Kabun̄jar
Ta meļeļein kabun̄jar n̄an Anij n̄an kwe im n̄a?
“Im ke Jisōs ear ļotak i Betleemin Judia ilo raan ko an Herod kiin̄, lo, jet ri kanpil raar itok jān reear n̄an Jerusalem,
“Im ba, Ewi Eo ej ļotak kiin̄ an ri Ju ro? Bwe kōm ar lo iju eo An i reeaar im itōn kabun̄ n̄an E
Magi, ilo aer jet iien kar ba, raar ri meletlet ilo aer kar kapukōt im kabun̄jar n̄an Messaia. Nan er, kabun̄jar meļeļein bun̄-pedo im kabun̄ im̧aan ajiri Jisōs im erļo̧ke m̧weiuk ko m̧weier rej kam̧m̧weiukiuki E in kool im men ko raurōk, im jet m̧ōttan m̧weiuk ko enno bwieer.
Ta meļeļein kabun̄jar n̄an Anij n̄an kwe im n̄a?
Eļļan̄e jej ļo̧m̧ņak kōn kabun̄jar, kōļmeļo̧kjen kein ad reban jab oktak lo̧k n̄an wāween ko jej kalikar tōmak eo em̧wilal ilo kabun̄ n̄an wijlepļo̧k būruwōd jimor ilo ittino im ilo iien jar ko. Ilo aō kar ļōmņak kōn menin kabun̄jar n̄an Jemādwōj Iļan̄ im Nejin E emake, adwōj Riļo̧mo̧o̧r, emān wāween ko rej itok n̄an kōļmelo̧kjen: kajuonmakūtkūt ko rekitibuuji wāween ad kabun̄jar; karuom̧wiļ im en̄jake ko me ekwaļo̧k jōkjōkin ad kabun̄jar; jilukōjparok eo ad n̄an kabun̄jar im emānaikuj eo n̄an āinwōt Armej eo Ekwojarjar jej kabun̄jar n̄ane.
M̧oktata, Makūtkūt ko Bwe En Likio Ad Kabun̄jar
Juon iaan kilen kabun̄jar ekkā ad kōm̧m̧ane im aorōk ej ilo ad aiin doon ilo juon jikin em̧ōj kōjenoļo̧k ekwojarjar n̄an kōm̧m̧ane makūtkūt in kautiej ko. Irooj eaar ba, “Im bwe kwōn maron̄ kanooj kōjparok eok jān libbijinjin jān laļ, kwōn ilo̧k n̄an im̧ōn jar eo im ajiļo̧k aolep kwojkwoj ko am ilo raan eo ekwōjarjar Aō.” Menin, aaet, ej un eo aorōktata n̄an kalōk im̧ōn jar ko. Bōtaab, eļļan̄e ekkar, juon jikin ejan̄in kōjeram̧m̧an enaaj em̧m̧an n̄e jemaron̄ kōm̧m̧ane bwe en juon jikin ekwojarjar.
Aorōk eo ej ta jej kōm̧m̧ane n̄e jej koba ippān doon ilo raan eo an Irooj. Aaet, jej nuknuk em̧m̧an jon̄an wōt ad maron̄ ekkar n̄an kōnaan ko ad—ejjab ilo joļok elap ak ilo jaje kake ilo juon wāween n̄an ad kautiej im meanwōd n̄an anij waan. Ad tōl ej eiinļo̧k wōt en̄jaake eo em̧ulaļ im kautiej. Jej kabun̄jar ilo ad koba ippān doon ilo jar; jej kabun̄jar ilo ad al (ejjab ron̄jake wōt bōtaab al al ko); jej kabun̄jar ilo ad katakin im ekkatak jen doon. Jisōs ekar ba, “Keememej bwe ilo men in, raan eo an Irooj, kwōn ajiļo̧k joortak ko [meļeļe in menin joortak ko … iien ko, talon ko, ak m̧weiuk, ilo jerbal in jipan̄ n̄an Anij im armej ro’im kwojkwoj ko am n̄an Eo Eutiejtata, kwaļo̧ki jero̧wiwi ko am n̄an ro jeiūm̧ im jatūm, im im̧aan Irooj.” Jej kuk tok ippān doon ejjab n̄an limo ak bwe jen m̧ōņōņō—āinwōt jān juon kumi in kōjan̄jan̄, n̄an waanjo̧n̄o̧k—ak n̄an kemejmej E im ak “kar kipel elap em̧m̧anļo̧k” ilo ko̧speļ in An.
