Taura na Yaca i Jisu Karisito.

Ena 2018, ena University e Utah, a tauyavu kina e dua na itutu vakaparofesa ka vakatokai na “Dr. Russell M. Nelson kei Dantzel W. Nelson iLiuliu Vakaperesitedi ena Tabana ni Veisele ni Uto.”—cardio, kena ibalebale ”uto”, kei thoracic, kena ibalebale ”sereda.” Me dokai kina na cakacaka levu nei Peresitedi Nelson vakavuniwai ni sele uto kei na veitokoni mai vua na marama watina sa mai takali, o Dantzel. A saumi na itutu vakaparofesa oqo ena dua na ilavo ka nakiti me na yacova yani na veisiga ni mataka. O koya e digitaki me baleta na itutu dokai vakaparofesa oqo ena vakacaucautaki raraba, tokoni ena kena isau, kei na ilavo ni vakadidike.

Na imatai ni dauveisele a digitaki me taura na itutu vakaparofesa oqo o Vuniwai Craig H. Selzman, e dua na dauveisele uto maqosa ka sega ni lewe ni noda Lotu Ena soqo me soli kina na itutu vakaparofesa oqo vei Vuniwai Selzman, era a tiko kina e levu sara na vulagi dokai, okati kina o Peresitedi Nelson kei na watina, o Sister Wendy W. Nelson. Ena soqoni, a vosa vakavinaka sara o Peresitedi Nelson me baleta na nona cakacaka vakaivuvu ena dauveisele.

Se o Vuniwai. Selzman wasea na kena ibalebale vua na nona mai digitaki kina itutu vakaparofesa. A tukuna kina ena va na siga yani i liu, ni oti e dua na siga oca ena rumu ni veisele, a qai kila ni dodonu me na sele tale e dua na nona tauvimate. Sa oca tu vakalevu ka rarawa, ni kila ni na bogi dua tale e valenibula.

Ena yakavibogi oya, a vakayacora kina o Vuniwai. Selzman e dua na vosavosaiyalona ka na veisautaka na nona bula. Ena gauna oya, e vakasamataka, “Ena Vakaraubuka, au sa na lesi kina ena dua na itutu vakaparofesa ka vakatokayaca vei Dr. Nelson E kilai levu tu ena ivakarau ni yalona, e doka na tamata kecega, ka sega ni dau cudru. Ia oqo ni sa vakarau me semati na yacaqu ki na yacana, au gadreva meu na tovolea meu vakataki koya vakalevu cake.” O Vuniwai Selzman sa dua tu kina na dauveisele dauveinanumi. Ia e vinakata o koya me vinaka cake.

Ena gauna e liu, era na vakila na nona timi ni veisele na nona oca kei na rarawa ni dau vakaraitaka ena nona ivalavala kei na rorogo ni domona. Ia ena rumu ni veisele ena bogi oya, a sasaga vakaukauwa o Vuniwai. Selzman me dau veitokoni vakavinaka cake ka kilai ira vinaka na nona timi. E vakila ni vakayaco veisau ka yalataka me na tomana tiko nona tovolea me vakataki Vuniwai. Nelson vakalevu cake

Ena lima na yabaki i muri, A solia o Peresitedi Nelson na nona pepa vakacakacaka ki na University e Utah. Era lako mai na vakailesilesi mai na University me vakavinavinakataki o Peresitedi Nelson. A vosa ena soqoni oqori, o Vuniwai Vosa tale o Selzman. Ni tukuna na matanivola ni yaca i Peresitedi Nelson, RMN, a kaya, “Ni sa dua na itovonibula vaka-RMN sa kuruseta tu na Tabana ni Veisele ni Uto ena University e Utah.”

Ena veigauna ni lomaocaoca, e vakamacalataka o Vuniwai. Selzman, “Au dau cakava na veika eda vakavulica tiko vei ira na noda gonevuli me ra cakava—vakanamata, vakaotia, ka cakava na nomu vinaka duadua. Na itovonibula oqori sa bula tu vei keda e veisiga. Sa dau soli na itokaniyaca vei ira yadua na lewe ni tabana kei ira na gonevuli vou. Ena boto ni itokaniyaca e toka kina na matanivola ‘RMN.’ Na itovonibula vaka RMN sa yavu ni neimami veituberi, keimami vakavulica vei ira kecega.” Sa vakavouya o Vuniwai E sa vakavinakataka o Selsman na nona ivakarau kei na veivakayaloqaqataki baleta ni sema na yacana vei Peresiedi Nelson.

