anij ekar pād ijeņ n̄an eok, ro kwoj iakwe, im n̄an armej ro ilo jeje ko rekwojarjar. Kiiō, naan in kam̧ool kein rej jāmin bōktok kajoor n̄an mour eo am̧ m̧ae iien Jetōb eo ļam̧ļame er ilo “tebōḷ kanniōk ko” an būruwōm̧. Kōn menin kejōkļo̧kjeņ im ļooke aolep men ko Anij ej kōpooje rekabwilōn̄lōn̄ itok ilo iien eo ejejjet.
Eo juon, kōjerbale waanjon̄ak in āinwōt juon iien em̧m̧an n̄an epaake ļo̧k Anij. Jar n̄an Jemōm̧ Ilan̄ āinwōt n̄e kwoj kab tin. Kwaļo̧k am̧ iakwe im kam̧m̧oolol kōn kōjeraam̧m̧an ko Am̧. Aaet kajjitōk Ippān ewi wāween An en̄jake kōn eok im kōn tōl eo mour eo am̧ ej bōke.
Eļan̄n̄e kwoj m̧ool im ettā, kwonaaj ron̄jake uwaak eo An im jino juon jem̧jerā eo am̧ im ejjeļo̧k jem̧ļo̧kin ippān Jemādwōj Ilan̄ im Jisōs Kraist. Ejjab menin wōt, ak imminene in kabun̄ ko am̧ renaaj ļaptokjāer. N̄an waanjon̄ak, kwonaaj reim̧aanļo̧k n̄an jar ko am̧, ekkatak ko am̧ make, im kabun̄jar ilo tampeļ āinwōt iien ko rem̧m̧an n̄an jeļā kajjeer im maron̄ pād Ippāer.
Tōmak ej Eddōkļo̧k kōn Mool
Jeļā bwe tōmak ej juļ ilo ad lōke ilo Jisōs Kraist im ebbōļ ilo ad tiljek im m̧ool n̄an E. Eļan̄n̄e kwoj kōņaan juon jem̧jerā em̧ool ippān Kraist, kwaļo̧k n̄an E jān kōm̧m̧an bujen ko im kautieji ilo tiljek im m̧ool. Kōm̧m̧an bujen ko ippān Jisōs Kraist ej ejaak kōjatdikdik. Kautieji ej kalōk tōmak.
Kōtļo̧k bwe in kōjerbale juon waanjon̄ak aō make: Ke ikar juon ajri, ikar loe an jinō jan̄ make iaan juon raan. Ke ikar kajjitōk ippān etke, ekar mera an ba, “Ikōņaan bwe kwon juon ļaddik em̧m̧an.” Mekarta ikar jeļā bwe ikar jab kōm̧m̧an an inepata, ij iakwe im lōke jinō āinwōt ejjeļo̧k bar juon im ikōņaan kōm̧m̧an bwe mour eo an dik an pen. Kōn menin, kōn dānin kōm̧jaļaaļ ko imeja im kōn aolep kōm̧m̧an ko rem̧m̧an me juon ratimjuon iiō emaron̄ wōr ippān, ikar kallim̧ur n̄an e ilo raan eo bwe inaaj aolep iien erom̧ nejin ļaddik eo em̧m̧antata im kōm̧m̧an an m̧ōņōņō.
Komaron̄ ke kōļmenļo̧kjeņ kōn kajoor eo ilo kallim̧ur in—im ej pād—ilo n̄a?
Kallim̧ur in ippān enaaj tōl mour e aō. Mokta jān kōm̧m̧ani kālet ko, inaaj ļōmņak eļan̄n̄e kōm̧m̧an ko aō renaaj kam̧ōņōņōik e. Korak in an kallim̧ur in im jem̧jerā eo aō ippān jinō rekar emjak eo n̄an m̧wileō aolepān aō mour.
Iiō ko tokālik, ke ekar jino em̧m̧anļo̧k aō jeļā kōn Jisōs Kraist, em̧ōj aō jeļā kadede ewi wāween aō tōmak ilo E. Ikar kōm̧m̧an bujen ko ippān Irooj, im ilo aō kappukot n̄an kautieji, E ekar jeorļo̧k jerawiwi ko aō, kar tōl mour eo aō, im “kobrak eō kōn iakwe eo an” n̄an ijo em̧wilaļtata ilo n̄a. Kraist ekar letok n̄an eō juon iakwe em̧wilaļ, kautiej, im m̧ool n̄an E.
Kwoj ke meļeļe etke “tōmak ej juon pedped in katak an m̧akūtkūt” im bwe “eļan̄n̄e ejjeļo̧k tōmak epen n̄an kam̧ōņōņōik [Anij]”?
Ilo am̧ kajjieon̄ kōm̧m̧ane ta eo ej kam̧ōņōņōik E, kwonaaj ba āinwōt Joseph ilo Egypt ke kar kapoiki jān kōrā eo pāleen Potiphar, “Innām ekōjkan aō maroñ kōṃṃan nana in eḷap, im jerọwiwi ñan Anij?” Im n̄e kwoj jelm̧ae kōn jum̧ae, kwonaaj ba āinwōt Rikanaan Josep eo edik, ikar jeļā, im iaar jeļā bwe Anij ekar jeļā, im iban kar maron̄ kariab e; … iaar jeļā ke jān kōm̧m̧an āindein inaaj kar kainepataik Anij.”
