Au Sa Qai Rai Rawa

Ena loloma titobu dina keitou duavata kei na itukutuku ni lolosi nei Peresitedi Oaks me baleta na nona sa mai takali o Peresitedi Russell M. Nelson. Ena loloma vata qori kei na lolosi, keitou duavata kei ira era sotava na rarawa ni veika se qai yaco walega oqo mai Michigan vakakina ena veika e yaco tiko e veiyasai vuravura. Keitou vakaraitaka yani na veika oqo ena loloma kei na vakanuinui vua na Turaga o Jisu Karisito.

Nai ka ciwa ni iwase ni vola i Joni e tukuni kina na veiqaravi nei Jisu kei iratou Nona tisaipeli ni ratou lako volekata e dua na daukerekere, ka sucu mataboko. Oqo a vakavuna me ratou taroga vei Jisu na tisaipeli e vica na taro vakalotu baleta na vuna kei na vakadewataki ni nona leqa na tagane oqo. A sauma na iVakavuvuli ena nona cakava e dua na ka rawarawa sara ka veivakurabuitaki dina. A kasivita o Koya na qele ka wakia vata na soso. A boroya kina na mata ni tamata mataboko ka tukuna vua me laki tavoi ena isilisili ko Sailoama. Na veika kece oqo a cakava ena talairawarawa na tagane mataboko oqo ka tukuna na ivolanikalou, ni a “tale mai ka rai rawa.” E vakacava na bibi ni ivakadinadina, ni vakatauvatani kei na gagadre e vakanananu walega se veiba e veicalati kei na dina.

E leqataki ni na kuria tale na ca na cakamana oqo e sa tu rawa me baleti Jisu vei ira nodra iliuliu, era taroga na tagane matarai vou oqo ena cudru na meca ni iVakabula ka kaya, “Keitou sa kila sa tamata ivalavala ca ko [Jisu].” A vakarorogo vakalailai o koya, ka qai kaya, “Au sa sega ni kila se sa tamata ivalavala ca ko koya, se segai: [ia] e dua na ka au [sa] kila, niu mataboko eliu, au sa qai rai rawa.”

A solia o Jisu na imatai ni ibalebale ni veika oqo, ni tukuna vei iratou na Nona tisaipeli ni yaco oqo “me vakatakilai ga na cakacaka ni Kalou ena vukuna.” Nanuma tiko ni vakatokai vakarua na ka a cakava na iVakabula ena italanoa oqo me “lumuta” na mata ni tagane mataboko, e dua na cakacaka me qai vakacavari ena kena tavoi laivi. Na ivakamacala oqo ni “vakatakilai ga na cakacaka ni Kalou ena vukuna” e vakatura na cereki ni dua na cakacaka vakalotu.

E dua tale na dina ka vakadinadinataki sa ikoya na iyaya e vakayagataka na Dauveibuli kei lomalagi kei vuravura me vakarautaka na cakamana oqo: na kasivi kei na dua na iluku qele! Na veika vakabekataki oqo e vakaraitaka ni Kalou e rawa ni vakalougatataki keda ena ivakarau cava ga e digitaka o Koya. Me vakataki Nemani nona vorata na Uciwai na Joritani se o ira na luvei Isireli era sega ni via raica na gata ena ititoko, se vakacava na kena rawarawa vei keda meda vakasuka na ivurevure ni noda vueti baleta ni sa rui ka wale sara na kena iyaya ni cakacaka.

Ia eda nanuma mai na iVola i Momani ni so na ka era sa rawarawa ka talei ka ni se bera na sucu i Jisu, a parofisaitaki ni “sa [sega ni] vinaka na matana ka sa sega ni vatuka vinaka na yagona; ia [nida] raici Koya, sa sega ni matavinaka ko koya meda qoroi koya kina.” Se vakacava na wasoma ni nona vakauta mai Nona itukutuku vakaturaga na Kalou vua e dua se qai kacivi vou na peresitedi ni Soqosoqo ni Veivukei se edua na cauravou sega ni vuli vinaka ena iteitei mai Niu Oka se na gonelailai e davo ena idavodavo.

Sa qai vakacava ke yaco mai na isau ni noda masu ena sala rawarawa se verevereya eso. Eda sa lomasoli beka meda gumatua me bulataka na kosipeli i Karisito se vakacava ga na levu ni kasivi kei na qele ena taura? Ena sega beka ni matata vei keda na ka e caka tiko se na vuna, ka ena veigauna yadua eda na vakila kece vakalailai me vaka na maramaka kaya, “Turaga, vakacava beka me dua na veivakalougatataki ka sega ni vakamatavulo?”

Vakasamataka mada na ivakadinadina ni dua tale na dina, okoya oqo e baleta na matabete tabu. Ena kena vakaivolataki na soqosoqo Lotu ni gauna oya, e vakaoqo na imatai ni yatuvosa i Luke: “Sa qai kacivi ira mai na nona tisaipeli e lewe tinikarua mera soqoni vata, a sa solia vei ira na lewa kei na kaukauwa,” na isolisoli e sega ni soli ena yavu ni veika vakasakiti e rawati se vakadeitaki ena ivakarau se isolisoli donu. Era sega ni vakatikori mai na dua na koronivuli ni lotu se dua na koronivuli ni semineri. E soli ga ena veitabaki ni liga mai vua e dua ka sa tabaki oti ena liga vakadonui ena dua na ituvatuva tawacavuka lesu kina ivurevure ni lewa vakalou, na Turaga o Jisu Karisito.

