Sintonisá Boso Kurason na Hesu-Kristu: E Don Sagrado di Músika di Primaria

Kantikanan di Primaria tambe por ta medionan poderoso pa siña doktrina. Algun kantika ta konta e storianan di e bida i ministerio di e Salbador. Otronan ta siña di Su atributonan, manera Su fe, Su speransa, i Su karidat. I e kantikanan di mas sagrado ta testifiká di Su Ekspiashon infinito i e amor ku ta flui for di e akto ei di salbashon.

Un profeta di Señor, Presidente Russell M. Nelson, a siña: “[Músika] por ehersé un influensia kontinuo pa semper mas leu ku tempu ora muchanan ta chikitu. … [E] tin [e] poder pa proveé alimento spiritual. E tin poder sanadó. E tin [e[ poder pa fasilitá adorashon; e ta permití nos pa kontemplá e [Salbador Su] Ekspiashon i e Restourashon di e evangelio ku su prinsipionan salbadó i ordenansanan pa eksaltashon. Músika ta proveé poder pa nos pa ekspresá pensamentunan ku orashon i duna testimonio di bèrdatnan sagrado.”

Komo mayornan, lidernan, i maestronan, nos esfuersonan ta inkluí yuda muchanan tin akseso na e bendishonnan primintí aki dor di siña ku intenshon e bèrdatnan di evangelio hañá den músika. Presidente Nelson a siña tambe ku “muchanan por siña e doktrina ora nan ta siña kanta mes tantu ku ora nan por siña e doktrina den un lès.” E kantikanan aki por proveé un kantidat grandi di predikashinan ku ta dirigí muchanan na e Salbador i yuda nan desaroyá deboshon na Su evangelio.

E Skrituranan ta siña ku e kantikanan di esnan rekto ku ta bini for di e kurason ta un alegria pa e Salbador. Mi por solamente maraviá pa e alegria na e a ku e stèmnan di e Salbador su disipelnan yòn ta trese. Mi sa ku nan kantikanan di orashon ta alkansá shelu komo ekspreshonnan di fe ku ta invitá e Spiritu Santu pa konfirmá bèrdatnan eterno i ta invitá otronan suavemente i ku ternura pa aseptá e yamada di nos Salbador pa sigui’E i bini kas. Manera Elder Henry B. Eyring a kòrda nos, ta den e momentonan aki di sinti e Spiritu ku nos tin evidensia di e Salbador su Ekspiashon obrando den nos bida.

Músika di Primaria por ta un milager ku ta wòrdu hibá durante henter e bida di disipulado ku nos yunan lo biaha. Un kantika siña na edat di seis aña tin e poder pa keda ku nos—i por regresá dékadanan despues den momentonan di desishon, tentashon, tristesa, òf goso. Kisas den nos añanan mas lat, e palabranan di “Lo mi Sigui Dios su Plan” por sirbi komo un anker spiritual ku ta echo e testimonio di e Apòstel Pablo di e seguridat di Dios su promesanan na nos. Òf nan por kòrda nos ku pasobra Dios ta kumpli Su promesanan, Su kombenionan ta ofresé konsolashon fuerte i un lugá di refugio i ta invitá nos pa pone nos speransa i siguransa firme den Hesu-Kristu i den Su poder ekspiatorio.

Miembronan adulto rònt mundu, den tempunan di difikultat, hopi bia ta kòrda i pensa riba e kantikanan di Primaria ku nan a siña komo mucha. Pa hopi, e kantikanan aki a sostené e arkitektura inisial di nan fe den Hesu-Kristu i tabata hopi bia e prome lugá kaminda kombershon na Su evangelio a kuminsá. Mayornan, lidernan, i maestronan a nutri e fe ei durante e añanan dor di siña, kanta, i testifiká na muchanan ku kariño.

Un hermana a kompartí ku mi ku el a apresiá músika di Primaria, i despues di 20 aña el a atribuí esaki ku aselerashon di su kombershon kontinuo na e evangelio di Hesu-Kristu. Un otro miembro a testifiká ku Primaria a planta un simia di mòster di fe tempu e tabata yòn i tabata e motibu ku e tabata kapas pa regresá na Señor su Iglesia den su 30 piku aña. E Salbador a primintí, “E Konsoladó … lo siña boso tur kos, i trese tur kos na boso memoria.” Músika di Primaria por ta un manera ku e promesa ei ta keda kumplí.

