Halina at Dinggin si Cristo

1. Halina at dinggin si Cristo

At pahayag N’ya sa atin.

Muli ay nagbukas ang langit;

Umawit at S’ya’y sambahin!

2. Tayo’y ililigtas ni Cristo;

Kadilima’y madaraig.

Lahat ng bagay titipunin;

Katotohana’y lalawig.

3. Paparating ang Manunubos;

O, sinong mananatili?

Mananaig ang katarungan

’Pag sa mundo S’ya’y naghari.

4. Mga bundok ay magdiriwang;

Hatid N’ya’y kapayapaan!

Walang hanggan banal N’yang turo.

L’walhati sa Kanyang ngalan!