“Bilanggoan sang Liberty,” Mga Sugilanon sa Doktrina kag mga Kasugtanan (2024)
“Bilanggoan sang Liberty,” Mga Sugilanon sa Doktrina kag mga Kasugtanan
Oktubre 1838–Marso 1839
Bilanggoan sang Liberty
Pagsalapo sang Ginuo sa tiyempo sang kabudlayan
Madamo nga tawo nga nagaestar sa Missouri ang wala manamii sa mga Santos. Nagpadala sang mga soldado ang gobernador para pahalinon sila. Ginpanglagas sang mga soldado ang mga Santos pa-gwa sa ila mga balay, ginpangawat ang mga gamit nila sa ila mga puluy-an, kag ginsakit ang kadam-an sa ila.
Saints, 1:355–56, 362, 364
Gindakop sang mga soldado si Propeta Joseph Smith kag ang iban nga mga lider sang Simbahan.
Saints, 1:357–58
Namangkot si Joseph kon pwede sia makapangayo sang tiyempo nga sila lang sang iya pamilya. Siling sang mga soldado, indi. Gindala nila si Joseph kag ang iban para prisuhon.
Saints, 1:366
Isa ka gab-i, nagapamati si Joseph kag ang iban nga mga priso samtang nagakinadlaw ang mga guwardya parte sa malain nila nga ginpanghimo sa mga Santos. Indi na makaagwanta si Joseph sa pagpamati. Nagtindog sia kag nagsinggit, “Hipos!” Naghambal sia upod ang gahum sang Dios. Kinulbaan ang mga guwardya. Nangayo sila sang patawad kag nag-untat sa pag-istoryahanay.
Saints, 1:367–68
Sang ulihi, ginbutang si Joseph kag ang iya mga abyan sa prisuhan sa banwa nga ginatawag Liberty. Matugnaw kaayo, gamay, kag madulom ini nga prisuhan. Mahigko nga uhot lang ang ila matulugan. Diutay lang kaayo ang ila pagkaon, kag naglain ang ila tiyan.
Saints, 1:369–70, 374, 384–85
Pirme ginapamensar ni Joseph ang mga Santos. Palangga niya sila. Nabalaka sia para sa ila. Pero wala sia sang mahimo para buligan sila.
Saints, 1:385–86
Pirme nagapangamuyo si Joseph. Namangkot sia sa Dios kon diin na Sia kag kon ngaa waay Niya ginabuligan ang mga Santos. Ginkalimtan na bala sia sang Dios kag ang Simbahan?
Doktrina kag mga Kasugtanan 121:1–6
Ginsabat sang Dios ang pangamuyo ni Joseph. Siling Niya, “Anak ko, paghidaet sa imo kalag.” Ginhambalan Niya si Joseph nga ang iya mga kabudlayan mangin malip-ot lamang, kag mangin para ini sa iya kaayuhan. Ginpadumdom sang Dios si Joseph nga mas mabudlay pa gid ang inagyan ni Jesucristo. Ginpromisahan Niya sia nga mangin kaupod Sia ni Joseph “tubtob sa wala’y katapusan.”