Bawat Hakbang May Pananalig

1. Gawaing sadyang kagila‑gilalas

Nagaganap na sa wakas.

O mga naglilingkod sa ating D’yos,

Ialay ang puso’t lakas.

Nangusap ang mga propeta’t anghel;

Mundo’y inihanda

Sa paghahari ng D’yos Anak

At pagpapala N’ya.

2. Ang mga Banal kagila‑gilalas;

Gawaing ito’y tinanggap.

Ang puso’t isipa’y inukol nila

Sa Panginoon nang ganap.

Sila ay huwaran ng kaalaman,

Pagpapakumbaba,

Kadalisaya’t pagmamahal

Sa D’yos at sa iba.

3. Kung nais isulong gawaing ito

At nais tumulong sa D’yos,

At kung sa mundo’y ating ihahayag

Ebanghelyo N’ya nang taos,

Mga kalul’wa nati’y maliligtas,

Sa sala’y lalaya.

Mamamasdan natin nang lubos

Kal’walhatian N’ya.