Ang Wala Katapusan nga Pag-asawahay kag mga Pamilya

Sang ginkasal si Emma kag Joseph, nagpati sila nga ang ila pag-asawahay matapos kon mapatay na sila. Amo gid sini ang tanan nga kasal. Pero ginhambal sang Ginuo kay Joseph nga ang mga pag-asawahay kag mga pamilya sarang nga magpadayon sa katubtuban.

Saints, 1:413

Gintudloan sang Ginuo si Joseph parte sa wala katapusan nga pag-asawahay. Paagi sa gahum sang priesthood, ang lalaki kag babayi sarang maghimo sang kasugtanan upod sa Ginuo. Kon tumanon nila ang ila kasugtanan, nagapromisa ang Ginuo nga ang ila pag-asawahay magalab-ot sa katubtuban. Ginatawag ini nga pagselyo. Sa wala madugay, ginselyohan si Joseph kag Emma sa katubtuban.

Doktrina kag mga Kasugtanan 132:7, 19–24; Saints, 1:413, 432–33, 481–82, 492, 502–3

Natun-an man ni Joseph nga kon ang lalaki kag babayi naselyohan, ang ila kabataan maselyohan man sa ila. Tungod sa gahum ni Jesucristo, ang ila pamilya mahimo nga maglawig hasta sa katubtuban. Sang ginhambal ni Joseph sa mga Santos ini nga bugay, grabe ang ila kalipay! Indi sila makahulat nga maselyohan.

Doktrina kag mga Kasugtanan 131:2; 132:6–7; Saints, 1:492–93, 580

Sang ulihi gintudlo sang Ginuo nga ang mga pagselyo dapat himuon sa templo. Nangabudlay todo ang mga Santos para matapos ang templo sa Nauvoo para maselyohan sila. Sang nahanda na ang templo, madamo nga pamilya ang ginselyohan. Ginselyohan man sila gani sa mga miyembro sang pamilya nga patay na. Nagapasalamat gid sila sa sining bugay!

Saints, 1:579–80