Ang Relief Society

Ang mga babayi sang Nauvoo nagaserbisyo sa Ginuo

Si Margaret Cook kag Sarah Kimball nga nagaistoryahanay parte sa bag-o nga templo nga ginapatindog sa Nauvoo.

Si Margaret Cook nagaestar sa Nauvoo. Nagaobra sia kay Sarah Kimball, nga nagabulig sa iya sa pagpanahi. Samtang nagaobra sia, nanamian sila mag-istoryahanay parte sa bag-o nga templo nga ginapatindog sa Nauvoo. Ginakunyag sila sa bag-o nga templo.

Saints, 1:447

Si Margaret nga nakatalupangod nga ang mga nagaobra sa templo nagasuksok sang daan nga mga bayo.

Isa ka adlaw, natalupangdan ni Margaret nga madamo sa mga lalaki nga nagapatindog sang templo nagasuksok sang daan kag gision na nga mga bayo. Nanumdom sia kon pwede sila magbuligay ni Sarah sa pagtahi sang bag-o nga mga kamiseta para sa mga lalaki. Nanamian si Sarah sini nga ideya. Gin-istorya nila ni Margaret ang iban nga mga babayi parte sa paghimo sang grupo para buligan ang mga trabahante.

Saints, 1:447–48

Si Joseph Smith nga nagamiting upod kay Margaret, Sarah, kag iban pa parte sa pagporma sang Relief Society sang Simbahan.

Siling ni Propetang Joseph nga nalipay ang Ginuo sa ila ideya, kag may natigana Sia nga mas maayo pa gid para sa ila. Gin-imbitar ni Joseph ang mga babayi nga makigkita sa iya sang Marso 17, 1842. Gamit ang awtoridad sang priesthood, gin-organisar niya ang kababayin-an sang Simbahan. Nagdesisyon sila nga tawgon ang ila grupo nga Female Relief Society of Nauvoo.

Saints, 1:448, 450–51

Si Margaret nga nagapakighambal sa duha ka babayi.

Ginpangabay ni Joseph ang Relief Society nga buligan ang mga tawo nga maghanda para sa mga bugay sang templo kag kabuhi nga wala katapusan. Dapat sila mangin mga ehemplo sang pagsunod kay Jesus.

Saints, 1:451

Mga miyembro sang Relief Society nga nagadala sang pagkaon sa pamilya nga nagakinahanglan.

Siling man ni Joseph nga dapat pangitaon sang Relief Society ang mga tawo nga pigado kag buligan sila. Bisan ang mga babayi nga pigado gusto man magbulig sa mga tawo nga nagakinahanglan.

Saints, 1:449

Gin-organisar ang Relief Society. Si Emma Smith ang gintawag nga mangin presidente. Nagtawag sia sang duha ka manuglaygay, si Sarah Cleveland kag Ann Whitney. Nagtawag man sia sang sekretarya, si Eliza R. Snow.

Saints, 1:450

Si Emma nga nagatudlo sa mga babayi sa Relief Society.

Ginbuligan sang Ginuo si Emma nga tumanon ang iya calling. Gintudloan ni Emma ang mga babayi nga pwede sila maghimo sang dalagko nga mga butang sa pagserbisyo sa Ginuo. Gusto niya nga magpangita ang kada isa sang pamaagi nga maghimo sang kaayuhan. Pinakaimportante, siling niya, amo nga palanggaon ang iban nga tawo pareho sang pagpalangga ni Jesus. Madamo nga mga babayi sa Nauvoo ang nag-entra sa Relief Society.

Doktrina kag mga Kasugtanan 25:3, 7; Saints, 1:451

Tinipon nga mga litrato nga nagapakita kon paano nagabulig ang kababayin-an sang Simbahan sa mga tawo sa bilog nga kalibutan.

Ginabuligan nila ang mga tawo nga maghanda para sa mga bugay sang templo kag ginabuligan ang madamo nga pamilya nga nagakinahanglan sa Nauvoo. Sugod sadto, ang mga babayi sa bilog nga kalibutan nag-entra sa Relief Society. Padayon sila nga nagaserbisyo sa mga tawo kag nagabulig sa ila nga magbaton sang mga bugay sang templo.

Saints, 1:451