Mga Sugilanon sa Balaan nga mga Kasulatan
Ginsulong si Joseph kag Sidney

“Ginsulong si Joseph kag Sidney,” Mga Sugilanon sa Doktrina kag mga Kasugtanan (2024)

“Ginsulong si Joseph kag Sidney,” Mga Sugilanon sa Doktrina kag mga Kasugtanan

Pebrero 1832

Ginsulong si Joseph kag Sidney

Gintilawan nga punggan sang akig nga mga tawo ang buluhaton sang propeta sang Dios

Akig nga mga tawo nga nagaistoryahanay malapit sa dabok.

May mga tawo nga nanamian sang ginatudlo ni Joseph Smith parte sa Amay nga Langitnon, kay Jesucristo, kag langit. Pero wala manamii ang iban nga tawo sang iya ginatudlo. Ang iban sa ila nangakig kag gusto nga pauntaton si Joseph sa pagtudlo.

Doktrina kag mga Kasugtanan 76; Saints, 1:149–50

Si Emma kag Joseph Smith nga nagaatipan sang ila nagamasakit nga bata.

Isa ka gab-i, nagpulaw si Joseph para buligan si Emma nga atipanon ang isa sa kapid nga adoptiba nila nga bata. Malubha ang masakit sang bata.

Saints, 1:150

Si Emma nga ginaatipan ang mga bata samtang nagakatulog si Joseph.

Ginkuha ni Emma ang bata kag ginhambalan si Joseph nga magpahuway. Kinahanglan niya magwali pagkaaga. Sang ulihi, nakatulog gid man si Joseph kag Emma.

Saints, 1:150

Mga lalaki nga ginaguyod si Joseph pagwa sa balay.

Gulpi lang, nagbukas ang puwertahan, kag isa ka grupo sang akig nga mga lalaki ang nagsulod sa kuwarto. Nagsinggit si Emma samtang gindakop sang mga lalaki si Joseph sa kamot, tiil, kag sa buhok. Ginsagnoy nila sia pagwa sa balay.

Saints, 1:150–51

Mga lalaki nga ginaguyod si Joseph samtang nagahayang si Sidney Rigdon sa duta.

Nanginpadlos si Joseph para makabuhi sa mga lalaki, pero hugot nila sia nga ginkaptan. Nakita ni Joseph nga ginsagnoy man sang mga lalaki ang iya abyan nga si Sidney Rigdon halin sa iya balay.

Saints, 1:151

Mga lalaki nga ginabulit si Joseph sang alkitran kag mga balahibo.

Gingisi sang mga lalaki ang bayo ni Joseph kag gin-ulaan sang mainit kag mapilit nga alkitran ang iya lawas kag buhok. Dayon ginbutangan sia sang mga balahibo kag nagpinalagyo.

Saints, 1:152

Si Emma kag ang iya mga abyan nga ginaatipan si Joseph kag Sidney.

Sang makahalin na ang mga tawo, nagsulod balik si Joseph sa ila balay. Ginkulbaan si Emma sang makita niya si Joseph. Nabatian sang mga abyan nila nga nagaestar sa palibot ang natabo kag nagdali-dali sila kadto para magbulig. Ginkuha ni Emma ang alkitran sa panit ni Joseph. Bilog nga gab-i, gin-atipan ni Emma kag sang iya mga abyan si Joseph kag Sidney.

Doktrina kag mga Kasugtanan 25:5; Saints, 1:153

Si Joseph nga nagatudlo sa grupo sang mga Santos.

Pagkadason nga adlaw, nagaantos gihapon si Joseph sa sakit. Pero nag-ilis sia kag nagtudlo sa isa ka grupo sang mga tawo parte kay Jesucristo. Ang iban sa mga lalaki nga nagsulong sa iya namati sa iya nga magtudlo. Pagkahapon sina nga adlaw, ginbunyagan ni Joseph ang tatlo ka tawo. Padayon niya nga ginhimo ang buluhaton sang Ginuo, bisan pa nga ginatinguhaan sang mga tawo nga punggan sia.

Doktrina kag mga Kasugtanan 24:8; Saints, 1:153