Mga Sugilanon sa Balaan nga mga Kasulatan

Si Telii Nagserbisyo sa Ginuo

“Si Telii Nagserbisyo sa Ginuo,” Mga Sugilanon sa Doktrina kag mga Kasugtanan (2024)

“Si Telii Nagserbisyo sa Ginuo,” Mga Sugilanon sa Doktrina kag mga Kasugtanan

Abril 1844–Marso 1852

Si Telii Nagserbisyo sa Ginuo

Pagtukod sang Simbahan sa Tubuai

Si Telii kag iban pa nga nagatan-aw sa pag-abot sang mga misyonero nga Santos sa Ulihing mga Adlaw.

Isa ka babayi nga gintawag Telii nagaestar sa gamay nga isla nga ginatawag Tubuai. May mga misyonero halin sa lainlain nga mga simbahan nga nagabisita sa Tubuai, pero kasami wala sila nagatiner sang madugay. Isa ka adlaw sang 1844, nalangkag si Telii sang makabati nga nag-abot ang mga misyonero sang Ang Simbahan ni Jesucristo sang mga Santos sa Ulihing mga Adlaw sa Tubuai.

Doktrina kag mga Kasugtanan 1:1; 133:8

Ginhagad ni Telii kag Nabota ang mga misyonero nga magtiner sa ila.

Pakadto ang mga misyonero sa mas dalagko nga mga isla. Pero gusto sang mga tawo sa Tubuai nga magtiner sila kag tudloan sila sang ebanghelyo. Siling ni Telii kag sang iya bana nga si Nabota, nga pwede magtiner ang mga misyonero sa ila balay. Isa sa mga misyonero, si Addison Pratt, nagpasugot.

Saints, 1:573–74

Si Telii kag Nabota nga nagadungan kaon upod sa isa ka misyonero.

Ginpakigbahin ni Telii kag Nabota ang tanan nga ara sa ila kay Addison. Gintudloan nila sia sang ila lenggwahe. Gintudloan sila ni Addison parte kay Jesucristo.

Si Telii nga ginabunyagan samtang nagatan-aw si Nabota.

Ginhambalan sang Balaan nga Espiritu si Telii kag Nabota nga matuod ang ebanghelyo sang Manluluwas. Sila ang una nga mga tawo sa Tubuai nga nabunyagan.

Saints, 1:573–74

Si Telii kag iban pa nga nagapakigbahin sang ebanghelyo sa mga tawo sa Tubuai.

Si Telii, Nabota, kag Addison nangin suod nga mag-abyan. Upod sila nga nagbiyahe kag nagtudlo sang ebanghelyo sa Tubuai kag sa iban pa nga mga isla. Kon hambalan sang mga tawo ang mga Santos sang Tubuai nga wala sila dapat nagpamiyembro sa Simbahan, ginatudloan sila ni Telii halin sa balaan nga kasulatan nga matuod ang Simbahan.

Saints, 2:27, 45

Si Telii, Nabota, kag Addison nga upod nga nagakanta.

Gusto ni Telii nga buligan ang mas madamo nga tawo sa Tubuai nga magtuon sang ebanghelyo ni Jesucristo. Ginhimuan niya sang musika ang balaan nga kasulatan kag gin-imbitar ang dalagko nga mga grupo nga mag-upod kanta sa iya kon gab-i. Ang pagkanta sang mga kanta ni Telii nakabulig sa madamo nga tawo nga makatuon sang ebanghelyo kag matandaan ang ila mga natun-an.

Doktrina kag mga Kasugtanan 25:12

Si Telii kag ang iya pamilya nga nagaamoma sang pamilya ni Addison.

Tinuig ang nagligad, madamo pa gid nga misyonero ang nagkadto sa Tubuai, pati na ang pamilya ni Addison. Ginpadayon sila ni Telii sa iya balay. Nagtrabaho sia upod sa asawa ni Addison, nga si Louisa, para serbisyohan ang mga babayi sang Tubuai.

Saints, 2:133–34

Si Telii kag ang iya pamilya nga nagapadayon sa pagpakigbahin sang ebanghelyo sa iban.

Pagligad sang panahon, napilitan ang mga misyonero nga maghalin sa Tubuai kag sa iban pa nga mga isla. Pero padayon si Telii sa pagtudlo kag pagpanguna sang mga Santos. Tungod sang ehemplo kag serbisyo ni Telii, nagpadayon nga mabakod ang Simbahan sa Tubuai.

Saints, 2:150–51