O, ang Pag-ibig ni Cristo

1. O, ang pag-ibig ni Cristo—

Tulad ng karagatan—

’Di masukat at kaylalim

At walang katapusan!

At sa aki’y bumabalot

Ang pag-ibig N’yang sakdal,

At pumapatnubay tungong

Pahingahan N’yang banal.

2. O, ang pag-ibig ni Cristo—

Saanman S’ya’y sambahin!

Kanyang awa’t kabutihan

Ay ipagpitagan din.

Namatay, namamagitan

Nang tayo’y maging Kanya.

At mula sa kalangitan

Ay nakasubaybay S’ya.

3. O, ang pag-ibig ni Cristo—

Kaydalisay, kaywagas—

S’ya’ng bukal ng pagpapala

At kanlungang kayligtas.

O, ang pag-ibig ni Cristo—

Langit ’pinararamdam

At sa aki’y umaakay

Tungong kawalang-hanggan.