Kanyang Mahal ang Maya

1. Bakit pa manlulumo?

Bakit malulumbay?

Bakit mababahala

Kung sa ’ki’y aakay

Si Cristong kabahagi?

Kaibigan S’yang t’wina.

Kanyang mahal ang maya,

At ako’y mahal din N’ya;

Kanyang mahal ang maya,

At ako’y mahal din N’ya.

2. “Puso’y h’wag mabagabag”

Ang sambit N’ya sa ’kin.

Sa Kanyang kabutihan,

Takot ay ’di pansin.

Landas ma’y ’di makita,

Patnubay ko ay S’ya.

Kanyang mahal ang maya,

At ako’y mahal din N’ya;

Kanyang mahal ang maya,

At ako’y mahal din N’ya.

3. T’wing ang tukso’y malapit,

T’wing lungkot ay dama,

’Pag hinagpis ay labis

At pag-asa’y wala,

Kay Cristo ay lalapit

Nang ’di mag-alala.

Kanyang mahal ang maya,

At ako’y mahal din N’ya;

Kanyang mahal ang maya,

At ako’y mahal din N’ya.