Tus uas Vajtswv Nyiam Tshaj

Ua ntej kuv pib no, tsim nyog kuv qhia nej tias kuv muaj ob tug me nyuam uas tsaus muag thaum tab tom hais lus pub rau sawv daws, thiab kuv yeej xav li nkawd xav tam sim no. Kuv yeej xav txog ntau yam suav lub qhov rooj hauv qab kuv.

Kuv poj niam wb muaj rau tus me nyuam uas pheej sib tawb ib leeg rau ib leeg hais tias nws yog tus me nyuam uas wb nyiam tshaj plaws. Nyias muaj nyias lub tswv yim rau wb xaiv nws. Wb hlub tag nrho wb cov me nyuam zoo ib yam. Wb tsis muaj peev xwm hlub lawv ib tug twg ntau tshaj lwm tus—thaum lawv yug los zuj zus wb txoj kev hlub lawv loj hlob tuaj zuj zus mus. Kuv hlub kuv cov me nyuam ces qhov ntawd ua rau kuv xav txog kuv Leej Txiv Saum Ntuj Ceeb Tsheej txoj kev hlub rau kuv thiab.

Vim kuv poj niam wb cov me nyuam txhua tus xav ua tus me nyuam uas wb nyiam tshaj plaws, tej zaum nej xav tias peb tsev neeg yeej tsis tau muaj ib chav pw uas sw sw li. Thaum peb tsom ntsoov peb txoj kev hlub ib leeg rau ib leeg ces peb tsis tshua pom tej yam tsis zoo.

Nyob nyob, vim kuv pom tau hais tias wb cov me nyuam sib xeem kom ua tus zoo tshaj ntau dhau, kuv yuav hais tias “Tau lauj, kuv sab sab lawm, tiam sis kuv tsis hais tus twg kuv nyiam tshaj, nej paub tias tus twg kuv nyiam tshaj lawm.” Kuv lub hom phiaj yog lawv txhua tus muaj yeej thiab tsis muaj kev tsov rog—mus txog lwm zaum!

Hauv nws phau txoj moo zoo, Yauhas hais txog nws tus kheej hais tias “tus thwj tim uas Yexus hlub,” yam li Yexus hlub nws ib leeg xwb. Kuv xav tias Yauhas hais li no vim nws paub tias Yexus hlub nws. Nifais hais zoo ib yam thaum nws sau ntawv hais tias, “Kuv zoo siab rau kuv tus Yexus.” Ham tsis, tus Cawm Seej tsis yog Nifais li thiab tsis yog Yauhas li nkaus xwb, txawm yog li ntawd vim Nifais nrog “nws” tus Yexus sib raug zoo nws hais li ntawd.

Puas yog ib yam zoo kawg nkaus uas peb muaj ib tug Vajtswv uas paub peb thiab hlub peb txhua tus? Nifais hu Nws ua “nws” tus Yexus, thiab peb hu nws ua li ntawd thiab. Peb tus Cawm Seej txoj kev hlub yog “txoj kev hlub uas siab, thiab zoo, thiab muaj zog tshaj plaws,” thiab Nws hlub peb mus txog thaum peb hnov Nws txoj kev hlub “puv npo.” Vajtswv txoj kev hlub yeej tsis tag hlo li, thiab peb txhua tus yog tus uas Nws nyiam tshaj plaws. Vajtswv txoj kev hlub duav peb sawv daws ib yam li lub voj voos. Txawm hais tias peb sawv daws sib txawv los, peb sib koom siab tau hauv Nws txoj kev hlub.

Puas yog ib yam txawv uas ob txoj lus txib tseem ceeb tshaj plaws yog kom hlub Vajtswv thiab hlub cov neeg ib ncig ntawm peb? Thaum kuv saib lwm tus neeg ib leeg hlub ib leeg ib yam li Khetos, raws li kuv xav txoj kev hlub ntawd muaj ntau dua lawv txoj kev hlub xwb; yog ib txog kev hlub uas los saum ntuj los. Thaum peb ib leeg hlub ib leeg li no, yam zoo tag nrho li, lub ntuj ceeb tsheej kuj pab thiab.

Yog li ntawd yog tias muaj ib tug neeg uas peb hlub nyob nrug deb ntawm txoj kev hlub los saum ntuj los, peb ua tau raws li lub tswv yim no—ua tej yam uas coj peb los nyob ze Vajtswv thiab tom qab ntawd ua tej yam uas yuav coj peb los nyob ze dua tus neeg uas peb hlub ntawd—ib qho kev caw lawv los cuag Khetos es tsis hais lus caw lawv.