Ilo kweilo̧k eo eļap ekāāl tata ej kab dedeļo̧k, Elder Patrick Kearon eaar kakmejmej kōj ke “jejjab kuk ippān doon ilo Jabōt n̄an wōt kobaļo̧k ilo kweilok in kwōjkwōj eo im jeiki ke emōj ad kōm̧m̧ane. Jej kobatok ippān doon n̄an kabun̄jar. Ewōr oktak eļap ikōtaan men kein ruo. N̄an kobaļo̧k meļeļein jepād ijo. Ak n̄an kabun̄jar ej n̄an nebar im mōņōņō kōn ad Anij ilo wāween eo enaaj ukōt kōj!”
Ajeļo̧k Jabōt ko ad n̄an Anij im un ko An ej juon wāween n̄an kabun̄jar. Jet iiō remmotļo̧k, kar iien ko-Elder Russell M. Nelson ekar ekkatak: “Ewi wāween ad kōkwojarjar raan in Jabōt? Ke iaar lukkuun dik, iaar katak jerbal ko an ro jet ro kar kobaiki laajrak in men ko n̄an kōm̧m̧an im men kein ejjab kōm̧m̧ani ilo raan in Jabōt. Ekar jab m̧ae iien eo tokāļik ke ikar ekkatak jān jeje ko rekwojarjar bwe jerbal in tōl ko aō im m̧wilū ilo Jabōt ej m̧ōttan juon kōkaļļe ikōtaan n̄a im Jemedwōj Ilan̄ [lale Exodus 31:13; Ezekiel 20:12, 20]. Kōn meļeļe in, ijjab aikuj laajrak in men ko ij kōm̧m̧ani im jab kōm̧m̧ani. N̄e ij tin kōm̧m̧ane kāālet eo aō n̄an kōm̧m̧ane juon makūtkūt ilo raan in Jabōt, ij kajjitōk ippā make, ‘Ta kōkaļļe eo ikōņaan bwe in leļo̧k n̄an Anij?’”
Kabun̄jar ilo raan eo an Anij ej kalikkare jān kalimjōkļo̧k im kile wōt pinmuur in katok eo elap an Jisōs Kraist. Jej karōk im ilo juon wāween em̧m̧an kam̧ōņōņō Jerkakpeje eo an ilo Ijtō ak barāinwōt aolep wiik ilo ad bōk ko̧naad ilo kwojkwoj eo kakōļļein Pinmuur eo An, ippānļo̧k Jerkakpeje eo An. N̄an kwaļo̧k en̄jake eo ebōd, bōk koņaad ilo kwōjkwōj ej unleplep in kabun̄jar ilo raan in Jabōt.
Jar ippān doon āinwōt “ānbwin an Kraist” ewōr kajoor āinjuon im ej kōjeram̧m̧an āinwōt ad katakin, jerbal, im n̄an maron̄ jojomar n̄an doon. Kaitoktok limo, juon un katak kar loe me rein rar lale aer mour in jetōb āinwōt ej an aolep rej dikļo̧k kōņaan n̄an likut eddōļo̧k ilo jetōb im̧aan, ak n̄an ba aer tōmak ej lukkun aorōk, ak n̄an bōk jar in aje eo iien otemjej ippān Anij. Āinwōt juon jukjuk in pād an ro Rekwojarjar, jej kōkajoorļo̧k doon ilo niknik n̄an jar im ilo tōmak.
