የእኛ ሰማያዊ የምሪት ስርዓት

ለአለም የተላለፈ የቤተሰብ አዋጅ ላይ፣ እያንዳንዳችን በሰማይ ወላጆች የተወደድን የመንፈስ ሴት እና ወንድ ልጆች እንደሆንን እንዲሁም እያንዳንዳችን መለኮታዊ ተፈጥሮ እና ፍጻሜ እንዳለን እናነባለን። … በቅድመ ምድራዊ ህይወት ውስጥ፣ የመንፈስ ወንድ እና ሴት ልጆች እግዚአብሔርን እንደ ዘላለማዊ አባታቸው ያውቁት እና ያመልኩት ነበር፣ እንዲሁም ልጆቹ ስጋዊ አካልን አግኝተው ምድራዊ ልምዶችን በማግኘት ወደ ፍጹምነት ለማደግ እና በመጨረሻም መለኮታዊ እጣ ፋንታቸው የሆነውን የዘላለማዊ ህይወት ወራሽ እንዲሆኑ የሚያስችላቸውን አላማውን ተቀብለው ነበር።

በሥጋ ከመወለዱ በፊት፣ ኢየሱስ ክርስቶስ አብን በመወከል ለሙሴ ተገልጦ አነጋግሮት ነበር። እርሡ የሚሠራው ታላቅ ሥራ እንዳለው ለሙሴ ነገረው። በተገናኙበት በዚያ ጊዜ፣ ጌታ ብዙ ጊዜ “ልጄ” ብሎ ጠራው።

ከዚያ ተሞክሮ በኋላ ሰይጣን ሊፈትነው እንዲህ በማለት መጣ፥ የሰው ልጅ ሙሴ ሆይ፣ አምልከኝ።

ሙሴ የራሱን መለኮታዊ ተፈጥሮ በማስታወስ ለዚያ ፈተና እንዲህ ሲል መልስ ሰጠ፦ “አንተ ማን ነህን? እነሆም እኔ የእግዚአብሔር ልጅ ነኝ።” እውነታው ሙሴን ከጠላት ውጊያ ነጻ አወጣው።

ወንድሞች እና እህቶች፣ የሟችነት መንጠቆዎች እውን ናቸው! ብዙ ጊዜ የሚያታልሉ ናቸው፣ ነገር ግን አንድ ኢላማ ብቻ ይፈልጋሉ፣ ይህም እኛን ወደ አብ እና ወደ ዘላለማዊ ህይወት ከሚያመራው የሕይወት ውሃ መንገድ ለማውጣት ነው።

የሟችነት መንጠቆዎች ምን ያህል እውን መሆን እንደሚችሉ አውቃለሁ። አንድ እሁድ ዕለት፣ አዲስ የቤተክርስቲያን አባል ሆኜ በክህነት ክፍል እያስተማርኩኝ ሳለ እኔን የሚያሳዝን ውይይት በተማሪዎቹ መሃል ተነሳ። ትምህርቴን ለመጨረስ ተቸገርኩኝ። ተቀየምኩኝ እንዲሁም እኔ ተበዳይ እንደሆንኩኝ ተሰማኝ። አንድም ቃል ሳልናገር፣ ለተወሰነ ጊዜ ወደቤተክርስቲያን ላለመመለስ እያሰብኩኝ ወደውጪ ወደሚያስወጣው በር አመራሑኝ።

በዚያች ሰአት ነገሩ ያሳሰበው የክህነት ስልጣን ተሸካሚ ፊት ለፊቴ ቆመ። ፍቅር በተሞላ መልኩ፣ ትኩረቴን ክርስቶስ ላይ እንዳደርግ እንጂ ክፍሉ ውስጥ በተፈጠረው ነገር ላይ እንዳላደርግ ጋበዘኝ። ከእርሱ ጋር ወደነበረኝ ተሞክሮ ሳስብ፤ “ሒድ፣ ተከተለው እርሱ ለእኔ ወሳኝ ነው” የሚል ድምጽ ሰምቶ እንደነበር ነገረኝ።

