“Natun-an sang mga Santos ang parte sa Bunyag para sa Patay,” Mga Sugilanon sa Doktrina kag mga Kasugtanan (2024)
“Natun-an sang mga Santos ang parte sa Bunyag para sa Patay,” Mga Sugilanon sa Doktrina kag mga Kasugtanan
Agosto–Oktubre 1840
Natun-an sang mga Santos ang parte sa Bunyag para sa Patay
Paglaum para sa mga miyembro sang pamilya nga wala nabunyagan
Si Jane Neyman nagaestar sa Nauvoo. Nagkadto sia sa lubong kon diin nagahambal si Joseph Smith. Ginpadumdom sang lubong kay Jane ang iya bata nga si Cyrus. Napatay na sia kag wala pa nabunyagan. Nabalaka si Jane kay Cyrus. Kabalo sia nga kinahanglan naton mabunyagan para makaestar upod sa Amay nga Langitnon.
Saints, 1:421
Nahibal-an ni Joseph ang iya nabatyagan. Amo man sina ang ginpamensar niya parte sa iya utod nga si Alvin, nga napatay man nga wala mabunyagan.
Saints, 1:421
Sa lubong, ginpakigbahin ni Joseph ang gintudlo sang Dios sa iya. Siling niya nga kon may napatay nga wala pa mabunyagi, pwede kita bunyagan para sa ila.
Saints, 1:421
Grabe ang kalipay ni Jane sang mabatian ini! Wala madugayi pagkatapos sang lubong, nagkadto sia sa suba upod ang isa ka elder sang Simbahan. Ginbunyagan niya sia para kay Cyrus.
Saints, 1:421
Pagligad sang pila ka semana, gintudloan ni Joseph ang madamo pa nga mga Santos parte sa bunyag para sa patay. Siling niya nga madamo sa mga tawo nga napatay na ang gusto magpabunyag. Gusto nila sundon si Jesucristo. Nagahulat sila kag nagalaum nga mabunyagan ang mga miyembro sang ila pamilya nga buhi pa para sa ila.
Doktrina kag mga Kasugtanan 128:15–19; Saints, 1:423
Nagdalagan dayon ang mga Santos sa suba. Ginbunyagan sila para sa mga tawo nga ila ginapalangga. Ginbunyagan si Hyrum Smith para kay Alvin. Sang ulihi, gintudlo sang Ginuo nga ang bunyag para sa patay dapat nga himuon sa templo, nga may magtago sang rekord sang tagsa ka bunyag, kag mga lalaki ang dapat bunyagan para sa lalaki kag babayi para sa babayi.
Doktrina kag mga Kasugtanan 124:29–32; 127:5–12; 128:1–9; Saints, 1:424