Ijeļļo̧kin, jejjab maron̄ meļo̧kļo̧k kajjojo raan in m̧akutkut ko me jej kajjojo kobaļo̧k ie im ilo im̧oko. Rilo̧mo̧o̧r ej kakeememej kōj, “Mekarta kanejnej ko am naaj ajiļo̧k ilo jejjet ilo aolep raan im ilo iien.” Juon sister ekar lukkun ekkatak, “Ijab maron̄ lōm̧ņak kōn juon iaļ elapļo̧k n̄an kabun̄jar n̄an Anij jen karuwaineneik ro Nejin reddik ilo mour kein ad im kea kōn er im katak er karōk eo An n̄an er.”
Alma im Amulek kar katakin riZoram ro em̧ōj kar mo̧ jen im̧ōn kabun̄jar ko aer kōjerbali n̄an kweļo̧k n̄an kabun̄-jar n̄an Anij jab wōt juon kattōn juon wiik ak aolep iien im “ilo jabdewōt jikūn e emaron̄ bed ie.” Rekar kōnono kōn jar āinwōt kabun̄jar:
“Kwōj aikuj lutōkleplepļo̧k am̧ ilo ijoko jikūm̧ rettino, im jikin ņojak ko am̧, im ilo am̧ āne jem̧aden.
“Aaet, im n̄e kom̧ij jab kūr n̄an Irooj, būruōmi ren obrak, jab jokwōd jān jar n̄an E iien otemjeļo̧k n̄an oņaake eo ami, im barāinwōt n̄an oņaake an ro rej pād ipeļaakimi.”
Raar barāinwōt kōnono kōn kapukōte jeje ko rekwojarjar, letok naan in kam̧ool kōn Kraist, kōm̧m̧ane jerbal in jiban̄ leļo̧k jāān ilo jab watōk im kōm̧m̧an jerbal in jiban̄, bōk Jetōb Kwojarjar, im mour ilo kam̧o̧o̧lo̧l kajjojo raan. Bōk ļo̧m̧ņak in: “mour ilo kam̧o̧o̧lo̧l kajjojo raan.” Ej kōnono kōn wāween eo aō kein karuo:
Bōklōkōt ko im En̄jake ko rej Kwaļo̧k im M̧ōttan Kabun̄ajr
En̄jake im kwaļo̧k kam̧o̧o̧lo̧l n̄an Anij rej, ilo bar juon wāween, ta eo enaaj bōk jikin kabun̄jar ippān en̄jake in lan̄lōn̄ emōj kōkāāle āinwōt jab errā kake āinwōt bar juon eddo.
Kabun̄jar ilo m̧ool melelein iakwe Anij im kwaļo̧k ankilaad n̄an E—menin letok eo elaptata jemaron̄ wūjlepļo̧k. Ke kar kajjitōk kien eo eļaptata ilo aolep kien, Jisōs ekar uwaak, “Kwōn yokwe Irooj am̧ Anij kōn aolepen būruom̧ im kōn aolepen am̧, im kōn am̧ ļōmņak otemjej.” E eaar barāinwōt likūt etan kien eo m̧ōktata.
Menin eaar juon kabun̄jar an Jisōs make n̄an Jemān. Mour eo An im An katok in pinmuur raar ajeļo̧k n̄an aiboojoj eo an Jemād. Ilo būromōj jej keememej akweļap metak eo an Jisōs eo jab maron̄ lōm̧nak kake eo obrak kōn en̄taan im metak: “O Jema, eļan̄n̄e e maron̄e en ilo̧k kab in jān Eō,” bōtaab E ekar leļo̧k ilo ettā “a en jab ankil Aō, a ankil Am̧.”
Kabun̄jar ej kakkōt n̄an lo̧o̧r waanjo̧n̄o̧k in em̧m̧an. Jeban maron ajno̧ ilo ialin kōtōbar in ilowaan bon̄niin, ak eļļan̄e kajjojo raan jej “ejetok āinwōt juon katok n̄an [Eō] bōro e rup im jetōb ettā,” Enaaj peptaiji kōj ippān An Jetōb Kojarjar im lutōkleplep iood kōn kōjeram̧m̧an eo An.
