Bōk Mennin Letok Eo An

Mennin leļo̧k eo leļo̧k ej juon imminene ilo jukjukinpād ej debakbak ļo̧k ilo aolep m̧anit ko, jukjukinpād ko, im mennin letok in leļo̧k ej wōnm̧aanļo̧k ilo iien ko ilo aolep bwebwenato. Ilo aolep tōre in iien ko, armej rekar leļo̧k mennin leļo̧k n̄an doon n̄an kōkajoorļo̧k jem̧jerā ko, kwaļo̧k iakwe im kam̧m̧oolol, im kōkkaļļeiki iien ko raorōk āinwōt iien m̧are ko, raan in ļotak ko, im raan in kakkije ko jān jerbal. Im armej rejjab wōt kōm̧anm̧an ko an Anij rej leļo̧k mennin leļo̧k ko n̄an doon! Ilubwilijin elōn̄ waanjon̄ak ko jet jemaron̄ in letok, penguin ko rebun̄bun̄ kōn aer leļo̧k dōkā ko rerrabōlbōl n̄an ro m̧ōttāer, im bonobos (juon eo ej rilikin chimpanzee ko) ej leļo̧k leen wōjke n̄an kōļapļo̧k doulul in jem̧jerā eo.

Mennin leļo̧k ta ko em̧ōj am̧ leļo̧k? Ļōmņak kōn juon iien kwaar loe—ak kōm̧m̧ane—mennin letok eoewāppen n̄an juon eo kwoj iakwe. Kwoj baj kar jeļāmennin leļo̧k ta eo ekar jejjet in kwoj iakwe ekar kōņaan im ej juon men eo renaaj kaorōke. Kar mennin leļo̧k ta eo? Ekar ke n̄an jinōm̧? juon m̧ōttam̧? ajri eo nejūm̧? juon rūkaki? eo jim̧m̧aam̧? Ewi wāween am̧ kar en̄jake ke kwaar loe mennin leļo̧k in? N̄āāt eo kwaar ļōmņak kōn an armej in kwoj iakwe kōppeļļo̧ke mennin leļo̧k eo? Āinļo̧k wōt, n̄āāt eo juon armej ekar lewaj n̄an eok mennin leļo̧k eo ewāppen, im kar elmen en̄jake eo ke kwoj bōke?

Ke ekar nan̄in jiljilimjuon aō iiō rūtto, jokwe ippān jinō im jema ilo Arabia, juon pija in ajri ņaetan Chitty Chitty Bang Bang kar diwōjtok. Pija in ekar kōn juon kaar mājiik emaron̄ make ettōr, ebbebe ioon dān, im aaet kelo̧k! Ikar jeļā bwe ijo jikū ilo England rekar kōm̧m̧an juon kaar jidikdik kein ikkure āinwōt Chitty Chitty Bang Bang, im o, ekōjkan aō kōņaan juon! Komaron̄ kanōk juon jojo̧r, im pā ko pein kaar eo renaaj wannam̧ōjtak! Jema ekar etal n̄an juon an tūreeb in jerbal n̄an England im kar kajjitōk eļan̄n̄e ikōņaan bwe en bōktok jabdewōt men n̄an n̄a, im ikar jiron̄ ļo̧k e ewi jon̄an aō kōņaan bwe wōr juon aō kaar rot eo Chtty Chitty Bang Bang.

Ekar ro̧o̧ltok jān tūreeb eo an, im ejjeļo̧k kar kaar. Ikar lukkuun illu im kar ļōmņak bwe bōlen ekar meļo̧kļo̧k. Ak, enan̄in 10 raan tokālik ekar raan in ļotak eo aō, im juon bakij jidikdik, aiboojoj kar kitimi, kar kōttar n̄a. Kōn kōtmāne eļap, pen kile n̄an kōjatdikdik bwe enej lukkuun ļap, ikar kōppeļļo̧k mennin leļo̧k eo im kar loe kaar eo nejū. Ikar lukkuun m̧ōņōņō jon̄ak ikar jan̄. Ikar kanōk ejjor eo, im pā ko pein rekar wannam̧ōjtak, āinwōt kaar eo ilo pija eo! Ewi jon̄an aō kar kam̧m̧oolol jema kōn in mennin leļo̧k eo eaorōktata. Ikar ikkure kōn wa eo waaō ium̧win elōn̄ iiō ko im kar kōjparok bar elōn̄ ļo̧k iiō ko. Ij ļōmņak kaar in jema ekar letok n̄an n̄a im ej iakwe ej jon̄an wōt āinwōt aō iakwe ilo aō bōke.