Na veika e yaco tiko qo ka okati kina o Vuniwai Selzman e vakavuna meu tarogi au, “Sa vakacava beka na veisau e yaco vei au me tekivu mai na gauna au sa semata kina na yacaqu kina yaca i Jisu Karisito? Au sa susuga beka vei au eso na itovo Vakarisito me vuana? Au sa tovolea tiko beka vakaidina meu yaco me vakataki Koya vakalevu cake?”

Ena veika a sotava o Vuniwai. Selzman, eda rawa ni raica kina e lima na veika e tautauvata kei na iwalewale eda taura kina na yaca i Jisu Karisito. E dina ga ni tekivu na iwalewale oqori ena papitaiso, e se bera ni oti me yacova nida sa savasava ka vakalou ka yaco me vakai Koya vakalevu cake.

Na imatai ni ka na ivakatakilakila. Na nona lesi o Vuniwai Selzman kina itutu vakaparofesa na Nelson sa semati kina na yacana kina yaca i Peresitedi Nelson’s, ka sa tekivu me vakatakilakilataki o Vuniwai Selzman vata kei Peresitedi Nelson. Nida sa taura vei keda na yaca i JIsu Karisito, eda sa semata na yacada ki na Yacana. Eda sa vakatakilakilataki vata Kaya. Sa ka ni marau nida sa vakatokai me vakabauta Vakaristo. Eda vakavinavinakataka na iVakabula ka sega ni veivutunitaka nida tu me wili vata kei Koya.

Veiwekani voleka kina ivakatakilakila e dua tale na vosa tautauvata: ivakananumi. Ni curu o Vuniwai. Selzman kina nona valenivolavola, e dreta na matana na metali a ciqoma ena nona lesi kina itutu vakaparofesa na Nelson. Na metali oqo e vakananuma vua e veisiga na itovo ni bula vaka-RMN. Vei keda, na noda vakaivotavota ena sakaramede e veimacawa sa vukea meda nanumi Jisu Karisito ena loma ni macawa taucoko. Nida vakaivotavota ena sakaramede, eda sa kitaka ka vakananuma kina na veika a colata o Koya me vueti keda kina. Eda yalataka vou tale meda nanumi Koya, kila na Nona cecere, ka vakavinavinakataka na Nona vinaka. Eda vakadinadinataka vakavica ni ena vuku duadua ga ni Nona loloma soliwale eda sa vakabulai kina mai na mate vakayago kei na mate vakayalo.

Na ivakananumi e kena ibalebale nida muria na ivakasala a solia na parofita ni iVola i Momani ko Alama. Eda “Vakaliuca na Turaga ena [noda] cakacaka kecega, ka vakarorogotaka vua na [noda] sala kecega; ia [meda] vagoleya na Turaga na noda vakanananu kecega , ia [meda] lomana tikoga na Turaga ka sega ni mudu.” Ena gauna sara mada ga eda ogaoga tiko kina ena veika tale eso, eda na nanumi Koya tikoga, me vaka ga na noda nanuma tu na yacada, se cava ga e vagolei kina noda vakasama.

Basika kina na kena nanumi na veika sa cakava vei keda na iVakabula na ikatolu ni ka tautauvata: na vakatotomuria. Sa tekivu me vakatotomuria na iVakabula kei na itovonibula vaka-RMN o Vuniwai Selzman . Au vakabauta ni itovonibula nei Peresitedi Nelson e votuka ga ni bula vakatisaipeli i Jisu Karisito ena nona bula taucoko. Vei keda, na levu ga ni noda vakatakilakiltaki vata ka nanumi Jisu Karisito, na levu ni noda vinakata me da vakataki Koya. Nida Nona tisaipeli, eda na veisau meda vinaka cake nida vakanamata Vua, vakalevu cake mai na noda nanumi keda tikoga. Eda yalataka meda yaco me vakataki Koya ka taracake na Nona itovo dei. Eda masuta vagumatua me da vakasinaiti ena loloma cecere, na loloma savasava i Karisito.

Me vaka e vakavuvulitaka o Peresitedi Nelson ena Epereli; Ni sa tiki ni noda bula na loloma cecere, ena sega vei keda na yalo ni beci ira na tamata. Sa na mudu na noda vakalewai ira na tamata. Eda na lomani ira na tamata kecega.7 Noda lomani ira kece e bibi kina noda torocake. Na loloma sa yavu ni noda itovonibula vakalou.” Sala vata kei na loloma cecere, eda segata me, “tamusuka, ka vakalevutaka” na veisolisoli vakayalo tale eso ni iVakabula, okati kina na itovo vinaka, vosota vakadede, yalomalua, kei na gugumatua.

