Mga Sugilanon sa Balaan nga mga Kasulatan

Misyon Pakadto sa Tumandok nga mga Taga-Amerika

“Misyon Pakadto sa Tumandok nga mga Taga-Amerika,” Mga Sugilanon sa Doktrina kag mga Kasugtanan (2024)

“Misyon Pakadto sa Tumandok nga mga Taga-Amerika,” Mga Sugilanon sa Doktrina kag mga Kasugtanan

Oktubre 1830–Enero 1831

Misyon Pakadto sa Tumandok nga mga Taga-Amerika

Namati ang mga Indian sa Delaware sa ebanghelyo

Si Parley Pratt, Oliver Cowdery, kag iban pa nga misyonero nga nagabisita sa balay sang isa ka Indian sa Delaware.

Wala madugayi pagkatapos nga mabunyagan si Parley Pratt, gintawag sia sang Ginuo para updan si Oliver Cowdery kag ang iban pa sa misyon. Gusto Niya nga iwali ang ebanghelyo sa Tumandok nga Taga-Amerika. Nagbiyahe ang mga misyonero sang pila ka semana sa madalom nga snow. Sang ulihi, nakilala nila si Kikthawenund, ang pinuno sang mga Indian sa Delaware.

Doktrina kag mga Kasugtanan 28:14; 30:5–6; 32; Saints, 1:98, 115

Si Oliver kag Parley nga nagapakigbahin sang mensahe sang Libro ni Mormon.

Mabuot ang pinuno sa mga misyonero. Ginhagad niya ang iya mga abyan nga mamati sa ila mensahe. Ginhambal ni Oliver nga malayo ang ginbiyahe nila ni Parley para dalhan sila sang Libro ni Mormon. Nagaistorya ini parte sa katawhan nga nag-istar sang una nga panahon sa kadutaan sang Amerika. Gusto sang Dios nga ipakigbahin ang libro para mabal-an sang tanan ang parte kay Jesucristo.

Saints, 1:115–16

Si Oliver nga nagahatag sang kopya sang Libro ni Mormon kay Kikthawenund.

Ginhatagan ni Oliver si Kikthawenund sang kopya sang Libro ni Mormon. Nagpasalamat sia kay Oliver kag sa iya mga amigo nga naghalin pa sa malayo para itudlo ini sa iya katawhan. Ginhambalan niya si Oliver kag Parley nga magbalik liwat para basahan sila kag tudloan pa gid parte sa Libro ni Mormon.

Saints, 1:116–17