ውድ ጓደኞቼ፣ እኛ ሁላችንም ለእርሱ ወሳኝ ነን። ፕሬዚዳንት ኔልሰን እንዲህ ሲሉ አስተምረዋል፦ “ከእግዚአብሔር ጋር በገባነው ቃል ኪዳን ምክንያት፤ እርሱ እኛን ለመርዳት በሚያደርገው ጥረት አይታክትም እንዲሁም ለእኛ ያለውን የምሕረት ትዕግሥቱን አናስጨርሰውም።” መለኮታዊ ተፈጥሮአችን እና ከእግዚአብሔር ጋር ያለን የቃል ኪዳን ግንኙነት መለኮታዊ እርዳታን እንድንቀበል ያስችለናል።

ሳልሞን የተባለው የአሳ ዝርያ፣ ለማደግ በውቅያኖስ ውስጥ መመገብ እንዳለበት ሁሉ እኛም በመንፈሳዊ ምግብ እጦት እንዳንሞት ራሳችንን በመንፈሳዊ ነገሮች መመገብ አለብን። ጸሎት፣ ቅዱሳት መጻህፍት፣ ቤተመቅደስ እንዲሁም ዘወትር በእሁድ ስብሰባዎች ላይ መገኘት በመንፈሳዊ ነገሮች ዝርዝር ውስጥ በጣም አስፈላጊ ናቸው።

ህዳር 1956 (እ.አ.አ)፣ ሪካርዶ ጋርሲያ፣ በሓገሬ በቺሊ ውስጥ የቤተክርስቲያኗ የመጀመሪያ አባል በመሆን ተጠመቀ። ከመሞቱ አንድ ቀን ቀደም ብሎ፣ በቤተሰቡና በጓደኞቹ ፊት እንዲህ ሲል ተናግሯል፦ “ከብዙ ዓመታት በፊት ሚስዮናውያን ከቤተሰቤ ጋር ደስተኛ እንድሆን ጋብዘውኝ ነበር። እኔ ደስተኛ ሰው ነኝ። ለሁሉም ሰው ወንጌሉ ደስታ እንደሆነ ንገሩ።”

የኢየሱስ ክርስቶስን ወንጌል ከተመገበ በኋላ፣ ሪካርዶ መላ ህይወቱን እግዚአብሔርን እና ባልንጀራውን በፍቅር ለማገልገል ሰጠ። የእርሱ የደቀመዝሙርነት ምሳሌ እኔን ጨምሮ ትውልዶችን ባርኳል። ነቢዩ ጆሴፍ ስሚዝ እንዲህ ሲል አስተምሮ ነበር፦ “በእግዚአብሔር ፍቅር የተሞላ ሰው፣ ቤተሰቡን በመባረክ ብቻ አይረካም፣ ነገር ግን በአለም ዙሪያ ያለውን የሰውን ዘር በሙሉ ለመባረክ በጉጉት ይዞራል።” (

በእያንዳንዳችን ውስጥ ወደ ሰማያዊ ቤታችን የመመለስ ፍላጎት አለ፣ ኢየሱስ ክርስቶስም የሰማያዊ መመሪያ ስርዓታችን ነው። መንገዱ እርሱ ነው። የእርሱ የሓጢያት ክፍያ ከእግዚአብሔር ጋር ቅዱስ ቃል ኪዳኖችን እንድንገባ አስችሎናል። ቃል ኪዳን ከገባን በኋላ አንዳንድ ጊዜ እራሳችንን አደገኛ የውሃ ግፊት ባለበት ስንዋኝ እናገኘዋለን። አደጋ፣ ተስፋ መቁረጥ፣ ፈተና እና መከራ እምነታችንን እና መንፈሳዊ ጥንካሬያችንን ይፈትናሉ። እርዳታን ጠይቁ ኢየሱስ ክርስቶስ ይረዳልናል እንዲሁም ሸክማችንን ለመካፈል ሁልጊዜ ይጓጓል።

እርሱ “ህመምን እና ደዌን የሚያውቅ ሰው እንደሆነ” አስታውሱ። አዳኙ፣ “በዓለም ሳላችሁ መከራ አለባችሁ፤ ነገር ግን አይዞአችሁ፤ እኔ ዓለምን አሸንፌዋለሁ።” ሲል አስተምሯል። እርሱ ኃጢያታችንን እስከመርሳት ድረስ፣ በኃጢያት ክፍያው አማኻኝነት ይቅር መባል እንድንችል አድርጋል።

