iVakamacala Taumada
Eda na tomana ga na koniferedi raraba vakayabaki oqo, me vaka na kena ituvatuva, ira na vosa, kei na ivakatagi sa lesia o Peresitedi Nelson ni oti e vica na vula ni vakavakarau.
Kemuni na taciqu kei na ganequ, nida mai sota eda lolositaka na mate nei Peresitedi Russell M. Nelson. Au vosa vei kemuni vaka itutu ni Peresitedi ni Kuaromu ni Le Tinikarua, na itutu au sa tokoni kina ena vei koniferedi—tabanalevu, iteki, kei na koniferedi raraba—ena loma ni vitu veimama na yabaki sa sivi.
Eda na tomana ga na koniferedi raraba vakayabaki oqo, me vaka na kena ituvatuva, ira na vosa, kei na ivakatagi sa lesia o Peresitedi Nelson ni oti e vica na vula ni vakavakarau. Vakavo ga na veika oqo, noqu ivakamacala taumada, kei na noqu vosa ena vukui Peresitedi Nelson ena itinitini ni soqoni ena yakavi ni Sigatabu.
Oqo na imatai ni gauna ena loma ni 75 na yabaki me dua na Peresitedi ni Lotu me mate ni vo ga e vica na siga ni bera na koniferedi raraba. E yaco kina me keitou tuvana na sala me keimami bosevata kina vakaveiliutaki baleta na koniferedi raraba vaka kina na veisoqoni raraba ni koniferedi, ka me tuvai e dua na ituvatuva ni veibulu ena kena gauna totolo duadua. E kila vinaka o Peresitedi Nelson na bibi ni koniferedi raraba me vakarautaka na veidusimaki vei ira na Yalododonu ena vula sa tu mai liu. Eda dokai koya ena noda muria na ituvatuva ni koniferedi me vaka sa tuvani oti.
Ena gauna bibi oqo, keimami sa bose oti ena vuku ni noda vakananumi Peresitedi Russell M. Nelson ni bera na koniredi raraba ka tuvana na nona bulu ena gauna totolo ni oti ga na koniferedi. Na caka na veika oqo ena nodratou veivakadonui na matavuvale i Peresitedi Russell M. Nelson kei na Kuoromu ni Le Tiinikarua.
Me vaka nio keda kece na lesi me vosa ena koniferedi raraba eda via vakaraitaka tale ga na noda nanumi Peresitedi Nelson, oni sa kerei na vosa ena koniferedi moni vakalekaleka taka ga na nomuni vosa ni veinanumi, moni qai vakayacora ga ena gauna ni veibulu, me vaka eda sa tuvana oti tiko.
Na noqu vosa ni veivakacaucautaki—e ganita na koniferedi oqo kei na veika kece eda sa vakaraitaka oti me baleti koya—oya niu vulica vakalevu baleta na kosipeli kei na veiliutaki vakosipeli mai vua na noqu itokani kei na veimaliwai voleka kei Peresitedi Nelson mai vei ira kece na tamata au kila vakavinaka. E noda idusidusi vaka dauniveiqaravi ka daumuria na Turaga o Jisu Karisito. Ena veika oqo au vakadinadinataka kina ena yaca i Jisu Karisito, emeni.