O Bukal ng Pagpapala

1. O Bukal ng pagpapala,

Sa ’king puso’y umagos.

Batis ng awa’t biyaya

Pupurihin nang taos.

O, nawa ako’y turuan

Ng dalisay na himig.

Papurihan ang Saligang

Pantubos ay pag-ibig.

2. Ebenezer, ang sagisag,

Alay sa pagtulong N’yo.

Iligtas sa pagkabihag

Ang ligaw na puso ko.

Si Jesus, Pastol ng kawan,

Na sa aki’y humanap,

S’ya’ng saklolo at sandigan;

Pagtubos N’ya’y kayganap.

3. Ang sakdal Ninyong biyaya

’Di ko matutumbasan!

Bigkisin sa Inyong awa

Pusong makasalanan.

Kung sakali mang lisanin

Ang minamahal kong D’yos,

Puso ko’y Inyong sakupin,

Tanggapin Ninyong lubos.