Mga Sugilanon sa Balaan nga mga Kasulatan

Ginpakigbahin ni Samuel Smith ang Libro ni Mormon

“Ginpakigbahin ni Samuel Smith ang Libro ni Mormon,” Mga Sugilanon sa Doktrina kag mga Kasugtanan (2024)

“Ginpakigbahin ni Samuel Smith ang Libro ni Mormon,” Mga Sugilanon sa Doktrina kag mga Kasugtanan

1830–1832

Ginpakigbahin ni Samuel Smith ang Libro ni Mormon

Ginabugayan sang isa ka libro ang madamo nga kabuhi

Si Samuel Smith nga ginapakigbahin ang Libro ni Mormon kay John kag Rhoda Greene.

Gintawag sang Ginuo si Samuel Smith, manghod ni Joseph, sa misyon para ipakigbahin ang ebanghelyo. Nakilala ni Samuel si John kag Rhoda Greene kag gin-istoryahan sila parte sa Libro ni Mormon. Si John manugwali sa lain nga simbahan. Siling niya nga madala sia sang kopya sang libro kag tan-awon kon may ara sa iya simbahan nga gusto magbasa sini.

Saints, 1:99

Si Rhoda nga ginabalik ang Libro ni Mormon kay Samuel.

Pagligad sang pila ka bulan, nagbalik si Samuel. Siling ni Rhoda nga waay gid sang makita ang bana niya nga gusto magbasa sang Libro ni Mormon. Ginbalik niya ini kay Samuel.

Saints, 1:99

Si Rhoda nga nagahambal kay Samuel nga nanamian sia magbasa sang Libro ni Mormon.

Nasubuan si Samuel. Malakat na kuntani sia, pero ginpunggan sia ni Rhoda. Siling niya nga ginbasa niya ang Libro ni Mormon, kag nanamian sia sini.

Saints, 1:99

Si Samuel nga ginabalik kay Rhoda ang Libro ni Mormon kag ginahagad sia nga magpangayo sa Dios sang testimonya.

Ginhambalan sang Balaan nga Espiritu si Samuel nga ibalik ang libro kay Rhoda. “Magpangayo ka sa Dios nga hatagan ka sang testimonya,” siling ni Samuel sa iya. Gintudloan niya si Rhoda parte sa Balaan nga Espiritu kag kon paano niya mabal-an nga ang Libro ni Mormon matuod.

Moroni 10:3–5; Saints, 1:99–100

Si Samuel nga nagapauli halin sa misyon.

Nagpauli si Samuel halin sa misyon. Wala sia sang nabunyagan, kag pila lang gid ka tawo ang nagka-interes sa Libro ni Mormon.

Si Rhoda nga nagapakigbahin sang Libro ni Mormon sa iya utod nga si Brigham Young.

Nangamuyo si Rhoda kag John, kag ginhambal sang Balaan nga Espiritu sa ila nga matuod ang Libro ni Mormon. Dayon ginpakigbahin ni Rhoda ang libro sa iya utod nga si Brigham Young.

Saints, 1:100

Si Brigham Young kag Heber Kimball nga nagabasa sang Libro ni Mormon.

Si Brigham kag ang iya amigo nga si Heber Kimball nagapangita sang matuod nga Simbahan ni Jesus. Ginbasa nila ang Libro ni Mormon. Gintun-an nila kag ginpangamuyoan ang parte sa ebanghelyo ni Jesucristo sang halos duha ka tuig.

Si Brigham nga nagapamati sa misyonero nga nagapakigbahin sang iya testimonya.

Sini nga tiyempo, nagakadto si Brigham kag Heber sa mga miting sang Simbahan upod ang ila mga pamilya. Sa isa ka miting, nabatian ni Brigham ang isa ka misyonero nga nagapakigbahin sang iya testimonya. Indi maayo maghambal ang misyonero, pero nabatyagan ni Brigham ang Balaan nga Espiritu samtang nagahambal sia. Nabal-an ni Brigham nga nagahambal sia sang matuod.

Si Brigham kag Heber nga nagawali sang ebanghelyo.

Si Brigham, Heber, kag ang ila mga asawa nga si Miriam kag Vilate, ginbunyagan. Palangga nila ang Manluluwas kag ang Iya ebanghelyo. Tinuig ang nagligad, gintawag sang Ginuo si Brigham kag Heber nga mangin Iya mga Apostoles kag maglakat sa mga misyon. Tungod ginpakigbahin ni Samuel ang Libro ni Mormon, madamo ang nagpamiyembro sa Simbahan sang Manluluwas.

Doktrina kag mga Kasugtanan 124:127–29; 126; Saints, 1:215–16