Jemaron̄ ļōmņak kōn mennin leļo̧k eo leļo̧k āinwōt elōn̄ jilu m̧ōttan ko an:

1. Leļo̧k eo an mennin leļo̧k eo, ijo im rileļo̧k eo ej kālet, kōm̧m̧an, ak kōpooje mennin leļo̧k eo im leļo̧ke n̄an juon ej iakwe. Menin ekitbuuj an rileļo̧k eo maron̄ kejōkļo̧kjeņ im kōttōbar n̄an ijo koņaan rileļo̧k eo n̄an leļo̧k juon men eļap meļeļein.

2. Errā eoim kōppeļļo̧k an mennin leļo̧k eo, ke ribbōk eo ej bōk mennin leļo̧k eo jān riletok eo—ekkā wōt en̄jake ko kōn eļap bwilōn̄, kam̧m̧oolol, im kam̧ōņōņō—m̧okta jān kōppeļļo̧ke, jet iien mejaļe bow eo im kōppeļļo̧ke bakij eo n̄an lo ta mennin letok eo.

3. Im innām ewōr bōlen m̧ōttan eo elukkuun aorōk, ilo bōke mennin letok eo. N̄an bōk juon mennin leļo̧k ilo m̧ool kar leļo̧k eļapļo̧k jān bōke innām kōppeļļo̧ke. Eļapļo̧k, aaet, jān kile aorōk eo an mennin leļo̧k eo im kwaļo̧k kam̧m̧oolol n̄an rileļo̧k eo. N̄an lukkuun bōke juon mennin letok, jej itok n̄an karorōke kōj makelikūti n̄an lukkuun kōjerbale ilo mour ko ad, im keememej kōn lukkuun kam̧m̧oolol riletok eo.

Bōk juon mennin letok ejjab kile ak juon kar karōke im jerbal eo eļap tokjān itok ilōn̄in baj kōppeļļo̧ke juon bakij. N̄an bōkeej n̄an kautiej im kobaiki jim̧or mennin letok eo im būruwōn riletok eo ilo juon wāween me ej kōkajoorļo̧k jem̧jerā ko ikōtaan riletok eo im ribbōk eo. Ļōmņak kōn waan ikkure ej bar kōro̧o̧ltok ememļo̧kjeņ ko rem̧m̧an im aiboojoj, ilo aō en̄jake bar juon alen iakwe eo em̧ūlaļ an jema im kea eo an n̄an n̄a, ej bōk jikin mennin letok in im m̧akūtkūt in jouj ko jet jab maron̄ bwini.

Jemādwōj Ilan̄ ekar kōpooji elōn̄ mennin letok ko an meram im m̧ool ban maron̄ bwini n̄an wūttidikdik laļtak iood kajjojo, ajri ro Nejin raorōk. Rej ibebtok jān Riletok eo Ejouj āinwōt juon roņ in aebōj ej letok dān ilo ane jam̧dān jān Būruwōn ejouj eo An. “Aolep Men in letok eṃṃan im weeppān otemjeḷọk re jān lañ, im wanlaḷtak jān Jemān meram ko.” Ilo korak in bujen eo ad ippān Jemād, E ej aolep iien Riletok eo im kōj jej ribbōk ro rettā.

Ak jemaron̄ bōk ejjeļo̧k ijjelo̧kin ļaptata in aolep mennin letok ko an Jemād, Ļaam̧ eo Nejin Ejitōn Bōro, Nejin Jisōs Kraist. Aolepān mennin letok ko an Jemād rej ibebtok jān im rej kōkāāl jān an Rilo̧mo̧o̧r eo ej m̧ōņōņō in letok ilo Getsemane im ioon dōbwāāl eo, im anjo̧ in Jerkakpeje eo An. Jisōs Kraist, ad Ripinmuur etūriamo̧, ej mennin letok eo eļap jān Jemād an meram ko. “A ilo mennin letok eo kōn Nejin, Anij eaar kōpooj juon iaļ [n̄an kōj] em̧m̧anļo̧k.”

Ikōņaan in kōnono kōn juon mennin letok ej kabooļkōn m̧ool eo indeeo me ej rie im jipan̄ maron̄ eo ad n̄an bōke aolep men ko jetJemād ekōņaan letok iood ippān—juon mennin letokjej lukkuun lukkuun errā kakeim bōke ilo m̧wilaļ in jetōb eolikūt lan̄lōn̄ im wāween ko reppen an mour, im kajjitōk ko ad rejjan̄in uwaak: Ej bwe jej lukkuun ajri ro nejin Anij. Mool in ej kabwilōn̄lōn̄! Lukkuun em̧m̧an! Im ej jab lukkuun jejjet.