Ka ena dua na lotu e kila na isolisoli ni yalololoma, ena sega beka ni ivakadinadina uasivi ni dodonu ni lotu oya meda raica na veivakalougatataki kei na veiyalayalati me lako vei ira na wekada sa mate, o ira noda matavuvale era sa taumada yani vei keda? Mera na totogitaki beka baleta era a sega ni yacova rawa na kosipeli se baleta era a sucu ena dua na gauna se ena dua na vanua ni se sega ni tu vakarawarawa kina vei ira na cakacaka vakalotu kei na veiyalayalati vakalou? Na Lotu i Jisu Karisito ni Yalododonu Edaidai e tu na kena vale vakalou, vakatabui ni Turaga ka dau caka kina na cakacaka veivakabulai veisosomitaki me baleti ira na sa mate oqo, vakakina na soli ni madigi eso ni sokalou kei na cakacaka vakalotu me baleti ira na bula tiko? Mai na noqu kila, na ivakadinadina oqo ni loloma raraba ni Kalou me baleti ira na bula kei na mate e sega ni laurai ena vanua cava ga ena vuravura—vakavo ga e dua na lotu e vakaraitaka tiko na dina ena tikina oqo: Na Lotu i Jisu Karisito ni Yalododonu Edaidai.

Na imatai ni noqu sota ena soli-rai, soli-bula kei na ivakadinadina ni dina a sega ni lako mai ena boroi ni qele se na isilisili ko Sailoama. Sega, na iyaya ni dina ka kauta mai noqu vakabulai mai vua na Turaga a lako mai vaka draunipepa ena dua na ivola, io, na iVola i Momani: E Dua Tale na iVakadinadina kei Jisu Karisito! Na veika vakaraitaki me baleta na ivola oqo sa saqati ka vakasukai mai vei ira eso na tawavakabauta, na cudru e veisotari kei na nodra lomaca o ira era a tukuna vua na tagane vakabulai ni sega ni rawa ni a sotava o koya na ka e kila o koya ni asotava.

E sa kolotaki mai vei au ni sala ka yaco mai kina na ivola oqo a tawacakarawa, tawavakabauti, vakamadua, ka tawavakalou sara mada ga. Oya na vosa bibi mai vua e dua e nanuma ni kila na sala a lako mai kina na ivola oqo, me vaka ni ivakamacala duadua ga e soli me baleta na sala oya sa ikoya ni a vakadewataki “ena isolisoli kei na kaukauwa ni Kalou.” O ya sara ga! Sa ikoya o ya. Ena sala cava ga, na revurevu ni iVola i Momani kina noqu bula e vaka na cakamana me vaka na kasivi kei na qele kina matai e boko. Sa yaco me vakakina vei au, e dua nai titoko veitaqomaki kina lomaqu kei na yaloqu, e dua na rarama mai lagi ni ivakatakila, na veivakararamataki ena salatu meu lakova yani ni yaco mai na kabukabu butobuto. E sa yaco oti vakakina, ka yaco talega mai kina.

E soli na rai e vakatara vei au na iVakabula na loloma levu kei na nona loloma ni veivueti, Au wasea vata kei iko na ivakadinadina, vakadinadinataki taki eke ena veivakalougatataki vou ni tubutubu turaga ki vua na luvena tagane e dodonu me rogoci baleta ni yaco vei koya ena “veitabagauna.” Ia, sa vakakina koi au. Sa rauta vinaka na nona qase me tauri vakabibi kina. Ia, sa vakakina koi au. Sa vo vei au e rua na vula mai na noqu ika 85 ni siganisucu. Au sa lesuva oti mai na iyalayala ni mate. Au lako vata kei ira na tui kei na parofitai, peresitedi kei na apositolo. Na ka vinaka duadua, vakavuqa au vakasinaiti ena Yalo Tabu. Au nuitaka ni dodonu mena vakasamataki vakabibi na noqu ivakadinadina.

Kemuni na taciqu kei na ganequ, e yaco meu kila ena vuni yaloqu ni Na Lotu i Jisu Karisito ni Yalododonu Edaidai e Lotu ni Veiyalayalati Vou ka vakalevui dina mai—vakavuqa—baleta niu sega ni rawa ni cakitaka na ivakadinadina ni kena vakalesui mai. Mai na imatai ni veika sotavi oqori, au nanuma au sa sotava e dua na udolu—tini na udolu?—tale eso na ivakadinadina ni sa dina na veika kece au cavuta nikua. Okoya gona au marau me duavata kei na noqu itokani ena veitolonisala kei Jerusalemi, ka lagata kina ena domoqu rogo lailai:

Ena yacai Jisu Karisito, emeni.