Un otro kantika gustá di Primaria ta kapturá e poder di fe simpel i testimonio duradero:

Ora muchanan ta kanta, nan ta ekspresando e deseo di un disipel i ta siña e patronchi di biba kombenio. E Spiritu por usa músika pa graba bèrdatnan eterno riba nan kurason tierno. I ku tempu, muchanan por skohe pa sintonisá nan kurason i nan bida na Hesu-Kristu pa medio di hasi i warda kombenionan sagrado kunÉ.

Músika sagrado por yuda skirbi e doktrina di Kristu den e alma i prepará nos pa risibí Su ordenansanan. E ta liga e Salbador su doktrina na nos memoria i e memoria ei na nos disipulado den djE.

Komo lidernan di Primaria, nos tin e oportunidat i e responsabilidat sagrado pa sigurá ku músika den Primaria ta wòrdu siñá ku goso, ku komprendementu di doktrina, i ku e Spiritu. Esaki ta inkluí invitá muchanan pa nota kiko nan ta sinti ora nan ta kanta i yuda nan rekonosé ku e sentimentunan aki ta bini for di e Spiritu Santu. E esfuersonan aki ta yuda prepará nos muchanan pa ordenansanan sagrado manera boutismo i konfirmashon, i tambe inspirá nan memoria di kombenio segun nan ta renobá nan promesanan na Dios regularmente.

Na e Último Sena, despues ku e Salbador a instituí e sakramento, Mateo a registrá ku “ora nan a kanta un himno, nan a sali bai na e seru di Oleifi.” Kada siman, miembronan batisá i konfirmá di e Iglesia restourá di Señor, inkluso muchanan yòn di ocho aña batisá, ta prepará pa tuma Señor su sakramento. Pa medio di kanta músika sagrado, kongregashonnan di Dios su yunan ta haña e oportunidat pa prepará nan kurason pa e ordenansa sagrado ei di tuma riba nan Su nòmber, pa semper kòrdE, i pa warda Su mandamentunan.

Kerido amigunan, mi ta testifiká ku kantikanan di Primaria ta siña bèrdatnan eterno i doktrina ku ta kondusí nos na Hesu-Kristu i Su evangelio. Mi ta invitá boso pa konsiderá kua bèrdatnan fundamental a wòrdu skirbí den boso kurason mediante e siñansanan simpel di e kantikanan aki i pa testifiká di e bèrdatnan aki na e Salbador su disipelnan mas yòn segun boso ta siña nan e bon notisia di e evangelio pa medio di kantika.

Mi sa ku Dios nos Tata, den Su amor infinito, a manda Su Yu Stimá na mundu pa siña nos, pa mustra nos e kaminda, i pa redimí nos pa medio di Su Ekspiashon.

Mi sa ku e Salbador su bida i ministerio ta real i personal. E Skrituranan ta yen di storia di Su sanashon, Su bondat, i Su milagernan.

Mi sa ku Tata Selestial ta skucha i kontestá e orashonnan sinsero di Su yunan, sin importá nan edat, sirkunstansianan, òf lenguahe. E ta skucha na e súplikanan silensioso di nos kurason.

Mi ta testifiká ku na Getsémani, Hesu-Kristu a karga e peso di nos pikánan, tristesanan, i dolónan. El a sufri boluntariamente pa motibu di Su amor pa nos i a hasi posibel pa nos wòrdu pordoná i regresá kas.

Mi sa ku nos ta literalmente yunan di Dios, kreá den Su imágen, investí ku potensial divino, i invitá pa regresá pa biba kunÉ si nos skohe pa sigui Hesu-Kristu.

Mi sa ku Hesu-Kristu ta nos ehèmpel perfekto, i ora nos sigui’E dor di sirbi, pordoná, i stima otronan, nos ta bira mas manera E kada dia.

I mi sa ku Señor su tèmpelnan santu ta Su kas aki na mundu. Den nan, nos ta hasi kombenionan sagrado, risibí bendishonnan eterno, i siña mas di djE i sinti mas di Su presensia. E tèmpel ta un lugá di siñansa, pas, i preparashon pa nos bida.

Mi ta testifiká ku e esfuersonan ku nos ta hasi pa siña i kanta e kantikanan aki di Primaria na nos yunan no ta simplemente un parti bunita di nos tradishon religioso. Nan ta predikashinan pa disipelnan di Hesu-Kristu, testimonionan di e bèrdat di e evangelio restourá, i orashonnan poné na músika. Músika sagrado por laga e Lus di Kristu bria na e skuchadó i por bashé den e kurason di e kantante. Kerido amigunan, Hesus ainda ke nos pa ta un rayo di solo. Mi ta tèstifiká asina den e nòmber sagrado di Hesu-Kristu, amèn.