Na vakatotomuri Jisu Karisito ena kauti keda yani ki na dua na ikava ni ka tautauvata; vakataudonutaki keda ki na Nona inaki. Eda duavata kei Koya ena Nona cakacaka. Ni dauveisele, o Vuniwai Nelson e kila ni dua na qasenivuli, dauveivakabulai, ka dauvakadidike. Na itokaniyaca a vakayagataki ena tabana nei Vuniwai Selzman a vakabibitaki kina na veitavi oqo, ka tukuni kina na vosa veivakavulici, veivakabulaikei na kila taumada Vei keda, e dua na tiki ni noda taura na yaca i Jisu Karisito e okati kina na noda lomasoli, nakita, ka marautaka na noda vakataudonutaka na noda sasaga kina Nona. Eda duavata kei Koya ena Nona cakacaka nida “loloma, wasea, ka veisureti.” Eda duavata kei Koya ena Nona cakacaka ena noda qaravi ira na tani, vakabibi o ira era malumalumu kei ira era vakamavoataki, kavoro, se vakacacani ena veika vakavuravura era sotava.

Eda na taura vakavinaka cake na yaca i Jisu Karisito ena ivakatakilakila, veivakananumi, vakatotomuria, ka vakataudonutaki. Ena noda cakava na va oqo ena kauti keda kina ikalima ni ka tautauvata: mana. Eda na rawata na mana kei na veivakalougatataki ni Kalou ena noda bula. Na itutu vakaparofesa na Nelson e vakarautaka vei Vuniwai. Selzman me kilai kei na ilavo veitokoni sa vakayagataka tiko o koya me veisautaka na ivakarau ena nona tabana. E vakayagataka o koya na “isolisoli ni mana” oqo me vukei ira kina na tani. Sa tautauvata, nida taura vei keda na yacana na iVakabula, sa vakalougatataki keda na Tamada Vakalomalagi ena Nona mana me vukea noda vakataucokotaka noda inaki ena bula oqo.

Nida cakava eso tale na veiyalayalati kei na Kalou, eda sa taura vei keda taucoko na yaca i Jisu Karisito. E yaco, me vakalougatataki keda na Kalou ena Nona kaukauwa. A vakavulica o Peresitedi Russell M. Nelson na “tamata yadua e caka veiyalayalati ena tobu ni papitaiso kei na valetabu—ka maroroya—sa na rawata vakalevu cake na mana nei Jisu Karisito. Na isau ni maroroi veiyalayalati tu kei na Kalou oya na kaukauwa vakalomalagi na kaukauwa e vaqaqacotaki keda meda vorata na veivakatovolei, veitemaki, kei na rarawa ni lomada vakavinaka cake.”

Sa yaco meda dauciqociqo vinaka cake vakayalo. Eda na yaloqaqa vakalevu cake meda vorata na veituvaki ka kena irairai ni vaka me na sega ni rawa. Eda na vaqaqacotaki vakalevu cake ena noda yalayala meda muri Jisu Karisito. Eda na veivutuni vakatotolo cake ka lesu Vua ni da talaidredre. Ena yaco meda vinaka cake ena noda wasea na Nona kosipeli ena nona mana kei na lewa. Eda na vukei ira era vakaleqai tu ka sega ni vakalelewa, kua ni vakalelewa. Ena bokoci na noda ivalavala ca Eda na sautu vakalevu cake, ka da dau mamarau vakalevu cake baleta nida na dau reki tikoga. Ena wavoliti keda na Nona lagilagi, ka ra na qaravi keda na Nona agilosi.

Sa sureti keda na iVakabula, “Lako mai vei Tamaqu ena yacaqu, ia ena kena gauna ko na ciqoma na Nona taucoko.” Au vakauqeti kemuni mo ni vakayacora oqo. Lako mai vei Tamada Vakalomalagi. Taura na yaca i Jisu Karisito. Vakatakilakilataki vata kei Koya Dau nanumi Koya tikoga. Segata mo vakataki Koya. Duavata kei Koya ena Nona cakacaka. Ciqoma na Nona kaukauwa kei na veivakalougatataki ena nomu bula. Vola na Yacana e yalomu, ena lomasoli ka mo nakita. Ena dua kina na “nomu itutu“ ena mata ni Kalou ka vakadonuya me tataro ena vukumu na iVakabula. Ena yaco mo vakacerecerei ena matanitu i Tamada mai Lomalagi, mo taukena vata kei na Nona Ulumatua, na noda iVakabula lomani ka Dauveivueti.

E bula tiko o Koya. Au kila na veika oqo. O Koya e lomani iko. A solia na Nona bula ena vukumu. E vakatakekere vata kei iko mo lako mai vei Tamana ena Vukuna. Ena yacai Jisu Karisito, emeni.