Ang Tinig Niya ay Himig

1. Ang tinig N’ya ay himig na kaylugod,

Dinig sa’n ka man naroon.

Sa paanan N’ya ay nagsisiluhod

Mga sedar ng Lebanon.

Hardin ng biyaya’y dinidiligang

Lubos ng Kanyang salita.

At makikilala ng sanlibutan

Kung sa’n kaligtasa’y mula.

2. ’Di mailarawan maging sa tula

Kanyang kabutihang taglay.

Liwanag ng awa N’ya ay kayganda

At tila bukang‑liwayway,

Natatanglawan ang mga nilikha.

Pagmamahal N’ya’y kaylawak.

Ngiti N’ya’y sa langit nagpapasigla,

Sa lupa nagpapagalak.

3. Ang mga anghel sadyang nagbubunyi,

Hudyat N’ya’y inaabangan.

Ang sandaigdigan ay nagpupuri

Kay Cristo magpakailanman.

O aking Pastol, tawag N’yo’y susundin;

Ang tinig N’yo’y kilala ko.

O, palakasin at ako’y kanlungin;

Ang aking galak ay Kayo.