Ang Damgo ni Desideria

Gingiyahan sang Ginuo sa Mexico

Si Desideria Yáñez nagaestar sa Nopala, Mexico. Isa ka gab-i, nagdamgo si Desideria parte sa gamay nga libro nga ginahimo sa Mexico City. Gintawag ini nga Voz de amonestación, ukon Tingug sang Paandam. Pagbugtaw ni Desideria, nabal-an niya nga kinahanglan niya pangitaon ina nga libro.

Saints, 2:477

Si Desideria nga nagasugid sa iya bata parte sa damgo.

Pero malayo ang Mexico City, kag gulang na kaayo si Desideria para magbiyahe sang amo sina kalayo. Nabatyagan niya nga gusto sang Ginuo nga pangitaon niya ina nga libro. Amo nga ginsugiran niya ang iya bata, si José, parte sa iya damgo. Nagpati man sia nga importante ang libro. Ginhambalan niya ang iya nanay nga pangitaon niya ini para sa iya.

Saints, 2:478

Pag-abot ni José sa Mexico City, masako ang kadalanan, magahod, kag puno sang mga tawo. Paano niya pangitaon ang libro sa amo sini kagutok nga lugar?

Saints, 2:478

Si José nga nagapakigkita kay James Stewart.

Pagkaligad sang pila ka adlaw, nakilala ni José ang misyonero nga si James Stewart. Siling ni James nga ginahikot niya ang pag-imprinta sang libro nga ginatawag Voz de amonestación.

Saints, 2:478

Si James nga nagaistorya parte sa Libro ni Mormon.

Grabe ang kalipay ni José! Ginsugiran niya si James parte sa damgo sang iya nanay. Ginpaathag ni James nga gamiton sang mga misyonero ang Voz de amonestación para magtudlo sa mga tawo parte kay Jesucristo kag sa bag-o nga libro sang balaan nga kasulatan, ang Libro ni Mormon.

Saints, 2:478

Si James nga nagahatag sang mga libro kay José para buligan sia nga magtuon parte sa ebanghelyo.

Ang Voz de amonestación wala pa matapos, kag ang Libro ni Mormon wala pa ma-translate sa Espanyol. Pero ginhatagan ni James si José sang lain nga mga libro kag mga papeles para buligan sia kag ang iya nanay nga magtuon parte kay Jesucristo, sa Libro ni Mormon, kag sa ginpanumbalik nga Simbahan.

Doktrina kag mga Kasugtanan 90:11; Saints, 2:478–79

Si José kag ang iya nanay nga upod nga nagatuon parte sa ebanghelyo.

Dali-dali nga nagpauli si José sa iya nanay. Upod nila nga gintun-an ang ebanghelyo, kag nahibal-an nila nga matuod ini. Nagpangabay si Desideria nga magkadto ang mga misyonero para bunyagan sia.

Saints, 2:479

Si Desideria, José, kag ang bata ni José nga si Carmen nga ginabunyagan.

Si Desideria ang isa sa pinakauna nga mga babayi nga ginbunyagan sa Mexico. Ginbunyagan man si José kag ang iya bata nga babayi.

Saints, 2:479

Si Desideria nga nagabaton sang kopya sang Libro ni Mormon.

Sang matapos ang Voz de amonestación, ginhatagan si José sang 10 ka kopya para ipanghatag sang iya nanay sa iban sa Nopala. Tinuig ang nagligad, sang naimprinta na gid man ang Libro ni Mormon sa Espanyol, si Desideria ang una nga tawo sa Mexico nga nakabaton sang kopya. Nabal-an niya nga gingiyahan sia sang Ginuo padulong sa ginpanumbalik Niya nga Simbahan.

Doktrina kag mga Kasugtanan 88:81; Saints, 2:479