Kheev lam kuv nrog nej zaum ua ke txhua tus thiab noog nej saib muaj dab tsi ua rau nej hnov tau Vajtswv txoj kev hlub. Nqes vaj lug kub twg, txoj kev pab nej twg? Nej yuav nyob qhov twg? Nej yuav mloog nkauj dab tsi? Nej yuav nrog leej twg nyob ua ke? Lub tuam rooj sab laj no yog ib qho chaw zoo heev kom kawm txog kev hnov kom tau lub ntuj ceeb tsheej txoj kev hlub.

Tej zaum nej xav tias nej nyob deb deb ntawm Vajtswv txoj kev hlub? Tej zaum muaj tej lub suab hauv nej tej kev xav uas ua rau yus poob siab los sis nyob tsaus ntuj nti, tej kev xav phem no qhia yus tias yus raug sab ntau dhau, ntxhov siab ntau dhau, tsis muaj zog tsis muaj leej twg nyiam yus ntau dhau, txawv heev ntau dhau lub ntuj ceeb tsheej yuav hlub yus. Yog tias nej hnov tej tswv yim zoo li ntawd, thov mloog qhov no: tej suab no hais tsis yog tiag. Peb paub hais tias qhov uas yus tawg ntais rhe tsis ua rau peb tsis tsim nyog txais kev hlub los saum ntuj los—Txhua lub sij hawm uas peb hu zaj nkauj uas pab peb nco txog qhov uas peb tus Cawm Seej xaiv kom “raug doog ntshav, lov, [thiab] ntuag theej peb,” txhua lub sij hawm uas peb noj cov mov mog. Yexus tshem qhov txaj muag tawm ntawm cov uas lov lawm. Dhau ntawm qhov uas Nws lov lawm, Nws rais los mus ua neeg zoo tag nrho, thiab Nws ua tau rau peb zoo tag nrho txawm tias peb kuj lov lawm thiab. Txawm tias Yexus raug lov, nyob Nws ib leeg, raug ntuag, thiab raug doog ntshav, los—thiab tej zaum peb xav tias peb zoo li ntawd thiab—tiam sis peb tsis raug cais tawm ntawm Vajtswv txoj kev hlub. “Tib neeg lov lawm; kev hlub zoo tag nrho,” ib yam li zaj nkauj hais.

Tej zaum nej paub ib yam txog nej tus kheej uas ua rau nej xav tias tsis muaj leej twg hlub nej. Txawm tias nej paub li ntawd txog nej tus kheej los, nej yuam kev xav hais tias Vajtswv yuav tsis hlub nej. Qee zaum peb tsim txom thiab coj siab tsis ntev rau peb tus kheej ntau heev, yeej tsis ua li ntawd rau lwm tus neeg. Yeej muaj ntau yam rau peb ua hauv lub neej no, tiam sis qhov uas saib tsis tau yus tus kheej los sis rau txim rau yus tus kheej tsis yog. Txawm tias peb xav tias peb tsis zoo npaum li cas los, Nws ob txhais caj npab tsis luv. Tsis yog. Nws ob txhais caj npab yeej ntev txaus “[ncav] kom tau peb” thiab khawm peb txhua tus.

Thaum peb tsis hnov txoj kev hlub los saum ntuj los, txoj kev hlub ntawd tsis tau ploj mus. Vajtswv cov lus hais tias “tej zaum cov hauv roob thiab pov roob yuav tawg mus, tiam sis [Nws] txoj kev uas hlub [peb] yuav tsis paub kawg li.” Yog li ntawd, hais meej meej hais tias, qhov uas xav hais tias Vajtswv tsis hlub peb yuav tsum tsis txhob xav li ntawd ntxiv mus txog thaum tej roob tawg mus thiab tej pov roob ploj mus!

Kuv nyiam qhov uas Vajtswv piv Nws txoj kev hlub rau tej roob hauv pes. Qhov piv txwv txog cov roob no yeej zoo li tej zaj hais txog lawv cov uas mus pem roob txais kev tshwm sim thiab Yaxayas hais txog “lub roob ntawm tus Tswv lub tsev” yuav raug “ tsa rau saum tej ncov roob.” Tus Tswv lub tsev yog qhov chaw uas peb khi peb tej kev khi lus muaj nqis tshaj plaws thiab ib qho chaw so thiab pom tej puav pheej hais tias peb Leej Txiv hlub peb tiag. Kuv kuj nyiam thaum kuv ua raws li kuv txoj kev khi lus uas kuv khi thaum ua kev cai raus dej thiab nrhiav tau ib tug neeg uas poob siab thiab kuv sim pab nplij lawv lub siab. Ua li no puas yog tej yam peb ua tau kom thiaj nyob hauv txoj kev hlub, hesed, uas los ntawm txoj kev nrog Vajtswv sib khi lus?

Yog li ntawd yog tias Vajtswv txoj kev hlub tsis ploj mus, yog vim li cas peb tsis hnov txhua lub sij hawm? Hais tseeb tseeb: kuv tsis paub tiag. Tiam sis qhov uas Vajtswv hlub nej tiag tsis zoo ib yam li qhov uas nej hnov tau qhov kev hlub ntawd, thiab kuv muaj ob peb qhov kev xav uas tej zaum yuav pab nej thaum nej sim teb lo lus noog ntawd.