እነዚህን ሓጢያቶች መድገም እንደሌለብን ማስታወስ እንድንችል፣ በዚህ ምድራዊ ህይወት ውስጥ በምንማራቸው ትምህርቶች ውስጥ ኃጢያታችንን ሙሉ በሙሉ ላንረሳቸው እንችላለን። ከዚያ ይልቅ፣ እያንዳንዱ እሁድ በቤተክርስቲያን ቅዱስ ቁርባንን ስንወስድ እርሱን እናስታውሳለን። ይህ ሥርዓት የአምልኮ እና የመንፈሳዊ እድገት አስፈላጊ አካል ነው። ይህ አንድ ሌላ ቀን ብቻ እንዳልሆነ ስንረዳ ደስታ ይመጣል። “ሰንበት ስለ ሰው ተፈጥሮአል” ይህም የሆነው፣ ከዓለም ዕረፍት ሊሰጠን እና ሥጋችንን እና መንፈሳችንን ለማደስ በማሰብ ነው።

እንዲሁም እርሱን ወደ ቤተመቅደስ—ወደ የጌታ ቤት ስንሄድ እናስታውሰዋለን። ቤተመቅደሶች ከእግዚአብሔር ስጦታዎች ሁሉ ታላቅ የሆነው፣ ወደ ዘለአለማዊ ህይወት የሚመራን የቃል ኪዳኑ ማእከል የሆነው ኢየሱስ ክርስቶስ እንደሆነ ይበልጥ ጠለቅ ያለ እውቀትን ይሰጡናል።

ወደቤተመቅደስ መሄድ መጽናናትን እና ዘለአለማዊ እጣፈንታችንን በተመለከተ ታላቅ ተስፋን ሰጥቶኛል። በመጋረጃው በሁለቱም በኩል ካሉት ሰዎች ጋር ሰማያዊ የሆነ ግንኙነቶች አጋጥመውኛል። በሰው ዘንድ ሊታዩ በማይችሉ ህመሞች ምክንያት ህይወታቸውን ሙሉ እንክብካቤ ይሹ በነበሩት፣ በትንሾቹ ሁለቱ ልጆቼ ህይወት ውስጥ ተአምራዊ ፈውሶችን አይቻለሁ።

የደህንነት እቅድን አስመልክተን በምናካፍልበት ወቅት ቤተሰባችን ይደሰታል። ልጆቼ በኢየሱስ ክርስቶስ አማካኝነት “[ስቃያቸው] ለጥቂት ጊዜ ቢሆን እንደሆነ” ሲያውቁ ፊታቸው ያበራል። ልጆቻችንን በጣም እንወዳቸዋለን፣ እንዲሁም ፕሬዚዳንት ጄፍሪ አር ሖላንድ እንዳስተማሩት፣ “አንድ ቀን በፊታችን ከብረው እና አዲስ ሆነው፣ በአካል እና በአእምሮ ፍጹም በሆነ መንገድ ውብ ሆነው ፊት ለፊታችን ይቆማሉ።” ቃል ኪዳኖቻችን የማይቻለውን የሚቻል እንዲሁም እያንዳንዱን የጨለማ እና የጥርጣሬ ቦታ በብርሓን እና በሰላም በመሙላት ወደ እግዚአብሔር ይበልጥ የቀረብን እንድንሆን ያደርጉናል።

በኢየሱስ ክርስቶስ ምክንያት፣ ማፍቀርን፣ መጸለይን እና የምናስብላቸውን ሰዎች መደገፋችንን ለመቀጠል ተስፋ እና በርከት ያሉ ምክንያቶች አሉን።

እርሱ ህያው እንደሆነ አውቃለሁ። እርሱ በግል ያውቀናል እንዲሁም ይወደናል። “እርሱ መንገድ፣ እውነት እና የዓለም ሕይወትነው።”

ዛሬ ሁላችንም “ሕይወታችንን በኢየሱስ ክርስቶስ እና በአስተምህሮቶቹ ላይ ማእከል እንድናደርግ እጋብዛችኋለሁ። ይህንን ማድረግ የፈተና፣ የቅያሜ እና ለራስ የማዘን ስሜትን መንጠቆ እንድናስወግድ ይረዳናል። እንደ ቤተመቅደሶች ቅዱስ፣ ፅኑ እና የማይለወጥ ሆነን እንቆማለን። ማእበሎቹን ተቃቁመን እስከመጨረሻው በመጽናት እና በመደሰት ወደቤት እንደርሳለን። በኢየሱስ ክርስቶስ ስም፣ አሜን።