მორმონის წიგნი – ჩვენი მოგზაურობის შეუფასებელი განძი.

ისევე, როგორც ალმა და მოსიას შვილები, ჩვენც უნდა „ბეჯითად [ვიკვლიოთ] წმინდა წერილი, რათა [ვიცოდეთ] ღვთის სიტყვა“ და უფრო განმტკიცებულნი ვიყოთ] ჭეშმარიტების ცოდნაში (ალმა 17:2).

ჯორჯიის შტატში, ატლანტის მისიაში მსახურების დროს, მე და ჩემი მეუღლე ვაგულიანებდით ყოველ მისიონერს, სულ მცირე 30 წუთის განმავლობაში მორმონის წიგნი შეესწავლათ. ამ ვალდებულებამ ჩვენი რწმენა გაზარდა და დაგვეხმარა, გვეწამა სასწაულები.

შესაძლოა მისიის შემდეგ ჩვენ არ გვქონდეს ამდენი დრო წმინდა წერილის ყოველდღიური სწავლისთვის, მაგრამ მე გპირდებით: თუ თქვენ გულწრფელად გადაწყვეტთ, რომ მორმონის წიგნის ლოცვით შესწავლა თქვენი ყოველდღიური პრიორიტეტი გახდება, თქვენ უფრო ძლიერ სულიერ ძალასა და თავდაჯერებულობას შეიძენთ უფლისა და მისი დაპირებების მიმართ.

ნეფი გვასწავლიდა: „ინადიმეთ ქრისტეს სიტყვებით; რადგან აჰა, ქრისტეს სიტყვები გეტყვიან ყველაფერს, რაც უნდა გააკეთოთ“ (2 ნეფი 32:3).

ნადიმი ნიშნავს უბრალო კითხვაზე მეტს –ეს ნიშნავს დაგემოვნებას, ფიქრსა და გამოყენებას. მორმონის წიგნის სწავლისას დაფიქრდით, როგორ შეგიძლიათ გახადოთ წმინდა წერილის შესწავლა უფრო აზრიანი. მაგალითად:

• გამოიყენეთ სასწავლო დამხმარეები, რომლებიც სახარების ბიბლიოთეკაშია ხელმისაწვდომი.

• იპოვეთ მარადიული ჭეშმარიტებები, რომლებიც გვეხმარება ღვთის გეგმის წვდომაში და მამაზეციერთან აღთქმების დადებისკენ და დაცვისკენ მივყავართ.

• მონიშნეთ მნიშვნელოვანი ფრაზები და ჩაიწერეთ თქვენი შთაბეჭდილებები იმის შესახებ, თუ რა ისწავლეთ სწავლის პროცესში.

მორმონის წიგნს აქვს თქვენი სულის შეკითხვებზე პასუხის გაცემის ძალა. როგორც ნეფიმ თქვა: „ყოველ წმინდა წერილს ვუსადაგებდი ჩვენ თავს, რომ ყოფილიყო ჩვენთვის სასარგებლო და ჭკუის სასწავლებელი“ (1 ნეფი 19:23).

როცა ქრისტეს სიტყვებით ვნადიმობთ, ისინი გაგვიხსნიან გამოცხადების კარს და გვიჩვენებენ, რა უნდა ვაკეთოთ სხვადასხვა ვითარებაში, რათა უფრო ახლოს მივიდეთ უფალთან.

ზუსტად როგორც ლეხიმ მოინდომა თავის ოჯახთან ხის ნაყოფის გაზიარება (იხ. 1 ნეფი 8:12), როცა მორმონის წიგნის შესახებ მოწმობა გვექნება, ჩვენც უნდა გაგვიჩნდეს სურვილი, გავუზიაროთ სხვებს სიხარული, რომელიც იესო ქრისტეს სახარების ცოდნას მოაქვს.

ერთ-ერთმა ჩვენმა მისიონერმა, და ბენსონმა, რომელიც დღეს ამ სესიას ესწრება, თავისი უმცროსი ძმის დახმარების სურვილი გამიზიარა. იმ დროს ის კოლეჯში შესასვლელად ემზადებოდა და მისიაში მსახურება მის გეგმებში არ შედიოდა. მე ვიგრძენი, რომ უნდა მეთქვა და ბენსონისთვივის, მისიის პირველი ოთხი თვის განმავლობაში მორმონის წიგნი წაეკითხა, საყვარელი ამონარიდები მოენიშნა და შემდეგ თავისი ძმისთვის გადაეგზავნა.

და ბენსონმა ძმას თავისი ხელით მონიშნული მორმონის წიგნი გადაუგზავნა და სთხოვა, ყოველ საღამო წაეკითხა იგი. მოგვიანებით მან გამიზიარა: „მისიამდე ჩემი ძმა არ იყო დარწმუნებული, რომ სრული დროის მისიაში მსახურება სურდა. ნელ-ნელა, დროთა განმავლობაში, მორმონის წიგნის კითხვისას, მან ცხოვრებაში უფრო და უფრო მეტი სიხარული შენიშნა და მისიაში მსახურებაზე ფიქრი დაიწყო.

და ბენსონის მისიის დასრულებამდე ორი კვირით ადრე, მისმა ძმამ მისიაში მოწოდება მიიღო. ის ახლა მექსიკაში, ტუქსტია გუტიერესის მისიაში მსახურობს. მორმონის წიგნის მეშვეობით უხუცესმა ბენსონმა თავისი ცხოვრების სულიერი ლანდშაფტი შეიცნო, რის გამოც მას უფლის მსახურების სურვილი გაუჩნდა და დაიჯერა, რომ ყველაფერი მოგვარდებოდა. ეს გადაწყვეტილება სასწაულია და ის ქრისტეს სიტყვების გავლენის ძალით მოხდა.

დებო და ძმებო, ყველას მოგიწოდებთ, გააღრმაოთ მორმონის წიგნის შესწავლა. მე ვიცი, რომ როცა მორმინის წიგნში ჩაწერილი ქრისტეს სიტყვებით ვნადიმობთ, სულიწმინდა დაგვეხმარება მარადიული ჭეშმარიტებების წვდომაში და ჩვენი მოწმობების თავდაჯერებულად გაზიარებაში მათთვის, ვინც უფალმა თავისი გზავნილის მოსასმენად მოამზადა. უფალმა გვასწავლა: „ჩემს რჩეულებს ესმით ჩემი ხმა და გულს არ იქვავებენ“ (მოძღვრება და აღთქმები 29:7). მე ვმოწმობ, რომ ვინც რწმენით სთხოვს ღმერთს, სულიწმინდის ძალით მიიღებს მორმონის წიგნის ჭეშმარიტებისა და ღვთიურობის მოწმობას. მე ამაზე ვმოწმობ იესო ქრისტეს სახელით, ამინ.