Tej zaum nej tu siab, poob siab, muaj leej twg ntxeev siab rau nej, kho siab, nyiaj siab, los sis raug lwm yam uas ua rau nej tsis tshua hnov tau Vajtswv txoj kev hlub rau nej. Yog tias muaj li ntawd, tej no kuj ua tau rau peb hnov tsis tau zoo npaum li yog tias tsis muaj tej no. Rau ib ntu, tej zaum nej yuav hnov tsis tau Nws txoj kev hlub thiab qhov uas nej twb paub tias Nws hlub nej yuav pab nej. Tiam sis kuv thov kom nej sim ib qho—ua siab ntev sim—ua ob peb yam sib txawm hnov thiab txais txoj kev hlub los saum ntuj los? Nej puas kam tshais ib ruam mus nram qab me ntsis thiab ib ruam ntxiv thiab ib ruam ntxiv mus txog thaum nej “xav txog lub ntuj xilethi-aus” vim nej saib cov hnub qub thiab nco qab txog tej ntiaj teb suav tsis txheeb thiab tus uas Tsim cov ntiaj teb ntawd txhua lub?

Mloog cov noog quaj, hnov qhov tshav ntuj los sis cov cua los sis cov nag rau kuv daim tawv nqaij, thiab lwm yam nraum zoov yeej ua rau kuv qhuas Vajtswv—txhua yam no pab kuv ncav kom tau lub ntuj ceeb tsheej. Tej zaum nej muaj ib co phooj ywg uas yuav pab nplij nej lub siab? Tej zaum cov nkauj zoo yuav pab? Los sis mus pab lwm tus neeg? Nej puas tau sau tseg rau hauv ntawd saib thaum twg nej nyob ze dua Vajtswv thiab thaum ntawd zoo li cas? Tej zaum nej yuav nrog lwm tus neeg tham tau saib lawv nyob ze dua Vajtswv li cas thaum nej nrhiav kom tau kev pab thiab kev to taub?

Yog tias Yexus yuav xaiv ib qho chaw uas nej thiab Nws yuav sib ntsib, ib qho chaw uas nej yuav tsom ntsoov tau Nws, puas yog Nws yuav xaiv qhov chaw uas nej raug txom nyem, qhov chaw uas nej xav tau kev pab ntau tshaj, es lwm tus neeg mus tsis tau? Ib qho chaw uas nej nyob nej ib leeg xwb tiam sis tsis nyob ib leeg xwb tiag, ib qho chaw uas twb yog Yexus nkaus xwb tau mus xyuas lawm thiab uas Nws npaj ntsib nej thaum nej mus txog. Yog tias nej tos ntsoov Nws los, tej zaum Nws twb nyob ntawd thiab nej ncav rau Nws?

Yog tias nej hnov tsis tau txoj kev hlub no lub sij hawm no hauv nej lub neej, thov sim tuav txoj kev hlub no ib yam li ib lub yab tshaus tuav dej. Cia li ua kom txoj kev hlub no txaws mus txhua qhov txhia chaw. Ib qho txuj ci tseem ceeb yog thaum peb sim muab Yexus txoj kev hlub pub rau lwm tus neeg, peb pom tau tias peb yuav txais txoj kev hlub ntawd puv npo raws li txoj ntsiab cai hais tias “Tus uas tsis khuv xim nws txoj sia, vim nws ntseeg kuv, tus ntawd yuav tau txoj sia.”

Txais Vajtswv txoj kev hlub puv npo tiv thaiv peb tawm ntawm lub neej no tej cua daj cua dub thiab ua li ntawd ua rau tej lub sij hawm haj yam zoo siab dua tuaj—tej hnub uas muaj kev xyiv fab, thiab lub ntuj tshav ntuj nrig thiab peb lub siab puv npo muaj kev tshav ntuj nrig thiab.

Cia peb “cog” peb tus kheej rau hauv Yexus thiab Nws txoj kev hlub. Cia peb nrhiav kom tau thiab saib rau nqi tej yam uas muaj los rau peb thiab qhia peb txog Nws txoj kev hlub thiab lub hwj chim hauv peb lub neej. Txoj moo zoo txoj kev xyiv fab yeej muaj rau txhua tus: tsis yog cov zoo siab, cov poob siab xwb. Kev xyiv fab yog peb lub hom phiaj, tsis yog lub txiaj ntsim uas los ntawm saib peb lub neej zoo li cas. Yeej tsim nyog uas peb “muaj kev hlub puv npo rau Vajtswv thiab tib neeg txhua tus.” Cia peb txais qhov ntawd puv npo. Los ntawm Yexus Khetos lub npe, amees.