Baj ļōmņak n̄e kein kajuon am̧ ron̄ menin! Kwoj lukkuun leddik eo Nejin eaorōk. Kwoj lukkuun ļeddik eo Nejin eaboojoj. Im iaļ eo kwoj pād ie ej karōk in m̧ōņōņō eo An. Kōn iakwe in An elikio, Ejeļā lukkuun wōn kwe m̧okta jān am̧ kar itok n̄an laļ in, ta eo kwaar en̄jake ilo mour in kanniōk in am̧, im Ewōr an karōk etūriam̧o̧ n̄an aolep ilju ko am̧. Im o, ewi jon̄an an jan̄ūwaade tok juon raan n̄e kwoj jepļaakļo̧k n̄an E, n̄an bōk kōttōbar eo eļaptata an aolep mennin letok ko An raiboojojmour indeeo Ippān.

Kajjitōk eo ejjab men̄e mennin letok in ej m̧ool ak men̄e jenaaj loe im bōke. Mennin letok in em̧ōj kadede an letok tok iood jān Jemād. Wōņāān eo n̄an kōttōbar eo eļap an mennin letok in em̧ōj kadede kōļļāiki jān Rilo̧mo̧o̧r eo. Ak eļan̄n̄e kwaar ekkatak menin, ba menin, im kar al m̧ool in ium̧win elōn̄ iiō ko, bōlen kabwilōn̄lōn̄ eo an em̧m̧an em̧ōj an wōt etto m̧akūnļo̧k im ejako am̧ en̄jake kajoor im aenōm̧m̧an eo an.

Eļan̄n̄e mennin letok in ejjeļo̧k wōņāān kōn meļeļe—im aolep em̧m̧an ko, aenōm̧m̧an, im kōjatdikdik rej ibebtok jān e—im rej pād wōt jab errā kaki, jan̄in peļļo̧k, im jan̄in būki, ej juon luuj ļapļap n̄an kōj! Ta ejjab juon būrom̧ōj eļap Riletok eo ke! “Bwe ta em̧m̧an eo n̄an juon armej eļan̄n̄e mennin letok eo likūti ioon, im e ejjab bōk mennin letok eo? Lo, e ej jab m̧ōņōņō ilo men eo kar leļo̧k n̄an e, im jab m̧ōņōņō ilo e eo rileļo̧k eo an mennin leļo̧k eo.”

Ij karuwaineneik kom̧ n̄an bōke emaron̄ ilo kein kajuon ak n̄an juon kōtaan eo eļapļo̧k ej jan̄in kar kōm̧m̧an m̧okta, jeļā eo elukkuun em̧m̧an bwe kwoj m̧ool ajri eo ejitōn bōro nejin Anij. Kwoj aikuj bar mejaļ bow eo, po̧eteļo̧k peba eo kar kitimi, kōppeļļo̧ke bo̧o̧k eo, im lukkuun bōkekōn kam̧m̧ool ettā, meļeļe erreo an pedped in m̧ool in. Jetōb Kwojarjar eo emaron̄ kam̧ool n̄an būruwōm̧ bwe kwoj m̧ool in juon ajri nejin Eo Eutiej Bōtata.

N̄e kwoj karuwaineneik m̧ool in ekajoor n̄an aolepān jetōb eo am̧ im en̄jake jim̧or aenōm̧m̧an im m̧ōņōņō kake, aolep jon̄ak ko am̧ rej oktak! Komaron̄ en̄jakeAn iakwe, ron̄ Ainikien, im kile Pein, jekdo̧o̧n ta eo ej waļo̧k, ak jab waļo̧k, ilo mour eo am̧. Ewōr am̧ maron̄ ukōte jeļā eo am̧ make kōn kwe make im ro jet. Bujen eo am̧ ej liāp ippān Rilo̧mo̧o̧r eo am̧ ej erom̧ aaet kajoorļo̧k, im jān māj kūlaaj an mennin letok in em̧m̧an, mour ej bōk juon mour em̧m̧an, edeeo, kōjatdikdik.