Kōn menin tōmak ilo Jisōs Kraist ej juon korak in lōke kar kajutak ilo m̧ool im iakwe. Ilo naan ko jet, n̄an kam̧m̧oolol kōn iakwe in tūriam̧o eo an Anij (meanwōd), jej kwaļo̧k ad iakwe lo ad em̧ool (tōmak) ilo ad kōjparok kien ko An.
Kraist ej kallim̧ur, “Eo kien ko Aō ippān, im ej kōjparoki, e in eo ej yokwe Eō. Im eo ej yokwe Eō Jema enaaj yokwe e, im I naaj yokwe e, im I naaj kwaḷọk Eō n̄an e.” Eļan̄n̄e kwoj kallim̧ur n̄an lukkuun m̧ool n̄an E, Enaaj kwaļo̧k An iakwe n̄an eok.
Tōmak ilo Jelm̧ae mālijjon̄
Ak ewi wāween am̧ uwaak n̄an kain jekjek ko rekōm̧etak me rej aikuji kabwilōn̄lōn̄ ko An? Ilo iien in me apan̄ ko rej eļap im jet iien kaam̧jak, baj etetal wōt ilo am̧ jab mijak n̄an E, āinwōt an 2025 FSY kweilo̧k eo eļap unin tōl eo karuwainene: “Reitok n̄an Eō ilo ļōmņak otemjeļo̧k; jab pere, jab mijak.”
Ewi Wāween Am̧ Etetal ilo Am̧ Jab Mijak N̄an E?
Kōlmenļo̧kjeņ eļan̄n̄e kwoj juon rialooj ilo juon jikin kwojaje kake. N̄an anjo menin bōbrae ko rej pād im̧aan, kwoj aikuji juon jipan̄ in meram. Tiljek eo am̧ n̄an Anij im am̧ aolep iien m̧akūtkūt Ippān rej kaan n̄an ļaam̧ eo am̧. Bwe n̄e kwoj ioon jekjek ko remarok im rekauwōtata, ijjelo̧kin am̧ etetal ļo̧k n̄an er ilo am̧ jab lo m̧aan, kwonaaj reiwaj n̄an ļaam̧ eo am̧ eobrak kōn oil in tōmak ilo Kraist n̄an kalipupuiki m̧ōjņo̧ ko an kōjatdikdik ilo iaļ eo kwojjab jeļā kake. En̄jake ko am̧ m̧okta renaaj kōļapļo̧k kōjatdikdik eo am̧ bwe Irooj enaaj rejtake eok ilo iaļen ito tak eo am̧.
Ewi Ettoļo̧k In Am̧ Naaj Etal kōn Kōjatdikdik eo Am̧ ilo Tōmak ilo Kraist?
Keememej bwebwenato eo aō ilo pool eo? Ilo iien ebbeer in, kabwilōn̄lōn̄ ekar itok ilo wāween eo ikar kōtmāne, ak Anij ejjab kallim̧ur bwe enaaj aolep iien erom̧ ekkar n̄an ankilaad. Tōmak eo ad ej aikuj in pedped ilo Kraist im ad kōjatdikdik ilo kōjeraam̧m̧an ko An, ilo An kālet n̄an litoki. “Kōtmāne kabwilōn̄lōn̄ ko,” ak “kōtļo̧k bwe Anij en anjo̧ ilo mour ko ad.”
Kallim̧ur ko an Anij n̄an Armej ro An Retiljek
Ro m̧ōtta rem̧m̧an ded, ewi jon̄an am̧ iakwe im lōke kom̧! Kom̧ij jān baam̧le eo an Anij im kom̧ij ajri in bujen ro. Tōmak im lōke ilo Jisōs Kraist. Enaaj kōmaron̄ eok n̄an erom̧ An rikaļoor.
Ij karuwaineneik kom̧ n̄an jino rainin n̄an naajdik jem̧jerā eo am̧ ippān Jisōs Kraist. Kōm̧m̧ane juon kallim̧ur n̄an jāmin meļo̧kļo̧ke E.
Am̧ m̧ool, iakwe, im lōke ilo Kraist enaaj ļam̧ļame m̧wil eo am̧ im kadkadim āinwōt E. Kwonaaj bōk lōke im kajoor n̄an anjo̧ jān joreen ko an Setan. Im n̄e kwoj kōm̧m̧an bōd, kwonaaj kijerjer kōn An jeorļo̧k bōd. Āliktata, kōjatdikdik eo am̧ kōn ilju im jekļaj eo am̧ enaaj em̧m̧an. Enaaj lōke eok kōn kajoor eo An n̄an kōttōbrak jabdewōt men Ej kōtmāne jān eok, aaet kajoor eo n̄an ro̧o̧lļo̧k n̄an im̧aan Mejān.
Ij kam̧ool n̄an kom̧ kōn lan̄lōn̄ eo me ej itok jān al “al in pinmuur in iakwe” im erom̧ “kabooļ kōn pā in iakwe ko An rej n̄an indeeo.” Ilo et eo ekwojarjar etan Jisōs Kraist, amen.