Kein kajilu, Makūtkūt in Ad Make Kabun̄jar
Ilo jinoun jekjōn eo in Katak im Bujen Ko, Irooj ear kwaļo̧k menin joreen im jerawiwi ko an lalin:
“Bwe rekar jebwābweļo̧k jān kain̄i ko Aō, im kar rupe bujen eo ejjeļo̧k jem̧ļo̧kin Aō;
“Rej jab pukōt Irooj n̄an kajutak an wānōk, ak armej otemjej ej etetal ilo ial, im ilo̧kan nememen anij eo an make, nememe eo ej āinwōt eo an laļ.”
Ej juon men em̧m̧an n̄an kōj n̄an keememej waanjo̧n̄o̧k eo an ri Ju ro jilu em̧m̧an dettaer Hanania, Mishael, and Azaria, kar bōktok er ilo iien tariņae āinwōt rikalbuuj n̄an Babilon ejab to āļkin Liai im baam̧le eo an kar em̧m̧akūt jān Jerusalem. Juon opija in Babilon eaar leļo̧k etaer āt kāāl Shadrak, Meshak, im Abednego. Tok ālik, iien eo rein jilu kar m̧akoko in kabun̄ n̄an anij eo kōm̧m̧an jān gold kar kajutake jān Kiin̄ Nebukadnezar, eaar kain̄i ke renaaj jo̧ļo̧k er iļo̧wan upaaj in kijeek euruur, ej jiron̄ er, “Im wōn Anij eo e maron̄ lo̧mo̧o̧reni jān peiu?”
Kwonaaj keememej uwaak eo aer ekajoor:
“Am Anij Eo kōmij karijer n̄an E E maron̄ in lo̧mo̧o̧ren kōm jān upaaj in kijeek e bwil, im Enaaj lo̧mo̧o̧ren kōm jān peiṃ, ā O kiin̄.
“Ak eļan̄n̄e jab, kwōn jeḷā … bwe kōm ban karijer n̄an anij ro aṃ ak kabun̄ n̄an ekjab gold eo kwaar kajutake.”
Upaaj eo eaar lukkun bwil jon̄an ej mej rein ro rar jo̧ļo̧k er iļowaan, ak Shadrak, Meshak, im Abednego raar jab jorrāān. “Eļkūn Nebukadnezar ear kenono, im ba, En utiej Anij an Shadrak, Meshak, im Abednego, eo ear jab karejar … kar jilkintok ro rikarejeran ro raar lōke E, … im liļo̧k ānbwinnier, bwe ren jab karejar ak kabun̄ n̄an jabdewōt bar juon anij, ijello̧kun Anij eo aer.” Rar lōke ilo Jeova kōn kajoor in lo̧mo̧o̧ren, “ak eļļan̄e jaab,” menin ej, men̄e eļļan̄e Anij ilo An lo̧ļātāt kar jab bōbrae er jān aer mej, n̄an tōre in remaron̄ pād wōt ilo m̧ool n̄an E.
Jabdewōt men eo ej bōk jikin ilōn̄in kabun̄jar kōn Jemān im Nejin ej erom juon ekjab. Rein rej kōjekdoon Anij āinwōt juon kein kam̧ool, ak kōjekdoon jabdewōt aer eddo n̄an E, ilo ta eo ej bōk jikin er make āinwōt aer anij. Juon eo ej likūt m̧ool n̄an juon kumi ejaak n̄an kōm̧m̧an kien ak wāween ko im̧aan in kōmeļeļeik kilen kabun̄jar juon anij eriap. Jekdoon̄ rein ro rej kōm̧m̧an bōd ijoko jabdewōt n̄an kabun̄ n̄an Anij bōtaab jab depij bujen ko An rar etalļo̧k ilo iaļ eo aer make: “Kōn an ro ri aelōn̄ in ruwaaktok n̄an ippa kōn an lo̧n̄ier im tieir koutiej Eō, a raar kōm̧akūt būrūier etto̧ļo̧k jān N̄a.” Makūtkūt in ad make kabun̄jar “juon wōt Anij e m̧ool, im Jisōs Kraist, eo [Eaar] jilkintok.”.”
