Pagtukod sang Nauvoo

Ginhambalan sang Ginuo ang mga Santos nga magtipon sa bag-o nga lugar. Malapit ini sa dako nga suba nga ginatawag Mississippi. Basa kag lutakon ang lugar. Para sa iban, daw indi ini manami nga lugar para patindugan sang siyudad. Pero kabalo si Propetang Joseph Smith nga sa bulig sa Ginuo, masarangan nila ini nga patahumon.

Doktrina kag mga Kasugtanan 124:25; Saints, 1:417

Nagsugod ang mga Santos sa pagpangabudlay para himuon ang lugar nga maayo estaran. Gintawag ni Propetang Joseph ang banwa nga Nauvoo, nga buot silingon “matahum nga lugar.”

Saints, 1:417

Ginsugo sang Ginuo ang mga Santos nga magpatindog sang balay sa Nauvoo kon diin makatiner kag makapahuway ang mga nagabiyahe. Gusto Niya nga ang Nauvoo mangin lugar kon diin ginaabi-abi ang tanan.

Doktrina kag mga Kasugtanan 124:22–24, 60; Saints, 1:426

Ginhambalan sang Ginuo si Propetang Joseph nga may dalagko Sia nga plano para sa Nauvoo. Gusto Niya nga magtipon ang Iya mga Santos diri para magpatindog sang templo. Ginhambalan Niya sila nga kay-uhon gid nila sa pagpahimo ang Iya balay. Nagsugod dayon ang mga Santos sa pagtrabaho.

Doktrina kag mga Kasugtanan 124:25–28, 44, 55; Saints, 1:420–21, 425–27

Gusto sang Ginuo nga magpatindog ang mga Santos sang templo tungod may dalagko Sia nga bugay nga ihatag sa ila. Sa sulod sang templo, magahimo sila sang mga kasugtanan, ukon espesyal nga mga promisa, upod sa Ginuo. Magatuon man sila parte sa plano sang kaluwasan sang Amay nga Langitnon para sa tanan Niya nga kabataan.

Doktrina kag mga Kasugtanan 124:29–41; Saints, 1:453–55

Ginpangabudlayan gid sang mga Santos ang pagpatindog sang templo, pareho sa ginsugo sang Ginuo. Madugay ini natapos, pero malipayon sila sa pag-abot sang adlaw nga matun-an nila ang espesyal nga mga promisa sang Ginuo para sa ila sa Iya templo.

Saints, 1:453–55