Mga Sugilanon sa Balaan nga mga Kasulatan

Si Parley kag Thankful Pratt

“Si Parley kag Thankful Pratt,” Mga Sugilanon sa Doktrina kag mga Kasugtanan (2024)

“Si Parley kag Thankful Pratt,” Mga Sugilanon sa Doktrina kag mga Kasugtanan

Agosto–Septyembre 1830

Si Parley kag Thankful Pratt

Pagtuo para sundon ang Espiritu

Si Parley kag Thankful Pratt mga mangunguma sa Ohio. Isa ka adlaw, nabatyagan ni Parley ang Espiritu nga nagahambal sa iya nga bayaan ang iya puluy-an para magtudlo sa mga tawo parte sa Biblia.

Saints, 1:92

Si Parley kag Thankful Pratt nga nagahalin para magtudlo parte sa Biblia.

Ginbaligya ni Parley kag Thankful Pratt ang ila uma. Wala sila kabalo kon diin sila makadto, pero may pagsalig sila nga bugayan sila sang Dios tungod sang ila pagserbisyo sa Iya.

Saints, 1:92

Si Parley nga nagapanaog sa barko sa New York.

Nagdala sang pila ka bayo kag kuwarta si Parley kag Thankful kag nagsakay sa barko. Sang nagabiyahe sila sa New York, ginhambalan si Parley sang Espiritu nga manaog sa barko. Ginhambalan ni Parley si Thankful nga magpadayon sa biyahe nga wala sia. Nagpromisa sia nga mabalik lang sia dayon. Nabatyagan niya nga may gusto ipahimo sa iya ang Dios sa New York.

Saints, 1:92

Si Parley nga nagatuon parte sa Libro ni Mormon.

Malayo ang ginlakat ni Parley. Sang ulihi nakalab-ot sia sa balay sang manugwali sang ebanghelyo. Ginsugiran si Parley sang manugwali parte sa pinasahi nga libro nga ginhatag sa iya. Halin ini kuno sa bulawan nga mga lamina kag madugay na kaayo nga ginsulat. Ginatawag ini nga Libro ni Mormon. Gin-translate ini sang isa ka pamatan-on sa New York gamit ang gahum sang Dios.

Saints, 1:92

Si Parley nga nagabaton sang testimonya parte sa Libro ni Mormon.

Nagka-interes si Parley. Ginpakita sang manugwali kay Parley ang libro. Kay ginalangkag, ginbuksan ini ni Parley kag ginsugdan basa. Inoras na ang nagligad, pero indi niya ini mauntatan basa, bisan gani magkaon ukon matulog. Ginhambalan sia sang Espiritu sang Ginuo nga matuod ini.

Saints, 1:92–93

Si Parley kag Hyrum Smith nga nagaistoryahanay parte sa Libro ni Mormon.

Nanamian gid si Parley sang Libro ni Mormon, kag gusto niya makita ang tawo nga nag-translate sini. Naglakat sia padulong sa uma sang pamilya Smith, kon diin nakilala niya si Hyrum, nga utod ni Joseph. Bilog sila nga gab-i nga nag-istoryahanay. Ginhambalan ni Hyrum si Parley nga ang Libro ni Mormon matuod. Ginhatag niya kay Parley ang iya mismo nga kopya sang libro.

Saints, 1:93

Si Parley nga padayon nga ginabasa ang Libro ni Mormon.

Sa pagpadayon niya basa, natun-an ni Parley nga ginbisitahan ni Jesucristo ang mga tawo sa mga kadutaan sang Amerika sang madugay na nga panahon. Nakita ni Parley nga ang bili sang Libro ni Mormon masobra pa sangsa tanan nga manggad sang kalibutan. Indi na sia makahulat nga magbalik kay Thankful kag iistorya sa iya ang iya natun-an.

Saints, 1:93; 3 Nefi 11:1–12

Si Parley nga nagapakigbahin sang Libro ni Mormon kay Thankful kag sa iya pamilya.

Gin-istorya ni Parley kay Thankful kag sa iban pa nga miyembro sang iya pamilya ang parte sa Libro ni Mormon. Ginsugid niya kon ano ang ginatudlo sini parte kay Jesucristo. Nalipay si Thankful nga ginsunod ni Parley ang Espiritu kag nakita ang buluhaton nga gusto ipahimo sa iya sang Dios. Pareho kay Parley, natun-an man ni Thankful sa iya kaugalingon nga ang Libro ni Mormon matuod.

Saints, 1:98–99