Āliktata, Aikuj eo n̄an Āinwōt Jemen im Nejin
Eo aorōk, wāween ad mour emaron̄ eo em̧m̧an tata, kōn wāween ad kabun̄jar. Kwaļo̧k ad aje meļeļein kajjion̄ āinwōt Jemen im Nejin— kepooje m̧wil ko Aer im ļame paakto̧k ko aer im m̧wil ilo kōj make . Eļļan̄e, āinwōt an juon ennaan ba, kajeon̄ āinwōt ej m̧ool eo ejaak in kareelel, innem jej maron̄ ba kōn jouj n̄an eo Ekajoor, kajeon̄ āinwōt wāween eo n̄an kautiej. Ļōm̧ņak in ekemourur, kar maron̄ in kijejeto in kōm̧m̧an n̄an jet jon̄o̧k ko rekkar n̄an pukōt aiboojoj an jetōb. Ak erom elapļo̧k āinwōt Kraist ej barāinwōt kōm̧m̧an eo waļo̧k in jerbal ko ad jen jar. Naan ko an Elder Kearon kar kenono m̧oktaļo̧k kōn kabun̄jar, “ilo juon wāween me ej ukōt kōj,” ej aorōk Mool ilo kabun̄jar ej kōm̧m̧an oktak.
Menin ej aiboojoj eo an ial in bujen in—ial in kabun̄jar, iakwe, im m̧ool n̄an Anij. Jej deļo̧n̄e ial in jān peptaij, kallimur n̄an bōk iood make ilo etan Kraist im n̄an n̄an kōjparok kien ko An. Jej bōk menin leto̧k eo an Jetōb Kwojarjar, ribōktok ennaan kōn naan in tūriamo an Rilo̧mo̧o̧r eo ej lo̧mo̧o̧r im kareeo kōj jen jerawiwi ilo ad ukweļo̧k. Jemaron̄ bar ba bwe ilo ukweļo̧k jej kabun̄jar n̄an E.
Ijo ļo̧o̧re kakobaba in kien ko an priesthood im bujen ko kōm̧m̧an ilo im̧weo im̧ōn Anij em n̄an karreoik kōj im rittoļo̧k ilo jetōb. Iien ko im kaini ko ilo tampeļ ej kwaļo̧k juon wāween kabun̄jar eļapļo̧k.
Būreejtōn Nelson ekar kōmeļeļe bwe, “Aolep em̧m̧aan im aolep kōrā ro rej bōk koņaer ilo kain̄i ko an priesthood eo im ro me rej kōm̧m̧an im kōjparok bujen ko ippān Anij ewōr an maron̄ eo me ej kajju n̄an kajoor eo an Anij.” Ejjab kajoor eo de in jej kōm̧m̧an n̄an jerbal in jipan̄ im kōjeraam̧m̧an. Ej ke barāinwōt jān maron̄ eo ekajoor me ej jerbal ilo kōj n̄an kōkāāl im karreoik kōj. Ilo ad etetal ilo ial in bujen in “kajoor in āinwōt anij ej waļo̧k” ilo kōj.
Bwe jen, āinwōt RiNipai im RiLeman ro etto, “wōtlo̧k n̄an laļ ineen Jisōs, im … kabun̄-jar n̄an E.” Bwe jen, āinwōt kakien jān Jisōs, “wōtlo̧k im kabun̄-jar n̄an Jemān [ilo] Etan [Nejin].” Bwe jen bōk Jetōb Kwojarjar im leļo̧k būruer nan Anij, en ejeļo̧k bar juon anij ijeļo̧kin E, im āinwōt rikaloor ro an Jisōs Kraist, āinwōt m̧wil An ilo mour ko ad make. Ij kam̧ool ke ilo ad kōm̧m̧an, jenaaj maron̄ jelā mōņōņō eo an kabun̄jar. Ilo etan Jisōs Kraist, amen.