Pagpangasawa sang Madamo

Samtang nagatuon si Propeta Joseph sang Biblia, nabasahan niya ang parte sa mga propeta pareho ni Abraham kag Moises nga ginkasal sa masobra isa ka asawa. Madamo sang pamangkot si Joseph. Gani nagdesisyon sia nga magpangamuyo kag magpamangkot sa Ginuo.

Doktrina kag mga Kasugtanan 132:1; Saints, 1:121, 503

Siling sang Ginuo nga kasami ang isa ka lalaki dapat may isa lang ka asawa. Pero kon kaisa ginasugo sang Ginuo ang lalaki nga magpakasal sang masobra sa isa ka asawa. Ang tawag diri pagpangasawa sang madamo. Siling sang Ginuo kay Joseph nga ang Iya katawhan dapat mangasawa lang sang madamo kon Iya ginsugo.

Jacob 2:27–30; Doktrina kag mga Kasugtanan 132:34–39; Saints, 1:121, 290–91, 489–90, 503

Tinuig ang nagligad, ginsugo sang Ginuo si Joseph kag ang iban nga mga Santos nga magpangasawa sang madamo. Indi mahapos nga sundon ini nga kasugoan.

Saints, 1:290–91, 444–46

Naghimo ang gobyerno sang mga layi kontra sa pagpangasawa sang madamo. Ang iban nga mga Santos, pati ang mga lider sang Simbahan, ginpriso.

Saints, 2:501–4

Sang 1890, ginhambalan sang Ginuo si Wilford Woodruff, ang Presidente sang Simbahan, nga indi na magpangasawa ang mga lalaki sang masobra sa isa ka asawa. Ginpakigbahin sang mga lider sang Simbahan ining kasugoan sa mga Santos. Amo man ini gihapon ang kasugoan sang Ginuo sa karon—ang lalaki dapat makasal lamang sa isa ka asawa.

Opisyal nga Deklarasyon 1; Saints, 2:598–601, 607–9