Mbueienyi
Afei yɛbɔkɔ kan wɔ wiadze mfɛndzanan afrenhyia mprɛnu ehyiadzi yi, yɛrokɔ do dɛ mbrɛ wɔahyehyɛ no na hɔn a wɔbɛkasa na ndwom a wɔbɔtow no President Nelson dze mae a wɔayɛ ho ahoboaboa abosoom pii ekyir no.
Mo nuanom na nkyerɛbaa adɔfo, yehyia mu ber a yedzi President Russell M. Nelson no wu ho awerɛhow. Mekasa kyerɛ hom dɛ Duebien no hɔn Quorum no ne President, wɔ gyinabew a wɔama me ho tsĩpia no dadaw wɔ hɛn ward, stake, na wiadze mfɛndzanan ehyiadzi horow kor biara mu mfe esuon na fã a wɔabɛsen yi.
Yɛbɔkɔ kan wɔ wiadze mfɛndzanan afrenhyia mprɛnu ehyiadzi yi, yɛrokɔ do dɛ mbrɛ wɔahyehyɛ no na hɔn a wɔbɛkasa na ndwom a wɔbɔtow no President Nelson dze mae a wɔayɛ ho ahoboaboa abosoom pii ekyir no. Dza ɔkekã ho nko nye iyi, me mbueienyi nkyerɛkyerɛmu, na mebɛkasa wɔ President Nelson n’ananmu wɔ Kwesida ewiaber mponee nhyiamu no.
Iyi nye mber a odzi kan wɔ mfe 75 a Asɔr no ne President efi mu nda kakra ara ana wɔreyɛ wiadze mfɛndzanan ehyiadzi. Ɔno ama yɛayɛ nhyehyɛɛ wɔ mbrɛ yebesi bɛyɛ baanodzi nhyiamu horow a ohia a ɔfa wiadze mfɛndzanan ehyiadzi ho, dɛmara dɛ wiadze mfɛndzanan ehyiadzi nhyiamu horow no, na ber kor noara yɛahyehyɛ n’eyiyɛ a ɔnnkɛkyɛr. President Nelson nyaa ntseasee wɔ wiadze mfɛndzanan ehyiadzi no bo a ɔsom ho dɛ ɔbɛma Ahotseweefo no kwankyerɛ wɔ abosoom a ɔreba no mu. Yedzi no nyi ber a yedzi ehyiadzi yi no nhyehyɛɛ a ɔpen do no.
Awerɛhow ber yi mu no, yeedzi kan ayɛ nhyiamu dze akamfo President Russel M. Nelson ansaana hɛn wiadze mfɛndzanan ehyiadzi nhyiamu horow no na nkyii yɛdze n’eyi no ahyɛ ehyiadzi yi ekyir dɛ mbrɛ yebotum a ɔnnkɛkyɛr. Yɛayɛ iyi nyina a President Nelson n’ebusua na Duebien no hɔn Quorum no apen do.
Osiandɛ hɛn mu biara a wɔama hɛn dwumadzi dɛ yɛnkasa wɔ wiadze mfɛndzanan ehyiadzi yi ase bɛpɛ dɛ ɔdze ne mber no bi bɛma President Nelson tribute no dɛm ntsi, yɛaserɛ hɔn a wɔbɛkasa wɔ ehyiadzi yi mu no dɛ wontwitwa ankorankor tribute no do tsia, na wɔmfa nkɛhyɛ n’eyi ase a yegu do reyɛ ho nhyehyɛɛ no.
Mara me tribute tsiabaa—a ɔfata ehyiadzi yi na tribute ahorow a yɛama no dada—nye dɛ Modɔ Russell M. Nelson na mesũa asɛmpa no na asɛmpa baanodzi ho asɛm efi m’anyɛnkoyɛ na nkitahodzi mber tsentsen a menye no nyae mu no kyɛn fi banodzinyi biara a mankasa minyim no hɔ. Ɔyɛ hɛn Ewuradze Jesus Christ somfo na kadofo fasusu ma hɛn. Ndzɛmba yinom ho na megye me dase wɔ Jesus Christ ne dzin mu, amen.