Elder Brian J. Holmes

Elder Brian J. Holmes ekar ba e im lio pāleen, Maggie, raar rikam̧ool ro an kallim̧ur eo an Irooj ilo Katak im Bujen Ko 84:88 bwe E “enaaj etal im̧aanļo̧k in mājāmi.”

“En̄in ej ta eo ekar kōm̧m̧ane n̄an kōm ilo aolepān mour ko am,” Elder Holmes ekar ba. “Ilo ad ukōtļo̧k mour ko ad n̄an Irooj, E emaron̄ kōm̧m̧ane eļapļo̧k jāni jān ad maron̄ kōm̧m̧ane n̄an kōj make.”

Ilo eddo eo an ekāāl āinwōt juon Ritōl Eutiej Jiljilimjuonn̄oul, Elder Holmes ej kōjatdikdik e enaaj wōr an iien ko rem̧m̧an n̄an kam̧ool kōn jerbal eo eļap an Jisōs Kraist ilo karōk eo an Jemādwōj Ilan̄.

“E ej Rilo̧mo̧o̧r im Ripinmuur an aolep ajri ro nejin Jemādwōj Ilan̄,” e ekar ba.

Brian J. Holmes ekar ļotak ilo Tijem̧ba 5, 1977, ilo Salt Lake City, Utah, juon iaan ajri ro 12, n̄an Michael H. Holmes im Marian R. Holmes. Āinwōt juon likao, e ekar jerbale juon mijen ilo Munich, Germany. Ālkin wōt an kar m̧areik Maggie Wilson ilo Salt Lake Temple ilo Tijem̧ba 29, 1999 eo. Elder im Sister Holmes rej jinen im jemān jiljino ajri ro im raar jokwe ilo Qeen Creek, Arizona, ilo iien eo ekar bōk kūr eo an.

Elder Holmes ekar bōk juon bachelor degree ilo political science im juon juris doctor degree, jim̧or jān Arizona State Univeristy. E ekar jerbal āinwōt juon vice būreejtōn n̄an Holmes Homes ilo Arizona, kar loe jān Holmes Law, PLC, im kiiō epaak kar jerbal āinwōt juon general counsel n̄an Charter One, LLC.

M̧okta jān kūr eo an āinwōt juon Ritōl Eutiej Jiljilimjuonn̄oul, Elder Homles ekar jerbal āinwōt juon Eria Jiljilimjuonn̄oul ilo North America Southwest Eria eo. E ekar barāinwōt jerbal āinwōt juon stake būreejtōn, ko̧o̧njeļ euteij, im bisop.