Mga Sugilanon sa Balaan nga mga Kasulatan
Ang “Freeze” (Pagdumili) sa Ghana

“Ang “Freeze” (Pagadumili) sa Ghana,” Mga Sugilanon sa Doktrina kag mga Kasugtanan (2024)

“Ang “Freeze” (Pagdumili) sa Ghana,” Mga Sugilanon sa Doktrina kag mga Kasugtanan

Hunyo 1989–Nobyembre 1990

Ang “Freeze” (Pagdumili) sa Ghana

Pagpabilin nga nagatuo samtang indi makatipon ang mga Santos

Si Alice Johnson kag Hetty Brimah nga nagapakigbahin sang ebanghelyo sa Koforidua, Ghana.

Si Alice Johnson isa ka misyonero nga nagaserbe sa iya dutang natawhan, ang Ghana. Nanamian sia nga maghatag sang iya testimonya parte kay Jesucristo kag magbulig sa pagtubo sang Simbahan.

Saints, 4:416–17

Si Alice kag Hetty sang pagkahibalo nga indi na sila pwede magpakigbahin sang ebanghelyo.

Isa ka adlaw, nakabaton si Alice sang masubo nga balita. Naghambal ang gobyerno sang Ghana nga dulaon na ang mga miting sang Simbahan. Indi na pwede magtudlo ang mga misyonero.

Saints, 4:417

Mga pulis sa gwa sang gintrangkahan nga bilding sang Simbahan.

Ginpahalin sang mga pulis ang mga misyonero sa ila mga apartment kag ginkuha ang ila mga bisikleta. Ang iban nga miyembro sang Simbahan ginpangpriso. Ginpangtrangkahan sang mga soldado ang mga bilding sang Simbahan kag indi na magpasulod sang bisan sin-o. Gintawag ini sang mga tawo nga “the freeze (ang pagdumili).”

Saints, 4:417–18

Si Alice nga naghalin para mag-estar sa balay sang isa ka abyan.

Kinahanglan sang mga misyonero nga magpauli. Naglakat si Alice sa lain nga banwa para mag-estar sa iya abyan. Nabalaka sia nga indi na niya mahuman ang iya misyon.

Saints, 4:418

Ang mga Santos sang Ghana.

Ang mga Santos sang Ghana naligban, nasuboan, kag nahadlok. Namangkot sila kon ano ang ginhimo nila nga sala. Makabalik pa ayhan sila sa pagsimba?

Saints, 4:418

Mga Santos nga nagahiwat sang sakramento sa balay.

Bisan pa nga indi sila makatipon sa ila mga ward, palangga gihapon sang mga Santos ang Ginuo kag gusto nila nga simbahon Sia. Naghiwat sila sang sakramento nga mga miting sa ila mga balay. Ang mga miyembro sang pamilya nga may priesthood nagbendisyon sang tinapay kag tubig kag ginpanagtag ini sa bilog nga pamilya.

Doktrina kag mga Kasugtanan 6:32; Saints, 4:419

Mga Santos nga nagapakigbahin sang ebanghelyo sa balay.

Sa sunod-sunod nga binulan, nagpadayon ang freeze. Nagakanta ang mga Santos sang mga himno kag ginatudloan ang kada isa sang ebanghelyo sa ila mga panimalay. Ginabisitahan nila ang kada isa para padayon nga pabakuron ang ila pagtuo. Ginpain nila ang ila ikapulo para ibayad kon makabalik na sila sa simbahan. Nagpangamuyo sila kag nagpuasa para matapos na ang freeze.

Saints, 4:436–37

Si Alice nga ginaimbitar nga magserbe liwat sa misyon.

Sang ulihi, pagligad sang 18 ka bulan, nagdesisyon ang gobyerno nga pwede na liwat makahiwat sang mga miting ang Simbahan. Nagpangabay ang bag-o nga mission president nga istoryahon si Alice, nga nagaeskwela na karon sa kolehiyo. “Gusto mo magbalik kag magserbe sa misyon pagkatapos nimo eskwela?” pamangkot niya. “Indi,” siling niya. “Gusto ko magserbisyo subong!”

Saints, 4:437–39

Ang mga Santos sang Ghana nga nagasimba.

Malipayon gid kaayo si Alice kag ang iban nga mga Santos nga makasimba na sila liwat! Sang primero nga Domingo pagkatapos sang freeze, naglawig sang duha ka oras ang sakramento nga miting kay kadamo kaayo sang gusto maghatag sang ila mga testimonya. Gin-istorya nila sa kada isa kon paano sila ginbugayan sang Ginuo kag ginbuligan nga magpabilin nga mabakod ang ila pagtuo.

Doktrina kag mga Kasugtanan 20:75; Saints, 4:438