Jouj, kom̧ naaj ke meļeļe eļan̄n̄e kom̧ij lukkuun in bōk jeļāļo̧kjeņ em̧wilaļ ilo jetōb eo ami? Kom̧ naaj ke jouj im errā kake mennin letok in? Kwonaaj ke kōm̧m̧an eļapļo̧k em̧ūlaļļok, anemkwoj eļap, eļapļo̧k jān kar m̧okta—im ilo am̧ kōm̧m̧ane ippān aolep mennin letok ko jet me rej itok ippān tok?

Komaron̄ in ļōmņak, “Ta eo ij aikuj in kōm̧m̧ane n̄an bōk mennin letok in jān Anij?” Ekwe, em̧ool, ejjeļo̧k. Ej juon mennin letok jān Riletok eo. Ej juon men em̧ool. Baj kadeļo̧n̄ tok. Kom̧ij ajri ro Nejin. Ej iakwe kom̧. Jab kapoke ļo̧k. Jab pinej e jān bōke mennin letok in kōn ļōmņak ko me kwoj ilo juon wāween jab nōbari. Mool eo ej, ejjeļo̧k iaad ej “erreo n̄an e”—aolep mennin letok ko an Jemād rej bōk wōtkōn tōllo̧ke, im tūriam̧okake, im jouj an Messaia eo Ekwojarjar, ak ewi toon An jan̄uwaadeļo̧k an kajjojo ajri ro Nejin bōki! Innām, ilo an meļeļe eo am kāāl ak kōkāāl jino waļo̧k n̄an eok, lan̄lōn̄ ilo kam̧m̧oolol Riletok mennin letok eo an mennin letok in.

Jān tōre eo ikar loe tōmak in aō ke ikar-20 jim̧a iiō rūtto, ikar jino kile bwe ij lukkuun juon ļaddik nejin Anij. Ilo an ļapļo̧k aō kōm̧m̧an bwe mennin letok in m̧ōttan mour eo aō, ilo an ļapļo̧k aō laudin̄din̄ ij jeļā wōn n̄a im ewi wāween an likio iakwe eō. Jet men rekar jipan̄ eō eddōkļo̧k ilo meļeļe rej naan ko jān jeje ko rekwojarjar, kōjeraam̧m̧an an petriak eo aō, kabun̄jar ilo tampeļ, jerbal n̄an ro jet, kwaļo̧k kam̧m̧oolol, im jar eo aō ekwojarjar n̄an Jema. Ij bwilōn̄ kōn būrom̧ōj ko m̧oktaļo̧k, metak, im limō ilo mour naaj kar bar ejaak aenōm̧m̧an, enan̄in aolepān anjo̧ ikar jeļā m̧ool in eaiboojoj.

Moronai ej kōketak kōj n̄an “jab kaarmejjete mennin letok ko an Anij” ak n̄an “itok n̄an Kraist, im ekkejel wōt ioon aolep mennin letok em̧m̧an.” Kom̧ maron̄ itok n̄an Kraist kōn lōke ilo iakwe-im jouj eo An im bōk aolep mennin letok ko An kōn lan̄lōn̄, aenōm̧m̧an, kōjatdikdik, m̧ool, revelesōn, jeļāļo̧kjeņ, im māletlet—kōn bōram̧ ej ejjedlōn̄ļo̧k, peium̧ rej erļo̧kļo̧k, im peiūm̧ reppeļļo̧k kadede n̄an bōke. Kom̧ maron̄ bōk mennin letok kein kōnke kom̧ij kōjparok im dim ilo jeļāļo̧kjeņ bwe kom̧ij juon leddik jitōn bōro nejin Anij, kom̧ rej juon ļaddik eaorōk nejin Anij, im Ekar lewaj mennin letok eo An ewāppen Nejin ekwojarjar n̄an pinmuur kom̧, kōwāppen kom̧, im kokwojarjar e kom̧.

Kom̧ rej juon ajri nejin Anij. Menin ejjab baj juon al em̧m̧an jej al kake. Kom̧ naaj ke joujerrā, kōppeļļo̧k, im bōk mennin letok in jeļāļo̧kjeņ im meļeļe jān E? Kom̧ naaj ke dāpiji im kepaake āinwōt menin aorōk eaiboojojej ke? Bar bōke mennin letok in, ak bōlen m̧ool bōke ilo kein kajuon, im kōtļo̧k bwe en ukōt aolep jekjek ko an mour eo am̧. En̄in ej wāween eo ejejjet ļo̧k Anij ekar kōpooje n̄an kom̧ jān mennin letok eo an Nejin. Kom̧ij bwe kom̧in bōk lan̄lōn̄! Ilo etan Jisōs Kraist, amen.