Rebelasyon para kay Emma

Pinili sang Ginuo para Maghimo sang Iya buluhaton

Madasig nga nagliwat ang kabuhi para kay Emma kag Joseph. Ginhambalan sang Ginuo si Joseph nga dapat indi na sia magtutok sa panguma. Kundi, dapat itutok ni Joseph ang iya oras sa pagtudlo sa mga tawo parte kay Jesucristo kag pagbulig sa Simbahan sang Ginuo nga magtubo.

Doktrina kag mga Kasugtanan 24:7–9; Saints, 1:96

Si Emma nga nagatamwa sa bintana samtang nagalakat si Joseph.

Kadamo sang pamangkot ni Emma parte sa sining pagbag-o. Indi niya mabal-an kon ano ang dapat niya himuon samtang nagaserbisyo si Joseph sa Ginuo. Dapat man bala sia magbulig sa Ginuo kag sa Iya Simbahan?

Saints, 1:96

Naghambal ang Ginuo kay Emma paagi sa rebelasyon nga ginhatag kay Joseph. Gintawag niya si “Emma Smith, anak ko.” Siling Niya kay Emma nga Iya sia ginpili kag gintawag sa paghimo sang Iya buluhaton. Espesyal sia nga babayi, kag may dalagko nga butang Sia nga ipabuhat sa iya.

Doktrina kag mga Kasugtanan 25:1–3

Si Emma nga nagapakigbahin sang ebanghelyo.

Ginpangabay sang Ginuo si Emma nga magbiyahe upod kay Joseph. Siling sang Ginuo nga ipaathag ni Emma ang balaan nga kasulatan kag magtudlo sa mga miyembro sang Simbahan. Ginhambalan Niya si Emma nga unahon Sia sa iya kabuhi kag tumanon ang iya mga kasugtanan. Ginpromisahan Niya si Emma nga mabaton niya ang Iya Espiritu. Gusto Niya nga magtuon sia, magtubo, kag magbaton sang Iya mga bugay.

Doktrina kag mga Kasugtanan 25:2, 6–10, 15

Si Emma nga nagapamuno sang himno sa miting sa Simbahan.

Ginhambalan man sang Ginuo si Emma nga nanamian Sia nga mamati sa Iya mga anak nga nagakanta. Siling Niya nga ang mga kanta sang Iya mga Santos daw pangamuyo para sa Iya. Ginsugo Niya si Emma nga maghimo sang libro sang mga himno nga pwede kantahon sang mga Santos. Nakakita si Emma sang madamo nga manami nga mga kanta parte sa Ginuo kag sa Iya ebanghelyo kag ginbutang sila sa libro sang mga himno.

Doktrina kag mga Kasugtanan 25:11–12; Saints, 1:221–22

Si Emma kag Joseph nga nagababay sa mga kasilingan.

Padayon nga nagbag-o ang kabuhi ni Emma kag Joseph, pero nabal-an ni Emma nga palangga sia sang Ginuo kag may katuyuan para sa iya. Nagserbisyo sia sa Ginuo kag sa mga tawo sa iya palibot. Ginbuligan niya nga magdako ang Simbahan ni Jesus.

Doktrina kag mga Kasugtanan 25:13–15; Saints, 1:221–23