“Nangayo si Parley sang Kapatawaran,” Mga Sugilanon sa Doktrina kag mga Kasugtanan (2024)
“Nangayo si Parley sang Kapatawaran,” Mga Sugilanon sa Doktrina kag mga Kasugtanan
Enero–Hulyo 1837
Nangayo si Parley sang Kapatawaran
Ang testimonya sang isa ka abyan nagpabakod sang iya pagtuo
Sang tiyempo na nga matawo ang bata ni Thankful kag Parley Pratt, nagpauli sila halin sa ila misyon sa Canada. Nagbata sila sang mapagros nga bata nga lalaki pareho sang ginpromisa sang Ginuo sa ila.
Saints, 1:270
Ang masubo, napatay si Thankful pila lang ka oras pagkatapos niya nga magbata. Kahibalo si Parley nga indi niya masarangan nga atipanon ang bata nga waay sia. Ginpangabay niya ang isa ka babayi sa Kirtland nga atipanon ang bata kay mabalik sia sa Canada para tapuson ang iya misyon.
Saints, 1:270
Sa Kirtland, nagbukas si Joseph Smith sang bangko para magtipon sang kuwarta para sa buluhaton sang Dios. Ginhambalan niya ang mga tawo nga ipagamit sa bangko ang ila kuwarta para makahulam ang iban. Pero, sa madamo nga rason, ang bangko waay sang bastante nga kuwarta kag kinahanglan magsira. Ang iban nga mga bangko sa Estados Unidos nagaproblema man.
Saints, 1:260–61, 264–68
Nangin mabudlay ang pangabuhi sang mga Santos. Ang iban nawad-an sang obra kag kulang na ang kuwarta para ibakal sang pagkaon ukon bayo. Ang iban nga mga tawo nangakig kay Joseph, bisan pa gani ang iban niya nga mga amigo. Ginapensar nila nga indi matuod nga propeta si Joseph tungod naputo ang bangko.
Saints, 1:264–68, 272–275
Samtang nagakatabo ini, nagpauli si Parley halin sa iya misyon. Nangin mabudlay man ang kabuhi ni Parley tungod sa mga problema sa bangko. Kulang na ang iya kuwarta para ibayad para sa iya balay, kag waay na sia sang maestaran.
Saints, 1:270–71
Karon akig naman si Parley kay Joseph. Ginsulatan niya si Joseph. Ginhambal niya kay Joseph nga nagapati sia gihapon sa Libro ni Mormon. Pero naghambal man sia sang masakit nga mga tinaga parte sa Propeta. Ginhambalan niya si Joseph nga sala gid sia nga nagbukas sia sang bangko.
Saints, 1:271
Sang ulihi, ang iban nga abyan ni Parley sa Canada nagkadto sa Kirtland. Gintudloan sila ni Parley sang ebanghelyo, kag malipayon sila nga makita sia liwat.
Saints, 1:279–80
Pero nakibot man sila nga si Parley kag ang madamo nga iban pa nawad-an sang pagtuo nga si Joseph Smith isa ka propeta.
Saints, 1:279–80
Isa sa mga abyan ni Parley sa Canada amo si John Taylor. Sang makita sia ni Parley, ginhambal niya kay John nga akig gid sia katama kay Joseph Smith. Ginhambalan niya si John nga indi na magsunod kay Joseph.
Saints, 1:280
Ginpadumdom ni John si Parley nga sang ara sila sa Canada, nakigbahin si Parley sang iya testimonya nga si Joseph Smith matuod nga propeta. “Amo man sina ang testimonya ko karon,” siling ni John. “Kon ang buluhaton insakto anom ka bulan ang nagligad, insakto man ini karon. Kon si Joseph Smith isa ka propeta sadto, isa man sia ka propeta karon.”
Saints, 1:280
Kahibalo si Parley nga husto ang iya abyan nga si John. Ginhinulsulan niya ang akig niya nga sulat kay Joseph. Kahibalo sia nga ginatinguhaan ni Joseph nga himuon ang iya masarangan para obrahon ang ulobrahon sang Ginuo. Ang mga problema sa bangko wala nagakahulugan nga si Joseph indi na matuod nga propeta ni Jesucristo.
Saints, 1:283
Nagkadto si Parley sa balay ni Joseph. Nagpangayo sia pasaylo kay Joseph sa masakit niya nga ginpanghambal. Ginpatawad ni Joseph si Parley, ginpangamuyoan, kag ginbendisyunan. Nagserbisyo si Parley sa madamo pa gid nga misyon kag ginhambal sa mga tawo sa bilog nga kalibutan nga si Joseph Smith propeta sang Ginuo.
Doktrina kag mga Kasugtanan 64:7–11; Saints, 1:283